كيف انخطب....؟!!!

السلام عليكم
عندي موضوع محتاره فيه
أنا عمري ٣٤ عزباء
الحمد لله راضيه بحياتي ومتى ربي يكتب لي الزوج الصالح
مشكلتي تكمل تأخر زواجي بسبب أهلي هو المقام الأول
ومن ضمنها عدم الاختلاط بناس واكيد في اشياء ثانيه
اهلي من النوع كانو متحكمين بموضوع الزواج من دون اخذ رأيي بالموضوع
انخطبت لشخص يقال انو في اعاقه ورفضوه
نفس الحكايه حضروا اشخاص يخطبوا اختي بس رفضت تدخل (الي فهمته بعد فتره انو يعتقدوا هالشخص موكويس فأأختي الكبيره قالت لأمي ماتدخل لهم فلانه الي هي أختي) فنادوني انا بدل عنها ع الأساس جاين لي بعدها خلاص خطبوني... بعد السؤال عنه وطلع الرجل تمام... اختي الكبيره تدخلت بالموضوع انو تصير الخطبه لأختي دام جاين لها اساسا ودام هي الاجمل .. المهم صارت الخطبه لأختي
من دون أخذ رأيي بأي شي
هم حضروا بعد فتره أشخاص يخطبوا وخطبوني وامي عجبتها الله يهديها الحركه انو يخطبوني وتحولهم لأخواتي الباقي... يكونوا مصرين علي بس أمي الا تبيهم ياخذون اختي فلانه انو هي الي تشتغل ومااتدرس ووهي وهيي خذوها أفضل بعدها يسحبون مايرجعون
َالمهم صارت لي خطوبات ناس تكلمني تخطبني لكن يكونوا غير مناسبين متزوج أو كبير بالعمر
انخطبت من واحد كبير بالعمر وخبرت اختي الكبيره
قالت عادي وافقي يمكن مااحد يجيك بعدين
استغربت من ردها
بعد كم سنه وحده كلمتني انو بتخبر أشخاص عني انو يزورني عشان خطبه
خبررت اختي الكبيره بالموضوع وعرفت انو شغلته ممتازه وراتبه عالي ع الرغم
الا تقولي انا متندمه انو اختي تزوجت فلان جا واحد يخطبها راتبه عالي لكن ما جاو بعدين لو منتظرينهم وووو
وبعدين قالت الي يجون لك لازم قبل نسألهم ايش يبون موصفات قبل يجون
يمكن يصير احراج ويمكن يبون بيضا.. المفروض نوصفك لهم قبل يجون إذا نفسس الي يبون لو لا
أنا ماادري كيف كان تفكيره وليه تفكيرها كذا...
ع الرغم وحده من خواتي مو بيضا لو تنخطب مارح. تقول احراج ولا لازم ونصفك
وفي هالوقت خبرتها انو الرجل مطلق وبهالعمر مااعتقد عازب يتقدم لي قالت لا في احتمال تاخذي عازب معنو اكثر من سنتين قالت تزوجي الكبير يمكن ماحد يتقدم لك.....
المهم خبرتها بعطيهم رقمك قالت انا مالي دخل.. تدخلت بزواج أختك اليي قبل من بعدها مارح أتدخل بأحد
اخواتي كل وحده لاهيه بحياتها والي تقول مااعرف اتكلم انا والي مالي دخل...
المهم بنهايه عطيتهم رقم اختي الكبيره (نفسها الي قالت مارح أتدخل)
وقالت لي سألوني عن شكلك ووصفتهم
وخلاص مارجعوا
.... لكن إنا متوقعه من حديثي معها قبل هي الي سألتهم ايش تبون مواصفات قبل ووصفتني
بعد فتره كنت اتناقش معها بموضوع وقلت لها انتي عندك الجمال بالبياض وانو الي ممرض ودكتور ومدرس مايبون الا بيضا
قالت اي إلى رواتبهم كذا مايبون االا وحده بيضه وجميله
اخواتهم يدورون لهم وحده كذا
بنات أنا احساسي انو هذي اختي ماتبيني اتزوج شخص أفضل منهم...من ردود أفعالها الغريبه
والله أعلم بس واضح ماتتمنى لي الخير دام من بدايتها قالت لي ماابي أتدخل بأحد
انا لو احد بييخطب احد من خواتي الأصغر احس بالعكس بفرح لها وبكوون الواجها لها
.......
المهم انا اريد استشيركم حول موضوعي لانو احس مارح اتزوج ابد دام ذول... اهلي
هل لو احد كلمني انو يبون يجون يشوفني أنا الي استقبلهم بس لو لا... لانو البعض يقولون لي لا بقولون عنكك جريئه
اوو اكلم وحده من معارفي واشرح لها وضعي (مو من أهلي) تكون الواجها و تستقبل الضيوف الي يجون
او ايش رايكم
؟؟
وهل فعلا تحسون احساسي انو اختي ماتتمنى لي الخير
لو لاا




و كييف انخطب.. وكييف أزيد فرص خطبتي ؟؟؟