كيف الواحد يقدر و يتقبل وضع هو ما وده يعيش فيه

انا دايم بمشاكل مع اخواتي و انا كتبت من الاول بالموقع اكثر من موضوع بنفس الفكره

و تقريبا من تزوجت و انا زوجي ما وده اروح لهم لان هم اصلا ما حضرو زواجي و هم ما دخلو بيتي و لا مره
الا والله اذكر دخلوه مره وحده مثل الاغراب برسمية و بعبياتهم مو عشاني عشان ابوي

اخر مره رحت لهم لبيوتهم قبل ثلاث اسابيع
و زوجي سوا لي مشكله ما وده اروح و غير كذا هم يجمعون على الساعه ١٢ بالليل يعني ما يرجعون بيتوهم الا الفجر و زوجي مو عاجبه و خلاص زوجي منعني عنهم بالمره و قال لي اذا بتروحين لازم اخوك ياخذك غيره لاء
و قمت اصيح عندهم و بدال ما قالو اختنا نساعدها
و نروح لها لبيتها قالو ما نبيك لا فبيوتنا و لا فبيت ابوي انتي نكد و و غيره و غيره انتي ما تحبينا و ما تبينا بس انتي ما تبين يفوتك شي ما تبين تحسين بالنقص

وحده مهم قالت احنا قررنا قرار و قلنا متفقين عليه
احنا ما نبيك بجمعاتنا و حتى لو رحنا لبيت ابوي لا تجين
قمت ارسلت لأبوي هالرساله و أبوي هاوشهم و بهذلهم
و زعلو لاني رحت قلت الموضوع لأبوي
و غير كذا ابوي مطلق امي بس معطيها شقه من شققه لان هو يشتغل بالعقار
و فبيت أبوي و شقت امي بس جدا.
صارو البنات عناد فيني ما يجون بيت ابوي لان يدرون ان زوجي يرضى يوديني لبيت امي و ابوي
و مو بس كذا ياخذون امي عندهم
ما يبوني اشوفها و لا هي تشوفني .. صارو يهددوني ان رحت لبيت ابوي و لا عند امي يروحون يكلمون زوجي يقولون له لا تجيبها عندهم
تخيلو يا بنات فوق انهم ما يبوني و لا يبون يدخلون بيتي يبون يمنعون امي و ابوي عني
و من كثر ما يهددوني ان يكلمون زوجي ما يخليني اروح لأمي
رحت كلمت ابوي قلت له انت لازم تحط لها حد هذي ما تخاف من احد

..

صارت سالفه يوم الخميس ابوي راح لهم هزأهم حسبالهم ان انا رحت قلت له و انا بهالموضوع بالذات ما ادري عنه
بس علشان رحت كلمته عشان اللي سووه لي خواتي خلاص ضنو ان انا السبب

انا خلاص قررت ما اروح لبيوتهم بس الحق ينقال اني حيل ازعل لما ادري انهم يجتمعون كل خميس بدوني
و حيل خايفه انهم يقدرون ان يمنعوني من امي و أبوي
حسبي الله و نعم الوكيل

انا الحين نفسيتي حيل تعبانه
كيف اقدر اعيش حياتي بدونهم مثل ما هم عادي عايشين
و لا اهمهم انا ..

و انا صرت اذا رحت لامي ما اقول لأحد بس اخوي مع امي بالشقه يروح يقول لهم من الباب المزح .. اخوي يمزح و يضحك و الباقي مكارين ناويين فعلا انهم يأذوني بأمي و ابوي

ابي اقسي قلبي
ما ابي ازعل عليهم
ما ابي اهتم لهم
و الله احس عضلة قلبي بتوقف و بتجي لي السكته