نصيحة لاتتميلحين ولاهم يحزنون نصيبك بيجيك
انا زوجي تاجي ولاعمري توقعت ياخذن ولاحتى بالحلم لكن نصيب

😳😳😳😳😳😳😅😅😅 ترى بيعرفو انها تلمح لشي

الله يرزقك بالزوج الصالح وييسر حياتك ويعينك
بالإضافة إلى نصائح الأخوات من تقرب من الله ودعاء وذكر وعمل بالأسباب وذكرتي بكلامي وهنا كلامك صحيح وطبيعي كل وحدة تبغا تشعر إنها جميلة وإن الرجال يبغونها ويطلبون ودها لكن اللي مو طبيعي إن ثقتك بنفسك تهتز لهذي الدرجة في حال عدم الزواج، إنتي ما وصلتي الثلاثين حتى عشان تكوني بهذي السلبية وش بقيتي للي أعمارهم في الثلاثينات والأربعينات وهم مابعد تزوجوا؟
والزواج قسمة ونصيب ياما تلقين بنات جميلات وماتزوجوا أو يتزوجوا ويتطلقوا وبنات عاديات متزوجات وبعيالهم، هو في النهاية نصيب إذا ربنا كاتبه لك بتاخذينه لو ايش كان شكلك، ضروري تنمين ثقتك بنفسك وتشغلين وقتك بشي مفيد وتعرفين إن الزواج مطلوب لكنه ماهو نهاية الحياة، إذا ماتزوجتي خطأ تندبي وتحزني وتلطمي، الحياة ماهي بس زواج، الحياة فيها صديقات وأقارب ودورات ومحاضرات ودراسة وظيفة وتعلم مهارات جديدة ومشاريع جديدة، أهم شي كوني إنسانة منتجة ومفيدة لمصلحتك أنتي، خطأ توقفي حياتك بانتظار الزواج، إذا جاء حياه الله وإذا ماجاء قدر الله وماشاء فعل وحياتك ماتوقف هنا أبدًا، وحتى الزواج نفسه ترا مو كله زين، ياما حريم مرتاحات ببيوت أهاليهم تزوجوا وشافوا الويل من مصايب وزوج غير مسؤول وبخيل ونكدي ويحب المشاكل وأبناء متطلبين وتذكروا أيام الراحة اللي كانوا فيها، ماراح أقول إن الزواج مو مهم، لكن ترا حتى الزواج له جانب سلبي وماهو كله إيجابيات وحياة هانئة وسعيدة، وأما الشماتة حتى المتزوجات يعانوا منها: وحدة تتشمت عشان زوج هذيك فقير، وزوج هذيك وظيفته ماهي زينة، وزوج هذيك تزوج عليها، وزوج هذيك راعي سفريات ولعب، وزوج هذيك يضربها ويسيء معاملتها، وزوج هذيك رامي عياله ومسؤولياته، وزوج هذيك ماينفق، وزوج هذيك مو راضي يطلق وممرطها بالمحاكم، لو كنتي تبغي تهربي من الشماتة بالزواج فترا الشماتة ماتوقف، اللي وده يشمت راح يشمت وراح يقدر يلاقي مليون سبب يشمت عشانه، أول شي يشمتوا عشانك ماتزوجتي ثم يشمتوا عشان زواجك ماهو فخم ثم يشمتوا عشان ماخلفتي بسرعة ثم يشمتوا عشان عيالك مزعجين وكسالى وإذا كانوا شطار راح يشمتوا ليه عيالك ماهم اجتماعيين ولو هم اجتماعيين راح يلقوا سبب يشمتوا عشانه.
ومثل ماقالوا الأخوات ضروري يكون عندك حسن ظن بالله وتشيلين هالسلبية، انتي مقتنعة إن حظك طايح ومتأكدة إنك مستحيل تتزوجي!! ضروري تغيري تفكيرك وادعي ألحّي على الله بالدعاء وكوني واثقة باستجابة الله لدعائك وصابرة ومؤمنة بقضاء الله لك خيره أو شره، لكن لا تقنطي أبدًا من رحمة الله.
عموماً يا أختي أنا أشوف إن حل مشكلتك في أمرين رئيسين إذا حليتيهم بتنتهي مشكلتك:
1- الضغط على أهلك للموافقة على الصالح، الرسول يقول في ما معناه: إذا أتاكم من ترضون دينه وخلقه فزوجوه إلا تفعلوا تكن في الأرض فتنة وفساد كبير، كلمي أهلك وخليهم يخففوا من شروطهم ومواصفاتهم، في بعض اللي ماتزوجوا ماينخطبوا أصلاً لكنك تنخطبي وهذا أمر جيد ودلالة على أنك مرغوبة، لكن المشكلة إن أهلك يرفضون. فلازم تحلي مشكلة أهلك، مادام الرجل خلوق ويصلي وظاهر عليه الصلاح وتحمل المسؤولية والقدرة على فتح بيت فهذا كافي، وأي شروط زايدة راح تأخر موضوع زواجك.
2- لااااازم تنمي ثقتك بنفسك وتعرفي إن الزواج ماهو كل شيء، إن جاء الحمدلله وإن ماجاء الحمدلله الذي لا يحمد على مكروه سواه، ابني لك حياة وعيشي حياتك واستمتعي بها، وتعلمي إن كلام الناس مايودي ولا يجيب فلا تتأثري به ولا يهمك وخليه ورا ظهرك دائماً، وثقتك هذي راح تنعكس على الناس السلبيين اللي حولك، هم إذا نقدوا وشافوك حزينة وساكته أكيد بينبسطوا وكل يوم يتكلموا عنك، لكن إذا فتحوا فمهم وشافوك راضية ومقتنعة وعايشة حياتك ومبسوطة وماهمك كلامهم راح ينقهروا ويسكتوا، مثل هذي الأشكال يعيشوا ويتغذوا على الضعف وقوية الشخصية مايقدروا يفتحوا فمهم بكلمة عندها.
الله يزوجك بالرجل الصالج

الله يرزقك بالزوج الصالح ويرزق جميع بنات المسلمين