كلنا نبي ننحف ودي ارجع للدوام متغيره

وانا بعد تعبت ودي انزل وزني للعيد


:(
:(

الرياضه قبل الفطور بساعه راح تحرق لك دهون كثير
اما الرياضه بعد الفطور راح تحسن نسيجك العضلي

و ترى الرياضه عامل اساسي باي مشروع انقاص وزن


بالنسبه لنظامي جربيه يمكن يجوز لك

الفطور
طبق شوربه بدون دهون ((انا افضل الشوربات الخفيفه الشفافه .. مرق لحم او دجاج مع شوفان يكفي))
تمره وحده
حبه سمبوسه بالفرن طبعا

لو تحبين اللقيمات استبدليها باربع اصابع جبن في الفرن بدون زيت و عليهم سيروب البانكيك خالي السكر



العشا
جيبي الصحن الصغير مو صحن الاكل العادي
لا ابيك تاخذين الصغير ((حق الخبز))
حطي فيه مالذ وطاب ما بقول لك لا تاكلين بس بالصحن الصغير

وحاولي تأخرين العشا عشان ما تاكلين كثير وقت الغبقه

اذا اشتهيتي تنقنقين عالساعه 10-11 مع فلم
حاولي يكون كرفس وخس و شويه تونا محفوظه بالماء ((عصري عليها ليمون و شوي مسترد وملح وفلفل و احشي الخس وكليها))
يصلح ناكل اكل صحي برمضان ما يضر
لو اشتهيتي حالي كلي فاكهه او كسترد او مهلبيه او رز بلبن .. اللي مسوينه


السحور
يكون خفيف عشان عسر الهضم

يا اما كورن فليكس و موزه
او
عدس بس مو شوربه.. تثقلينه شوي و عندي وصفه سهله وحلوه له ((اسلقي العدس لحاله - سوي كشنه بصل و ثوم و ملح وفلفل و كمون و صبي عليه العدس المسلوق))
او
سلطة زبادي
او
شوربه قليلة الملح مع قطع دجاج

اخواتي رجيم السعرات مررره كويس
قريباتي نحفو عليه مرررره .. بمجرد يشوفون وجبه جديده يقيسون بالميزان او يتاكدون من السعرات عن طريق النت
وامورهم ماشيه ماشاء الله نحفو 20 كيلو او اكثر ... وصار عاده عندهم
واكلهم قليل السكر والملح ومافيه زيت عشان يكثرون كمية الاكل وتقل السعرات

يارب عقبالي

ماشاء الله ...
والله استفدت من موضوعكم ...
ان شتء الله اطبقة ...
بس انا ماعندي سير عندي الدراجة ...!!!