بيت سعنون ما انتي قادره تلحقين عليه !
يا قلبي أخاف أعطيك حسابات بالأنستقرام تهتم بالترتيب والتنظيم
تجيك صدمه نفسيه وتكرهين بيتك ورفالتك < هههه أعذريني ع هالكلمه
لو رجعتي للأساس غالبيتنا ما نحب شغل المطبخ والتنظيف
وكلنا نحب الراحه
لكن حب النظافه والتنظيم موجوده في فطرة كل أنثى
الرجال نسبه كبيره منهم عادي ياكل ويشرب وينام بكركبه وحوسه
بس البنت بطبيعتها لا يمكن
أول شي جيبي خدامة أهلك او أستأجري خدامه وخليها عندك يوم كامل
وانفظي البيت فوق تحت ورتبيه بمثل ما تحبين وبشكل يسهل عليك ترتيبه بالأيام الجايه
وامشي على نظام معين
وحدديلك يوم بالأسبوع يكون يوم التنظيف العميق وبقية الأسبوع ترتيب وتنظيف عشوائي
طبعاً دورات المياه الله يعزكم والمطبخ كل يوم تنظيف ما فيها تهاون

الله يسهل عليك المهمه 😁

ابتسام ايديني الحسابات فديتك خلينا نشوف ونتحمس

بيتك صغير تقدرين فيه وماعندك اطفال يحوسون
الحمامات حطي بكل حمام علبة كلوركس فاضيه وعبي فيها فيري وكلور والباقي مويه بس تدخلين صبي واشطفي حل سريع وسهل
الملابس حددي يوم بالاسبوع للغسيل
تعودي دايم تشيلي وترتبي اي شي بطريقك اوراق اغراض كذا راح يكون المكان على طول نظيف
المطبخ لازم تنظفينه مره بالشهر تنظيف عميق
ويوميا اول ماتدخلين قبل كل شي عبي علبه مويه وفيري وصابون وحطي فيها السفنج والسلك وعلى طول اي شي تستعمليه اغسليه وفي منشف حطي فيه الاغراض مو لازم تنشفينها خاصه اللي تستعمليها كثير
اكنسي مره كل يومين وامسحي السرميك مرتين بالاسبوع
صدقيني لو ضغطي على نفسك بتصير عاده عندك وماراح ترتاحي الا لمن يكون كل شي مرتب
الريحه الله يخلي الفواحات والجمعه بخري

عجبني الموضوع حلو كل وحده عطتك حلول جميله وسريعه ..دايما كل ما حسيتي بكسل اقرأي آية الكرسي وقولي سبحان الله والحمدلله والا إله إلا الله ولا حول ولا قوة إلا بالله والله أكبر بتحسي بنشاط..عن تجربه.

تسلمون وما قصرتو فديتكم