حاولي اول باول

الله يكون بعونك

الله يهديك واضح أنك أصلا فوضوية ومعتمدة على الشغالة في بيت أهلك
أهم حاجة في الشغل في البيت أنك تحافظين على نظافة المكان موب بس تنظفينه
لأنو أقوات ناس ينظفون المكان أو الشغالة تنظفه بس أيش
ما يجي ساعة أو ساعتين إلا المكان كله دماااااااار

ليش في وجهة نظركم ؟؟؟
لأنهم مايعرفون يحافظو ن على نظافة المكان

أهم شيئ في تسهيل الشغل و المحافظة على نظافة المكان هو أنك كل شيئ تستخدمينه ترجعينه في مكانه
طبعا يكون اصلا أنتي مرتبة أشيائك وكل شيئ له مكام مخصص
زي الأحذية زي الملابس كل شيئ له دولاب الوسخة لها سلة
زي لو كنتي تطبخين إستخدمتي زيت بهارات دقيق سكر وأي شيئ خضار أو غيرها من الثلاجة
لو حرصتي ورجعتي كل شيئ في مكانه خلال وجودك في المطبخ تطبخين الغداء
وكل ماطاع ملعقة أو كاسة على طووووول غسيل ومثلا لو إحتجتي صحن والحوض في صحون
على طول أغسلي لك واحد إستخدميه وأغسلي لك كم صحن على طريقك تلاقين الحوض
فضي وماعاد فيه مواعين
ومايخلص الغداء إلا والحوض مافي أي صحن ولا ملعقة
ومثل كذا الملابس إذا لبستي لبسة وفسختيها وهي نظيفة علقيها على الشماعة
وحاولي تلبسينها ثانيمرة خلال أسبوع
لأنه صعبة كل لبسة نفسخها وهي نظيفة نرميها في سلة الغسيل
كذا الغسيل بيكثير وبيصير تعب والملابس تتقطع من كثر الغسيل وزيادة خسارة صابون وضياع وقت ومجهود

أما لبس زوجك إنتبهي إنتبهي يغسل ملابسه في المغسلة
أقسم لك لو تشوفين غسيلهم ويخلطونها مع ملابس العمال الخايسة ممكن يجيكم مرض لاقدر الله
أوكي أنتي أغسلي وهو يوديها كوي مو مشكلة
أما الملابس الداخلية طبقيها تطبيق كويس وخلاص

الحمام بما أنك عروسة أعتقد ماراح يتوسخ خاصة إذا أنتي حريصة وكل نقطة مويا تنزل تنظفينها بسرعة
ما أعتقد لزوم كل يوم تنظيف
الحمدلله يوم كنت عروسة كنت أنظف بيتي مرة أة مرتين بالأسبوع حسب الظروف
بس تنظيف صح وعلى أصوله وبعد كذا أحافظ عليه قد ما أقدر
حتى الفرن أحاول ما أستخدم كل العيون لا أستخدم ثنتين وأراقب طبخي ما يطرطش على الفرن
يعني أحط الأكل في قدر أكبر من المطلوب عشان ما يفور على الفرن
وهيك يعني أمور بسيطة ماتنتبهي لها بس إنها تساعد كثير في التنظيف
الزوج لازم يتعود على الأقل أنو مايحوس أو إذا غير ملابسه أنو يفضي جيوبه من المناديل ومن الفلوس مثلا
ويحط لبسه في السلة على طول
طبعا خليها قريبة من المكان اللي يغير فيه ملابسه
الحمام لازم كل أفراد العائلة يتعلمون أنهم ينظفون وراهم موب كل واحد يجي
ويحط ويطلع ويخلي المكان دمار وراه
عشان آجي أنا أنظف وساخته بعده
لا إحنا نغسل الحمامات عشان نعقمها وتصير ريحتها حلوة مو نغسل وساخة ناس كبار
مشكلتنا ناس كثير تلاحظين مكايعلموا أطفالهم النظافة الخاصة ولا نظافتهم في الحمام
أشوف حريم أطفالها يروحون الحمام من حالهم ويحطون على الآرض مع أن الحمام عربي !!؟؟
ويطلع بنجاستها رجوله كلها بول ولا إتشطف ولايحزنون

الطفل لازم تكوني وراه تعلمينه لحد مايصير 8سنوات على الأقل
الله يعين أنا قلت لك الي أقدر عليه
وأنتي خذي الي يناسبك

اه هذي مشكلتي انظف ومحس فيه نظافه تعب على الفاضي

اب

عادي يا قلبي نظمي وقتك او تعملي جدول تمشي فيه .يعني الجمعة غسل الحمامات السبت ترتيب البيت الاحد تكنيس وتمسيح الاثنين غسل الملابس الثلاثاء كوي الاربعاء راحة