احسن طريقة للمحافظة على النعناع طازج وكل الاوراق الخضراء(كزيرة بقدونس حبك جرجير)

انك تغسلينهااول ماتشترينها بمويه فاترة وتشيلين منها الاوراق المسودة

بعدين تحطينها على صفاية (او مشخال) لين تنشف الموية..

اخر شي ترشين عليها مويه بيذر (اذا كانت مويتكم مخلوطة او مالحه)

ثم تحطينها في حافظات بلاستك في الثلاجة وتستمر عندك مدة وهي طازجة.. كأنك توك

شاريتها

هذي طريقتنا ان شاء الله تفيدك


بالتوفيق

انا اغسلها وخليها في السله لحد ما تنشف وما يتغير بس مو دائما على حسب نوعية النعناع بعضه يسود وبعضه لا

السلام عليكم

طريقتي اقطف الاوراق بس بدون الاغصان واغسلها واحطها بالمشخال اول ماتبدا بتنشف احط صينيه كبيره وعليها فاين رول افرشه على كامل الصينيه وانشر النعناع فوقه بحيث مايكون متكدس فوق بعض فيسود لا اخليه طبقه وحده عشان ينشف بسرعه وما يسود هذا بحال تبينه ناااااااشف

بس اذا لا تبينه طازج زي ماقالت الاخت تغسليه وبالبلاستيك وبالثلاجه بس ماراح يطول مرره زي الناشف وانتي ورغبتك



موفقه:)

لانك تحطينه جنب بعض وهذا غلط يسبب رطوبه ويصير ريحته ويغمق لونه ولازم بعد ما تغسلينه تصفينه كويس من المويه وبعدين تحطينه بوسط منشفه او مناديل حتى ما يكون فيه مويه ولازم تحطينه في صينيه كبيره او صحن كبير مثل صحن الرز ويكون متفرق طبعا بعد ما تقطفين الاوراق بس بدون السيقان وتحطينه يا تحت المروحه او تغطينه بشاش خفيف مره وتحطينه في الشمس بعدين اذا جف تحطينه في علبه وتقفلينه باحكام

انا اغسله كويس واحطه في المصفاة لين تروح الموية الزايدة منه و بعدين اوزعه على ورق نشاف وادخله الميكروويف لمدة 30 ثانية تقريبا واشوف لو كان جاف تماما اخرجه واذا لسه اشغل الميكروويف كمان 15 ثانية و هكذا الى ان ينشف تماما . جربي الطريقة هذه واكيد راح تعجبك