كيف انظم بيتي وحوسته ياحوائيات بصراحة تعبت؟؟؟؟؟

غيـــــــــــــــــري البيت صغير واذا دايم يجوك ضيوف
احس صعب ترتيبه
واخوك وزوج اختك خلي زوجك يفهمهم البيت صغير خلهم يدورون لهم سكن الكلمه اللي تستحي منها بدها ومفروض هم يشوفون ان بيتكم صغير

الله يكون في عونك

ياحياتي هم ساكنن دايم عندك طيب اشتري الدولاب الي يجي رفوف 2بس تختلف اشكالها عن بعض وحلو شكله واحدحطيه بالغرفه لاخوك مثلا والدولاب الثاني شيليه بغرفة عيالك دولاب زوجة اخوك عشان يعلق ملابسه وخلي عيالك دولابهم واحد واشتري الي تجي صناديق اشكالها حلوه وحطي فيه اغراض عيالك وحطيها تحت اسرتهم واذا مافيه مكان حطيها تحت سريرك وخليهاتكون الملابس الكشخه حقت الطاعه وملابس البيت في الدولب واذا كان فيه مكان تحت اسرتهم الي بالدولاب حقت الطلعه والي تحت السرير للبيت وحطي الدولاب الي زي الرفوف الثاني بالصاله فيه اغراض وحطي فوقه تحف ومرايه كانه استقبال ودولاب مرة اخوك ماتحتاجونه شيليه فوق السطح وحطي فيه اغراض ماتبونهاواتمنى واتمنى اكون افدتك

الله يعينك البيت صغير مره بعدين اخوك يمكن تبلع السالفه لكن زوج اختك لاهو محرم لك ولا شي

المفروض ان اخوك وزوج اختك من انفسهم يحسون في وضعكم فهمي اخوك ان البيت با الصوره الي انت تشوف

اذا ما تفهم اخوك الوضع اسحبي بس عليه وخلي زوجك يقولهم انه ساكن في بيته مع عياله ماهو عزابي

ابي اعرف متى تاخذين راحتك مع زوجك وعيالك

شوفي بقول لك رأيي :

مجلس الرجال لا يمكن تتنازلين عنه لأنه مثل ما أنتي عارفه لو جوك ضيوف .. الشغله الثانيه أخوك ورجل أختك مع احترامي المفروض مايتعدون هالمجلس يعني بينامون عندكم حياهم الله لكن مالهم إلا فراش إذا جاء الليل ينحط لهم ..وينشال بعد مايقومون ..


أما مجلس الحريم ..
مدري بصراحه ليش متمسكه فيها بالرغم من إنه عندك سببين مقنعين يخلونك تتنازلين عنها ..

الأول أخوك ساكن معكم والثاني عندك عيال ..

أحس إنه لازم تلغين هالغرفه عشان تتوسعين في بيتك ..

بحيث تصير غرفة تحطين فيه دولاب لملابس عيالك وحبذا يكون كبير ..

صدقيني بالرغم من إني أنا ماعندي إلا طفل واحد لكن غرفة الحريم ملغيتها وحاطه فيها موكيت ودولاب كبير جزء مخصصته لولدي والجزء الثاني تخزين مفارش واللذي منه ..خصوصا مثل ما أنتي عارفه إذا غسلتي ملابس وين تنشرين فيه إذا بغيتي تكوين وين فيه لأني بصراحه مثل هالشغلات ما أحب تكون في غرفة نومي ..

وشكل عيالك ماعندهم سراير ولا أنتي مهتمه بالشي هذا عشان كذا خلي الغرفه مثل ماقلت لك فيها دولاب كبير للتخزين وافرشيها فرش عربي .. بحيث عيالك ينامون في هالغرفه أهلك أو أهل زوجك لو جوك ما أتوقع عندك حرج تحطينهم فيها لأنه هم عارفين ظروفك ولا يدققون على هالسوالف ..لأنهم يعتبرون راعين محل موب ناس غرب عنك ..

الصاله صحيح إنها مره صغيره لكن جيبي فيها كنب متصل بحيث لو جتك حرمه حرمتين أجناب تحطينهم فيها وتكون مجلس مصغر ..
لا تفرشينها من الكنبات اللي تاخذ مكان لأنها بالأساس مو شي ..

أنا سالفة إن رجل أختك يدخل بيتك ويوصل لمجلس الحريم ابداً مو متقبلتها لأن المفروض فيه شي إسمه خصوصيه ..

أنتي بصراحه معطيتهم مره راحتهم ومخليتهم يتعبثون في بيتك على كيفهم يعني موب على كيفهم يجيبون دواليب .. تبون تاخذون مره راحتكم الله لا يهينكم اطلعوا في شقة عزاب غرفه وحمام ..

لازم تكون فيه حدود لأخوك ورجل اختك ومثل ماقلت لك المفروض مالهم إلا المجلس ..

لا تخلين ضيوفك أهم من راحتك أنتي وعيالك وزوجك في بيتكم ضيوفك راس مالها 3 ساعات لكن أنتم 24 ساعه فيه ..

وعلى فكره ترى كل الناس يراعون اللي ساكنين في شقق ويعرفون إنهم في ضيق خصوصا لو عندهم أطفال ..

فكون إنك تلغين المجلس ما أحد بيقول لك ليش وضيوفك وين تحطينهم ..

^_^