كيف الواحده تتغير -وايد كتومه

يقولون تندم على السكوت ولاتندم على الكلام ..... وحلو إنه الواحد مايتسرع بالرد ..
عسى إنه يندم على كلام طلعه من فمه !!

خواتي اللي أريد أن أوصله لكم .. إنه صديقني كتومه لحد المشاكل ...
كل واحد له طبع أنا أعرف هالشي ..... وأنا قلت لكم يوم أشتكي من شي يضايجني عندها تسكت وماترد ... ويوم سألتها: قالت إنه أن ماريد اتسرع بالرد وأندم على الكلام ... هي انسانه تعزني .... تجاملني في المناسبات ...

لكن ماتعرف تتكلم، أقصد ماتقول شي في قلبها، قلنا يمكن من النوع اللي تحب تحتفظ بأسرارها ... ما اختلفنا ... وهي وضحت لي كذا مره إنه الانسان مايوثق بهذه السهوله ... وأنا ما اختلفت وياها ... لأنه هذا رايها ...

بس أنا اختلف وياها بأني صديقتها وماتعبر باللي في خاطرها ... ماتعرف تمدح ماتعرف تجامل ( مش نفاق )

المشكلة حتى نكون صديقات تريد مني إني أفهمها من دون ماتتكلم وهي يوم ماتفهمني تقول مايصير أفهم انسانه دون ماتقول اللي في خاطرها .. ووضحت لها هالشي ... كيف تبيني أفهمج ؟؟؟

صار لي موقف وياها هي وصديقتها ( اللي وايد وياها ) ...
صديقتها عرضت عليّه بأني احضر عزيمه ....
وأنا كنت متردده الصراحة ... وهي اللي أجرب ويايه من صديقتها ماطلبت مني هالشي ... فقلت لها الصراحة ماعرف هل احضر أو لا !!!
صديقتي خلنا نقول اسمها :

سعاد وصديقتها نورة

نورة طلبت مني احضر وسعاد بس كانت تتطالعني بنظرات دون ماتتكلم .. :(
وكانت تضحك بطريقة ماعجبتني الصراحة !!!

فأنا حسيت إنه سعاد ماتريدني احضر ... في نفس الوقت نورة كانت تتكلم في التيلفون
فطلبت من سعاد إنها تطلع من الغرفة وقلت لها برع .... شو صاير ماتبيني أحضر ..
قالت لا ... أقولها شو السبب ؟؟؟ طبعا ماكانت ترضى ..
قالت ليش أنا اعرض عليج وهي عرضت عليج ماريدها تقول إني اتدخل ..

مع إني يا بنات المنتدى إني أشوف هالشي عادي لو طلبت مني ... هل هي معقده الأمور وإلا أنا حساسه ؟؟ :angry:

قلت لها شو بلاج ؟؟؟ قالت ماشي ماتعرفين طبعي انا ما أحب اتكلم ..
لكن يا بنات في مواقف الواحد يحتم عليه إنه يتكلم ..
وأنا وضحت لها انا ما اقول لحي عليّه بالحضور ... لكن نورة كانت مصره إني احضر ونظراتج ماعرف كيف كانت كأنج ماتردين اكون وياكم ..

قالت لا .... قلت لها : بس نحن من 6 سنوات مع بعض تستحين تطلبين مني إني احضر !!!! قالت : لا ونحن مع بعض من 6 سنوات ومازلتي ماتعرفين طبعي !!

المهم ... اتصلت بها بالتليفون .. وقالت الحقيقة انا صاير بيني وبين نورة خلاف وماحبيت اعرض عليج دام إنها تكلمت ....

وبعدين قلت لها انا مابحضر ..... قالت ليش تكبرين الموضوع وتسوينها سالفة ...
قلت له انا مش زعلانه بس عندي ظرف ما اقدر احضر ونحن مش اطفال ...
بس غريب طبعها هالبنت ...

دايما علاقتنا بهالصورة ... ماعرف كيف اتعامل وياها من كثر ماهي غريبة