كيف انظف جدران المطبخ

اهلين اختي
طبعا تحتاجين سلم عشان يسهل عليك الوصول للاجزاء العاليه من الجدار والمكان اللي فيه خزانه اصعدي عليها، او استخدمي مسحاة الحمام تكرمي او اي حاجه لها عصا طويله حطي على طرفها فوطه مبلله وامسحي بها
وفي طريقه رهيييييبه بس للاسف ما جربتها وهي انك تحطي قدر كبير فيه ماء على النار وتسكري جميع المنافذ وتطلعي من المطبخ لين يمتلي بخار وبكذا تلين الدهون والاوساخ اللي على الجدران وبسرعه تروح لما تمسحيها
طبعا لو جربتيها لازم تنتبهي لأطفالك لا يتاذون ولا تنسي القدر لين يحترق

والله يعينك ويقويك على شغلك

بسيطه استعملي جف فيه منه الأبيض والأصفر

وكلها خطيره في التنظيف تكون اخطر إذا كانت المويه ساخنه شوي

والأماكن العاليه مثل ماقالت ماريه 7 بأشي عندك له عصا

وفيه بعد اسفنجه لها عصا وتنعصربعد

وبعدين تشطفين بمساحه تلفين عليها فوطه وبس

بالتوفيق

استخدمت جف والنتيجه كانت رهييييييييييييييييييييبه

استخدمي ديتول للمطابخ وهو على شكل بخاخ ..

مررره روعه وسهل الأستخدام بخي على السطح اللي تبين تنظفيه واتركيه دقيقتين وبعدين امسحيه بفوطه نظيفة مبلوله ماء وبتشوفين وشلون يلمع السطح..

أنا أستخدم البودر أيزي أوف بام مع الماء الساخن أو الدافئ وبالمنشفة خاصة بالمطبخ وتكون نظيفة أغمسها بالمحلول ومن ثم أمسح وتعالى شوفي جميع البقع السوداء والأوساخ تنزل بمسحة واحدة وممكن تستخدمين للأماكن العليا الممسحة الأرضية بس تكون مخصصة للحيطان وبنفس الطريقة وعلى فكرة هذه الطريقة أستخدمها بغرف النوم والصالات لأنة فى بعض الأحيان توجد بقع سوداء على الحائط وتلطيخ فا بهذه الطريقة أتخلص من جميع البقع على الحائط .
وموفقة ....