عواطف تركي :

ابشرك ولا راح تنسين وراح يزيد تفكيرك وهمك وحزنك وضيقتك وبتجيك الامراض النفسيه والجسديه لانك انتي حاطه نفسك بمكانة المسكينه الضعيفه المظلومه اللي مسلوب حقها واللي الناس تكفخها وتهينها وهي الصابره المغلوب على امرها ! بس احب اقول لك ترى اللي انتي فيه جزء منه بسببك انتي ومتى ما قررتي تطلعين نفسك من هذي الدراما وتكونين انسانه طبيعيه تعيش لنفسها وبيتها واهلها وماتحصر نفسها على شخص ولا تنتظر رضى شخص عشان تعيش وتفرح وقتها بتعرفين قيمة نفسك وبترتاحين مافي معجزه ولا حل سحري يجيك من السماء لان الحل بيدك انتي فقط وطالما معطله حياتك وسعادتك عشان فلانه غلطت عليك وظلمتك راح تبقى حياتك معطله لانك احترتي تعطلينها خلاص 3 سنوات راحت من عمرك وش تنتظرين ؟! فلانه ظلمتك وماهي راضيه تنصفك اتركيها بكيفها لها رب يحاسبها وان طال ولا قصر الزمان الحق بيظهر وبيجيك النصر اللي ماسعيتي فيه لان الحياه كذا كما تدين تدان سواء خير او شر . اطوي صفحة الدراما والظليمه والكدر والضعف وافتحي صفحه جديده بشخصية ونفسيه جديده وخير فلانه ترميك بالكلام ؟ ردي عليها ليش راخيه لها ظهرك عشان تركب فوقه ؟ كلنا مرينا بظلم في حياتنا لكن ابداً مانترك الظلم يعطلنا ونجلس نندب حظنا وليته على شي يستاهل من أم وأب عشان فعلاً نزعل ونحزن وننتظر رضاهم علينا .. واللي ترمي كلام نمشيها مره ومرتين وعشره ثم نوقفها عند حدها او نبعد عنها بدون لا نلتفت او نهتم لرد فعلها المكان اللي مايقدرني ولا يحترمني امحيه من حياتي او اخلي العلاقه رسميه جداً عجبهم اهلاً وسهلاً ماعجبهم ماني ملزومه فيهم انغث منهم واسكت . وترى محد يسوي قوي على راسك إلا اذا شافك عايشه دور الضعيفه قدامه يدوسك رايح جاي ولا يحسب لك حساب

ابشرك ولا راح تنسين وراح يزيد تفكيرك وهمك وحزنك وضيقتك وبتجيك الامراض النفسيه والجسديه لانك...