وليش ساكته كل ذا الوقت ع الأقل إذا ماتبغين مشاكل بينكم تفهمي الأب ليش تقول كذا عيب وحطي حد بالكلام قولي الحين كبروا ماعد هم بيبيات
اماً عن الولد
مفروض بينكم مساحه وبما انه كان يهتم فيك كان استغليتي الوقت تبي علاقه قويه مع ولدك وتفضفضين عن أشياء صارت اول تكون بسيطه مافيه شي وتعوديهم يكونوا يجونك
وتقدرين تلحقي تتكلمي مع ولدك قولي له ماادري ابوك وش ينوي يوم كذا لكن ياولدي الأم ماتكره عيالها وهذاك مو كره
فهميه من جهه طبيه ان وقت الحمل المره يحيها زي الهرمون الغريب تصير معصبه دايم وماتتحمل وإذا احد. سواً شي غلط تقلب الدنيا وقوليله ان نص الحريم تطلقوا بسبب هالفتره من أزواجهم حتى لو فيه حب والبعض يرجع بعد الولاده
لان ذا شي مؤقت البعض يسمونه عياف أو عوف يعني المره تعوف كل شي آكل كانت تموت فيه
وتتعب كثير
ترا فيها شي ان عيالنا يعرفون وش مرينا فيه
وتعبنا لحتى جبناهم
وبعدين شكلك محتفضه أو خايفه تكرهينه ب أبوه
انتي مارح تذكري والده بسوء بس بتعلميه وش الحقيقه
وان الأم الي تخاف الله مستحيل تكره عيالها ويوم كانوا أطفال ترا عادي نعصب عليهم لان يخربون واحيان يسوون مصايب ومالازم نسكت لهم وعادي ويوم يجيك عيال بالمستقبل بتفهم كلامه وتقول امي قالت
وجيل اليوم أسوء
بيشوف نجوم الليل بعز الظهر
مسوؤليات
تعب
شقى
مشاكل الحياه
الناس ماعد تتحمل احد اليوم والي مايعلمونه أهله يتعلم عند الناس بس أقوى
خذي الي يناسب وضعك
والله يهدي زوجك وولدك
وشوفي مصايب غيرك تهون مصيبتك
والله يعوض الج

فيه أطفال لما يكبرون ويسترجعون
ذكرياتهم زمان تلقين ردود فعلهم
تختلف حتى على مستوى الأخوان.

يعني شافوا شريط فديو..أو تذكروا
موقف قديم لعلقه أخذوها من أمهم أو أبوهم
تلقين بعضهم يهولهاااا ويحزن ويحسسك إنك كنت مجرمه وإنه مضطهد ومسكين
وكل كلمه والثانيه وانا صغير ضربتوني
وانا صغير بهذلتوني
بينما الثانين يآخذونها ببرود ومزح..

فولدك هذا حساس وممكن حاليًا عاش موقف
معين عزز شعور الظلم عنده
ممكن سمع كلمه منك..أو موقف معين
زود عنده الشعور هذا


أبوه غلطان وماله حق
ولا فيه مبرر لتصرفه هذا
الولد تكلمي معه وفهميه معنى الوحام
وابوه لازم يساعدك بطريقته
زي ما خرب الدنيا ..يصلحهااا
المهم لا يكبر شعور الظلم داخل الولد
وراعي إنه في فترة مراهقه

السلام عليكم ورحمة الله وبركاته
ابنك شكله حساس،،، حاولى تفهميه بهدوء ان هذا امر طبيعي،، الام تتوحم عالاب وعلي اخوها وابنها وتنجب ولد يشبهه هذا من الله وحتى عندما حملت بيك توحمت علي ابوك مامعناها انا اكرهه او اكرهك هذا شئ ماهو بيدي،،، انا أحبك حبيبي الغالي،، ومن هالكلام
اما أبوه الله يصلحه،، ليش يزعل ابنه ويحرجه لان الطفل بهل السن حساس،،، نبهيه علي هل النقطة،،، وفهميه ان يراقب كلامه،،،
الأب والأم لازم يكونو على تناغم وتفاهم في تربية أطفالهم،، مو واحد يبني والآخر يهدم!!!

قوي علاقتك بولدك
بس لاتعطينه وجه ع ذا السالفه
واذا هو اللي فتح السالفه مرة ثانية قلي كل الحريم اذا حملوا يصير عندهم تعب جسدي ونفسي وتنفلت من يدينهم بعض الامور
واستمري معاه بالاجواء الحلوة السوالف طلعات قهاوي بس بهالموضوع لاتعطينه وجه الا اذا سال مرة ثانية

ياعمري 😩ربي يسعدكن ياللي تفاعلتن ورديتو علي ربي يرزقكن سعادة الدارين.
ربي يجبر خواطركم خاطر خاطر 🥰😘😘😘😘