كيف امنع اختي تكلمني عن ولدها....

اختي كل ماكلمتها تحكيني عن ولدها وكيف يومه وايش صار جديد وايش الكلمة اللي نطقها اليوم تحكيني عن تصرفاته الاشياء الجديدة اللي سواها وكذا كل يوم

بتقولون ايش المشكلة بهالموضوع
انا اقولكم المشكلة
انا عندي طفلة مريضة الله يشفيها واكبر من ولد اختي فماابغي اختي تكلمني عن حياة طفلها الطبيعية وتطوره لسببين
الاول اني اجلس اتخيل بنتي تسوي هالاشياء وترتسم بسمة علي وجهي بس التفت واشوف بنتي تنزل دمعتي غصب
يعني كلام اختي يتعب نفسيتي انا متاقلمة علي وضع بنتي وافرح باقل القليل اللي تسويه ومااحب اقارنها باحد لكن لما يوميا اختي تكلمني اتعب لان غصب اقارن

الثاني وهو الاهم
والله اني اذكر الله عليه وماشاء الله تبارك الرحمن عسى ربي يحفظه ويرزقها بره لكن اخاف يوم تصيبه عيني
كذا من حبي له خايفة اصيبه بالعين
خايفة بلحظة ياس وضعف مع انه اللي يسويه شئ عادي وعادي جدا لكن لاني محرومة منه اخاف