كيف التلقيح المجهري

مافيه شي اسمه اخف
انما التلقيح المجهري مضمون وادق ونسبه نجاحه اكبر من الانابيب
علشان التلقيح تحقن البويضه بالحيوان المنوي.
اما الانابيب تترك بنفس السائل وتتلقح من حالها.
بشكل مبسط وسريع
تحتاجي تعملي كل التحاليل المطلوبه انتي وزوجك
هو يعمل تحاليل شامله الغدد التشوهات الفيتامينات نسبه الحركه والعدد واللزوجه
وياخذ فيتامين ٣ شهور وانصح يعيد التحليل قبل العمليه للاطمئنان ويهتم بتغذيته ويخفف الدخان لو كان مدخن.
انتي قبل ٣ شهور تهتمي بتغذيتك ورياضتك وتاخذي فوليك اسيد ودال وتعملي تحاليل للهرمونات الاجسام المضاده الفيتامينات الغدد الامراض الوراثيه
وبيوم ثاني الدوره تراجعي اذا كلو تمام تبدئي كورس تنشيط لحد ما توصل احجام البويضات وعددهم للمطلوب
يتحدد يوم السحب يعملو لك تخدير كامل ويسحبو البويضات وزوجك يعطيهم عينته ثم يجي لك اخصائي الاجنه او الدكتور يخبرك كم بويضه سحبو وكم وحده صالحه للحقن
ثاني يوم يدقو عليك من المختبر علشان تعرفي كم عدد الاجنه اللي تلقحت
ثم يقرر الطبيب حسب انقسامات البويضه الافضل ترجع باليوم الثالث او الخامس من السحب
يتحدد موعد الترجيع من غير بنج وبعد ما تشربي نص قاروره مويه ومايحتج تكوني صايمه زي السحب
يتم الترجيع ويخبرك كم جنين رجع وكم درجتهم اولى ممتازين ثانيه اقل اشوي وهكذا.
ثم تنتظري اسبوعين تاخذي فيها ادويتك ثم تعملي تحليل هرموني رقمي لنسبه هرمون الحمل بالدم
انصحك تاخذي مع العمليه من يوم السحب ابر سيوله وادويه
والله يرزقك يارب لا تضيعي الوقت ابدااا