كيف انظم امور منزلي قبل ولادتي وفي وقت نفاسي

الله يسلمك اختي لوحه فنيه ويسمع منك واجيب بنوته يالله ياكريم ومشكوره على النصايح ماقصرتي - ياريت يابنات الكل يقول لي لو معلومه بسيطه سبحان الله يمكن تكون غايبه عن بالي ونخدمكم في الافراح

هلا فيك أختي ....
الله يهون عليّ وعليك ويفرح نظرتنا ويقومنا بالسلامة ....
ظروفي الحالية زي ظروفك عندي ثلاث بنات ... لكن عندي شغالة جايبه لي المرض طول وقتها نايمة يالله اسحبها سحب وما تجي إلاّ بشينة نفس تفرك عيونها .... ومن يوم يجي المغرب وهي تعبانة وتبي بندول علشان ما تشتغل وتنام ....
أنا ما نويت أتكلف في شيء لكن أفكر من يبي يصلح أكلي وأكل بناتي ؟؟؟؟
لأني ما مليت يدي منها في الطبخ ... وامر ثاني بطييئة يمكن يزين الغداء المغرب >>> الله يستر ....
وضعت كل أغراضي من ملابس وغيرها في شنطة حقت سفر وبناتي يقولون متى نبي نسافر >>>خخخخخ
علشان إذا ولدت أسحبها في الغرفة اللي أبي أنام فيها وارتبها في الدولاب ... لأني لو رتبتها من ألحين ما راح ألقى شيء في مكانه >>>> الله يحفظهن ويهديهن ....
وفيه موضوع سولفنا فيه عن كل شيء عن النفاس في البيت بعنوان { اللي قضت نفاسها لحالها } في قسم الحمل والولادة سوي بحث إن شاء الله تلقينه لأن تجاربي عن النفاس في البيت حاطتها فيه ....

الله يقومك بالسلامه ياارب ذكرتيني في نفسي نفست في بيتي بس كان عندي شغاله
انا كان عندي سله بلاستيك شريتها من الهرم اذا انتي في الرياض او من اي محل تجهيز المواليد حلووووووووووووه وعمليه فيها فووق طبقه مقسمه حطيت فيها مشطي ومراايه ومنااديل تنظيف البيبي والبامبرز والبودره والحليب والرضااعات ... الخ
وكاان تحت سريري كرتون مويه صحه عشاان تغلين مويه مرره في اليوم تكون مغغليه وتحطينها في ثلاجه وتستخدمين مويه الصحه عشاان توازنين الحراره ولك انتي بعد اذا عطشتي وبكذا ما تسوين مويه كل شوي اذا بردت
ااشتري لك من مذر كير او الصيدليه الرضاعات البلاستيك الي تنرمي بعد الاستخدام << عشاان ما تغلين الرضااعات كل شووي او اذا مالقيتيها خذي لك جهااز تعقيم الرضااعات عملي ومريح وخليه جنبك
استخدمي مبخره كهرب وخليها قريبه وجنبها البخور ولا العود احسن من حوسه الفحم
اولادك الكبار (الله يحفظهم لك ) علميهم من الحين ما يرمون شيء في الارض اي شيء وسخ ع سله الغسيل وبعد ما يصحون يرتبون سريرهم وقبل النووم يجهززون كل اغراضهم للمدرسه اليوم الثااني
اذا عنك فرييز كبيير روحي السوبر مااركت وخذي الاشياء الجاهزه مثل الناجتس والبطاطس والبيتزا والكبه والسمبوسه .....(صاار كل شيء في الفريز شوي يفرزون القهوه )..:42: .الخ المجمده بس طلعيها واقلي او في الفرن
خذي من الصيدليه بديل الماء والصابون (معقم لليد ) عشاان ما تضطرين كل شووي تقومين تغسلين اذا اكلتي او وسخك البيبي او فيه ضيوف صعبه تقومين تغسلين عملي ومريييييييييح ومعقم وخليه
قريب جنبك

اشتري المنظفات السريعه مثل 409 امسحي وبس عشان تعقبين عليها قبل يجون الضيوف بخي وامسحي < خخخخ اصلح في الدعايا

اذا ما كان عندك ضيووف لا تجلسين في الغرفه الي بتستقبلين فيها ضيووفك جهزي لك سرير في الصاله او اي مكان غير غرفه اللضيوف خليها ع طوول مبخره ومقفله


وفيه قلم اسمه قلم التايد يبيعونه البنات هنا في المنتدى خذيه عملي مرره اي بقعه ع السرير او لبسك بس امسحي يروح
هذا الي تذكره وربي رحمتك اذا تذكرت شيء يالغلا برجع لك:)

ماعندي فكرة ياقلبي بس حبيت افيدك بمعلومه انا اسويها ببيتي بعد ماتمسحين القزاز غطيه بسفر عشان الغبار واذا جوك ناس بس شيلي السفر وشوفي القزاز ونظافته كأن توك مسحتيه مررره مريحه هالطريقه وانا دايم اسويها ببيتي ودعواتك لي بالذريه الصالحه السليمه عاجلا غير اجل يااااارب

حلا شقراوي الله يخلي لك بناتك ويرزقك بالولد الصالح ويعافيك على الرد اما بالنسبه لشغاله انا مستحيل اعتمد عليهم في الطبخ نفسي شينه ما حب اكل من يدينهم -ومفكره زي ما قلتي اجيب لي شنطه سفر واحط ملابسي وملابس العيال فيها علشان مااضطر اصعد فوق وعندي سرير لبيبي ودولاب صغير راح احط جميع احتياجات البيبي فيه - وموضوعكم اللي في الحمل ترى قريته من قبل ما اكتب الموضوع وفيه معلومات حلوه ما قصرو البنات بس تدرين في اشياء بالذات الاكل مختلفه وما اعرفها مع اني احسها مفيده مره من طريقة الوصف مثل المراصيع والمطازيز وغيره - اقولك احنا شنو نسوي للوالد نعتمد عال الرز الكامل الاسمر مع اللحم او الدجاج ونضيف له الحبه السوداء والحلبه والرشاد والماش وبعض الحبوب - مرقة اللحم مع الخضار مع خبز الرقاق يعني تقريبا زي المرقوق اللي تكلمتوا عن - كبده - وسلطات - وعصيرات طازجه وحليب - والعصيد والهريس- وبالنسبه للهوم والكبو والسفوف وغيره ولدت ثلاث مرات وما سويت ولا حاجه من االلي تقولون ما اعرفهم اصلا وامي كمان ماتعرف هالاشياء - اختي ادعوا لي ادخل الجنه يارب ندخل كلنا معاك والله وصايره شاطره بالاعلانات ماقصرتي انا من الشرقيه وفكرة السلال مره حلوه -والعيال من زمان وانا احاول اعودهم على الترتيب ومشين الحال بس لابد من الحوسه وانا افكر اكثر شي بالصغير متعلق فيني كثير وما ينام الاعلى حضني الله يعين وبالنسبه للاكل العيال مو مشكله زي ما قلتي النجتس والبطاط والبتزا ---- وموجوده عندي بس اكلي انا يبغالي اكل صحي وحتى العيال موكل يوم وجبه سريعه - الله يعينكم على هذرتي بس بغربه ومو متعوده اشيل حالي بالولاده احس حالي محتاسه ودوم افكر كيف بيصير نظامي- اختي انت حبي الله يرزقك الذريه الصالحه عاجلا غير اجل انتي وكل المؤمنين ومشكوره على النصيحه الحلوه -