كيف انسى الظلم ابي ارتاح

السلام عليكم


بنات انا مره مقهوره

عانيت من طليقي

عيشني الفقر بعينه وعلمه

وقفت معه وساعدته وسددت ديونه كنت اصرف من ذهبي

ولا اشوف منه ولا فلس

باول سنين زواجي كان مديون ومت من الفقر لدرجة ب20 الشهر الثلاجه تفضي

وديونه كانت ديون العرس وكان ماخذ قرض عشان يفرش بيت امه رغم ان امه مقتدره لكنها طماعه وفيها نذاله لانها

كانت تشوف حالته ولا تفكر تساعدنا بالعكس كانت تاخذ ,

اقعد سنه مادخلت السوق

ملابس للمناسبا ت كنت االبس من خواتي

وكنت اقوله النفقه دين برقبتك الى يوم الدين اذا انت عندك وماتصرف علي مارح اسامحك والحساب يوم القيامه

انا طبيعتي ماحب المشاكل والازعاج انسانه رايقه

والغريب انه كان يعشقني وشديد الالتصاق لدرجة اهلي لو ازورهم مايخليني انام عندهم لا يبيني دايم عنده
بعدين صرت اصرف من ذهبي , يعني كان يحبني لكنه مايسعدني

اللي كان قاهرني انه حتى لو يحصل فلوس يصرفها على اهله او يبين لاهله انه فلوس وانه جنتل

تخيلوا خواته اذا جوا يزورونا يمشيهم ويصرف عليهم ويوديهم اماكن ماعمري شفتها

وانا بالموت وعذره ماعندي وخليني اصفي راتبي ابسدد القرض وابملك السياره

وحتى من الناحيه الدينيه كان حتى الورد مايعرفه ويصلي بالبيت ويجمع الصلوات انا صرت وراه وصار يقلدني وباخر سنة زواج صار يصلي بالمسجد حتى الفجر. وشجعته واطلق لحيته . يعني انا ربيته ماربته امه هذا الشي الوحيد اللي موب متحسفه عليه عساه بميزان حسناتي وحسنات والدي ,

المهم انا باخر 3 س عرفت اني مستحيل احصل حياة كريمه معه تعبت منه وربي رزقني وتوضفت بعقد

وصرت اصرف وعرفت الحياة

واو كنت محرررررررررررررررررررررررررررووووووووووووووووومه

المهم اللي يقهر وحارني وفاقع مرارتي

انه تراكمت علينا مشاكل بسبب الانجاب وتاكدنا ان بينا سحر ولما خيرته يتعالج معي لانه كان يحلم احلام رعب وكان يتشنج عند القراءه عليه او يطلقني تركني وخطب وتزوج لكنه غير سعيد بزواجه والله اعلم لانه طلب رجوعي بصباحية عرسه , مع العلم انه سليم طبيا وانا المريضه طبيا. لكني حملت بس ماستمر الحمل يعني حملي موب مستحيل


لكني رفضت الرجوع بشده. كنت انتظره يعوضني عن حياة الفقر والظيم كنت ابي راحه . كافئني بالطلاق والضره . يعني لو برجع ,بعيد من جديد الشريط التعيس فقر ديون وفوقها مشاكل ضره. انا مارفض الزواج الثاني بالعكس اييده بحالات لكن بحالتي لا خلاص انظلمت بما فيه الكفايه واثبت فعلا انه مايستحقني ,


يعني قدر ياخذ قرض عشان يتزوج لكنه كان رافض يدفع ولا قرش بعلاجنا ,كان يقولي ماعندي فلوس ,ادفعي انتي .ادفعي النص
تصورا بهالسنين ماسوى لي ولا محاولة انابيب ولا سعى بعلاجي نهائيا
الله حسيبه

مرررررررره مقهوره

الان تاكدت اني كنت مجرد خدامه عنده من غير راتب ولا فيزا واداة متعه فقط

الله لايسامحه ويشوفها بخواته وامه امين

الان انا تجاوزت مرحلة الم الطلاق وتاقلمت على بيت اهلي , وعيشتي عند اهلي احسن من عيشتي عنده مليون مره , وهو موب متحسقه عليه لانه مايستاهلني وقاعده انخطب لانه بجد انا ماعلي قاصر ولله الحمد لكني ماقدر اتزوج خايفه مررررررررررررره

احس صبري وتحملي اللي وفرته للدنيا كلها خلص على هالزواجه هذي . واخاف اطيح بواحد مثله , وانا خلاص ماعادعندي صبر وتحمل نفس قبل . احس الرجوله اندثرت من الدنيا كلها واهل الزوج كلهم انذال

وفوق هذا مرارة الظلم حارقه صدري

كيف انسى الظلم ,

انا اتمنى من ربي ان اللي صار فيني يصير لخواته بالضبط وكل من ساعده على ظلمي وماقال كلمة الحق, وابي ربي يوريني بامه يوم . ولاهو باتعس حال غير سعيد يعيش مع انسانه مايحبها بحسب رسايله لي


ابي قلبي يبرد

وابي قصص لاي وحده عانت مثلي وبعدين ربي عوضها

هل فيه رجال الان يستحقون الزواج ولا اقفل على الموضوع نهائي واعيش عزباء لان الزواج بالحقيقه مايهمني كزواج لا ابي اطفال وحاليا اعاني من سحر العقم

كانت زواجة الندامه ماعرفت الفقر والعقم لين تزوجته

فيني قهر من الظلم وخوف من الزواج الثاني

الحمد لله على كل حال ,

انتظركم