كيف انسى اساءة زوجي واعيش حياتي ؟؟!!!!

السلام عليكم جميعا...

بدون مقدمات يالغاليات انا أثق بآرائكم وابي مشورتكم..
صارت بيني وبين زوجي مشكلة تافهة هو طبعا كالعادة صعد الموضوع لدرجة كبيرة وهو الغلطان>>لا بد من هالجملة
لكن طبعا مثل مانتو عارفين الرجال عندنا معتمدين مبدأ خذوهم بالصوت تغلبوهم..وخل اتغدى فيها قبل تتعشى فيني..رفع صوته وقال كلام ماينقال..
وبعد اسبوع خصام وانقطاع طبعا انا من طرفي ماني طايقه اطالع وجهه ...وهو عايش حياته طبيعي بس بدون مايكون بيني وبينه اي كلام...
وكل دقيقة تمر اكرهه اكثر من اللي قبلها شوي واذبحه:cook:
ومالي خاطر حتى اناقش معه الموضوع لاني قررت اننا مانصلح لبعض>>صباح الخير:D
المهم اليوم بقدرة قادر انفتح الموضوع وانا كالعادة اللي بديت اناقشه ووصلنا طريق مسدود..رجعنا من جديد وفي الاخير شبه قفلنا الموضوع...
هو بالنسبة له تصافينا...لكن انا ماتصافيت مع احد:confused:
مني قادرة اتقبله خلاااااص عافه الخاطر ..غير كل مره ازعل فيها يكون فيه خط رجعه بس هالمرة لااااااااااااااااااا
احس اني متاكدة انه مايصلح لي ..حتى اني رسمت لنفسي حياة جديدة مع شخص ثاني :21:
طيب وش الحل؟؟!!!
لاتقولون مع الايام تنحل المشكلة اعرفني زين راسي يابس واذا طلعت عبيدي اخربها:dry:
احس طاح من عيني ومني قادرة اتخيله زوجي اللي بعيش معه مابقي لي من عمر
باختصاااار مابي ارضى...مابيه عفته خلاص..>>اقسم بالله ماتابع نور ولاشسمه
الناس صيفية ووناسة وانا حالتي حالة مدري وش مستقبلي معه...
يابنات حسوا فيني مابيييييه>>قلبت عليكم
فيه اخطاء ماتتصلح نهائيا ..
وش الحل ؟؟فيني سحر:frown:والا وشو ذا؟
البلى اني بديت اجمع صور فساتين لجهازي الجديد:dozey:

ورانا سفر قريب ومالي خاطر اسافر معه ولا حتى اجلس معه بالبيت...
اليوم قلت له سافر لحالك ...

لا حول ولا قوة الا بالله مدري وش جاني...مدري عقلت متأخر والا انهبلت:frown:

ادري طولت عليكم بس ابي اوصل لكم الصورة..
انتظر ارائكم لا خلا ولا عدم