كيف انسرق جوالي ؟؟

السلام عليكم
اول شي كل وحده تقرا الموضوع لازم تقول
اللهم استر صاحبة الموضوع فوق الارض وتحت الارض ويوم العرض

ثاني شي انصحكم ما تصووووووووورووون بالجوال لاني اللحين على اعصابي
تخيلوا وش صار

كنت عند زارا اللي في شارع العليا ( الرياض )
دخلت انا واختي للمحل وتركت جوالي في الشاحن طبعا السواق في السياره
وجاء للسواق 3 اشخاص 2 وقفوا عند الشباك اللي جنبه وقالوا له وين طريق مكه ( يبون يشغلونه عن الثالث )
والسواق جلس يوصف لهم
والثالث فجاءه فتح الباب وسحب سلك الشاحن وسرق الجوال منه وانحاشوا الثلاثه
حسبي الله ونعم الوكيل
انا ما همني الجوال انا يهمني الصور اللي فيه الله يستر علي
والمشكله ما حطيت عليه كود يقفله ولا شي اكيد بيجلسون يتفرجون على صوري
كلمتهم حسبي الله عليهم ورد علي يماني يعني من اليمن
وقالي كلام مره وصخ وقلت له بعطيك فلوس بس رجع الجوال وقعد يقول لي كلام وصخ مره حسبي الله عليه

مالي الا اقول الله يستر علي وانا ان شاء الله متوكله على الله انه بيستر علي
ياااااااااااااااااااااااارب يااااارب ياااااارب استر علي
اللهم استرني فوق الارض وتحت الارض ويوم العرض