كيف انخطبتي ووش كانت ردة فعلك؟

قصتى طويلة ...........................لى رجعة ان شاء الله وقدر
بس حبيت اقولك موضوعك عسل يا عسل وبيجدد الحب فى القلوب .....................مشكورة

هلا اختي جرح الزمن ...ومشكوووووره على الموضوع الحلو..
انا ام زوجي كانت تبيني من زمان لاحد من عيالها بس ما كنت احسهم يناسبوني الى ان خطبتني لزوجي وكان يناسبني مره من كل الجهات وتم الموضوع مع اني رفضت في البدايه الى ان النصيب يجيك يجيك...
وحيااااااااااااااك اختي

موضوعك عسل
بالنسبه لي لسى الموضوع طازه سته شهور وشوي خطوبه وباقي شهرين الا يوم هههههه عــ ـالزواج ان شاء الله . ادعولي بالتوفيق وان الله يسهل جميع امورنا يا رب .

نرجع لمحور حديثنا
كانت لخطيبي مواصفات معينه يتمناها في بنت الحلال اندرجت عليه عدة لستات من الاسماء ما كان يوافق عليهم وفي النهايه عمي اللي هو ابو زوجي اختارني على انه فيه صلة نسب بعيده شوي ويحب ابوي ويحبنا من يومنا صغار كان لما يشوفني ماره عند بيتهم لازم يكلمني ويمزح معاي
شاوروا البنات وعمتي واخوانه بعد مشاورته طبعا والكل اقتنع
هو حبيبي صار عنده قبول مبدأي على الاشياء المعروفه وبحكم انه درس مع اخوي وصار معاه في
السكن الجامعي ارتاح للموضوع اكثر لانه على علاقة طيبه معاه

على فكره كانت ام زوجي ما تعرفني انا شخصيا
فكانت عندها حجه ان عباة اختي الصغيره كانت ضايعه في مزرعتهم فجت البيت بحجة انها جايبه العباه وتشوفني مره وحده
ومن محاسن الصدف اني انا اللي فتحت لها الباب وكانت علي بجامه سبورت وسألتني بعد شوية سوالف عشان تتأكد انتي فلانه ؟
قلت لها ايه
كان وقتها اجازه واحنا بنسافر لنفس المكان اللي بيسافروا له فسألتني عن تاريخ سفرنا قلت لها
بعدها خططوا انه نلتقي بهم في السفر ويحتكون بي اكثر لان عندهم ثلاث بنات قريبات من عمري
والانسان في السفر ينعرف اكثر
فلما وصلنا المنطقه اللي هم فيها عمي ابو زوجي كلم ابوي عشان نروح نسكن في نفس الفندق اللي هم ساكنين فيه واحنا يا غفلين لكم الله المقصود طبعا عشان يتعرفون علي اكثر رحنا وعجبنا الفندق سكنا معهم وجنب شقتهم بالضبط
فصارت طلعاتنا وروحاتنا وجياتنا اغلبها معهم
بعد رجعتنا بفترة شهر تقريبا او اقل كلمتني اقرب وحده من خواته الي على الجوال وسألتني اذا مومشغوله تبي تدق علي على الخط الثابت عشانها مشتاقه لي وودها نسولف مع بعض ما يصير نسولف عالموبايل وبعدها قالت اهم شي اكون لحالي عشانها بعد تبيني في موضوع خاص
بدا الشك يسري في عروقي ، كلمتني في الموضوع وقالت السالفه كلها الانفة الذكر وانهم جالسوني اكثر في السفر وانعجبوا بشخصيتي وحسوا اني المناسبه لولدهم
وبعد اسبوع ردينا عليهم وتمت الخطبه في 26 رمضان 1426 والحمد لله .

وهذي سالفة خطبتي من طأطأ للسلام عليكم ...


دعواتكم الطيبه حبيباتي :)

أم عطا حبيبتي في انتظارك وشكرآ لكلامك الحلو
خووخه شكلك زيي اخذتي نصيبك وانتي ساكته
طفولية قصة خطوبتك حلوه الله يسعدك حبيبتي

أنا خطبتي عن طريق زوجة أبوه شافتني واعجبت بي ( امحق )
وللأسف بعد ماتمت الخطبه واعطيناهم كلمة
صديقتي اخطبتني لأخواها
فرق السماء عن الأرض
الله يهديها ياليتها تقدمت شوي لانها فرق عن خطيبي الحالي
لكن كل واحد ما يأخذ غير نصيبة
زوجة أبوه تصير عمة رجل أختي
وردة فعلي في البداية تردد وخوف
لكن الأن احس عادي مستانسه
الله يوفق الجميع
(عسى أن تكرهو شيء وهو خير لكم )
والله يكتب الي فيه الخير للجميع ويوفقهم .