الله يكون بعون بنتك ... بسجن مو بيت .. لا نت ولا تلفزيون

لاتفكرين بهالطريقه انك بتحافظين عليها لان بهالزمن كل شي مفتوح ودايم تقارن نفسها بصديقاتها وايش يشوفو وايش يتكلمو فيه

بتكبر شوي ومعاد تقدرين عليها خصوصا اذا دخلت الجامعه خليك صديقتها افضل من طريقة الاستعباد هذي

افتحي لها النت كل يوم ساعتين وانتي راقبيها بدون ماتحس

والتلفزيو ن خليها تشوف المسلسل وش صاير يعني

وياليت تحاولين تبعدينها عن المسلسلات بطريقه غير مباشره يعني جيبي لها بديل زي انك تشترين لها كتب روايات قصص

انتي دايما انصحيها ولااااااا تمنعيها


سبحان الله كذا بيجيها تأنيب ضمير بدون تذمر من امها اللي تمنعها من كل شي يسووه البنات


خليكي دايما جنبها بالنصح بدوووووووون المنع والحرمان

انتي القنوات التعبانه شيليها وخليك معاها يعني صاحبيها لان صعب تمنعينها ان ماكان فالبيت فاماكن ثانيه وأن ماكان بعلمك بيكون من وراك راح تشوف المسلسلات أنتي خليها تشوف مسلسلات محترمه والله يكون بعونك

لا حول ولا قوة الا بالله الله يرحم حالها مسكينة ..

انتي قاعدة تسلبين منها اجمل سنين عمرها ..

يختي وش هالتحجير عليها مسكينة السجن اهون لها من هالحالة ..

ترى التربية الصحيحة والقيم والمبادئ المؤمنة فيها ..

تقدرين تزرعينها فيها بطريقة غير الحرمان ..

تفرجي معها مو لازم تقعدين طول اليوم معها بس مري عليها من فتره لفتره والتلفزيون طبعا يكون بغرفه الجلوس ( امي الله يعطيها الصحه كانت تجلس معي وتتفرج معي المسلسلات وحتى الافلام وتندمج وهالشي حبيته كثير لاني حسيتها قريبه من اهتماماتي ومني وصرت اناديها اذا جاء مسلسل تحب تتابعه )

اغلب الناس عندهم دشوش وبناتهم من احسن البنات لان الاصل بالتربيه والحرص نمي عندها الخوف من الله والخوف على نفسها وان هالزمن مخيف وبنفس الوقت نمي عندها الثقه بنفسها وانك تثفي فيها كثير مو لازم تقوليه بالكلام خليه بالتصرفات

لاتفتحي كل الدش بس القنوات الخليجيه

واذا مره ماتبغى الدش حاولي معها بالاقناع مو الاكراه والغصب مع ان هالوقت وهالجيل يتعب الله يصلح الجميع

وفي الاخير لاافراط ولاتفريط امسكي العصا من النص