مرهه حلو جدولك طيب بالنسبة للعاملات مايخربون الستاير ؟ لان ستايري الكبيره تجي مخمل ومغبره مقدر انظفها عندي حساسيه

أول شيء أقوله لك سنه أولى زواج كلها لخبطه للكل وكل وحده ودرجة لخبطتها هذا إلي نختلف فيه وبعدين الوحده تسيطرعلى الوضع وتمسك بزمام الأمور لأنها خلال هذه السنه كانت تصلح وتعدل وتغير وتتعلم وتجرب أما إنت نمت سنه كامله وصحيتي على تهزيئ زوجك ودق أهله بالكلام المفروض يوم إنخطبتي تعلمتي ثلات وصفات للحلو ومثلها للمالح وأثقنتيهم يغطوا على باقي العيوب ههههلكن لا تحبطي حالك تداركي الوضع إبدي الضروري والإستعجالي إلي هو ترتيب البيت كل شيء بمكانه ما يبان مكركب ونظافته طبعا حتى لو ماكانت تلق حاليا المهم مو وسخ ، وبعدها الحلو هو إلي يواجه وبعدين المالح

موفقه

حبيبتي دامك متزوجه خذيها قاعده لاتنامي باليل وبيتك فيه عفس ومو موتب لما تصحي الصباح تلاقي كل شي مرتب ترتاح نفسيتك وتبدي يومك نشيطه وبدون تروتر وحوسه واذا ع الطبخ مافيه اسهل منه بس حاولي تركزي ع طبخه كل اسبوع تتعلميها ولاتبدين بطبخه ثانيه الا لما تنفذيها
واذا ع البسبوسه مافيه اسهل منها انا بنتي ١٢ سنه تسويها وحافظتها مشاء الله عليها
حطي ٢ علبة قشطه ونفس علبت القشطه ٢ علبت سميد و١ ونص نفس علبت القشطه سكر ونفس علبت القشطه
٢ علبت زيت يعني علبت القشطه تكون هي مقياس الاساسي عندك وملعقه صغيره بكنج باودر تاهذ ٣٠ دقيقه بس والشيره او القطر كاسة ماء ونص كاسه سكر وعصير ليمونه وزعفران وهيل
🦋🦋🦋🦋🦋

ياعسل ذكرتيني بحالي مره اول ما تزوجت لكن الفرق اني كنت مره متحمسه اطبخ كثير واطلع وصفات من النت والانستغرام شي يزبط وشي بيتي كبير ف كنت كل يوم اغسل الحمامات وأنظف مع العلم انه ما يحتاج يكون كل يوم لين ما كرهت الشغل والطبخ والحماس طاح وصار يجلس البيت مغبر فتره صراحه بعدين صحصحت على نفسي وقلت خير الامور الوسط
الحل يا قلبي
انك تخصصي يومين فالأسبوع للتنظيف العميق والعادي يعني بعطيك تجربتي والحمدلله الكل يمدح بنظافة بيتي
اول شي شوفي ايت يوم يناسبك عشان تمسكي البيت فيه يعني اذا انتي الويكيند عندك من النوع اللي يجو فيه ضيوف خليه مثلا يوم الأربعاء تنظيفك واصلا راحه نفسيه تخرجي بالويكيند وانتي مرتاحه مره
ايش تسوي ؟
اول شي تسويه تجيبي مكنسه ام شعر ناعم تلاقيها بمحلات المنزليات اجلسي كنسي الكنب بالمكنسة اليدوية هذه تشبه فرشة الأسنان بس كبيره طبعا 😅 اذا ما في مكنسه مو لازم جيبي منشفه كبيره شوي واجلسي اخبطي بالكنب ونفضي عشان يطّلع الغبار بعدين جيبي منشفه مبلوله شوووي ومسحي الغبار على الاثاث والباب مري عليه وفوطه قماش قطن او فنيله خاصه للقزاز والشاشه ولمعيها
خلصتي يلا جيبي المكنسة الكهرباء وكنسي مزبوط بعدين جيبي آي ممسحه عندك تكون نظيفه وانا كنت اكره ممسحه ام خيوط لكن بعدين عرفت لها مرره
لكن انتي جيبي اي ممسحه عندك نظيفه وحطي شووي داك او اي مطهر وداك مره حلو ترى يكفي وكثري مويه واجلسي مسحي بعد ما تعصري مزبوط أفضل الممسحه اللي تنعصر احسن ام بخاخ متعبه لازم تنطفيها كل شوي
وبعدين جيبي منشفه كبيره عندك ولفيها على المساحه او بعضهم يُسموها الكرافه او النشافه المهم هذيك اللي تشطف المويه من الارض ولفي المنشفه عليها واجلسي امسحي والأرض مبلوله وتعالي شوفي اللمعان😍
وانتقلي لكل الغرف كذا
وبعدين بخري
الحمامات أحب اغلسهم بيوم لحالها يا قبل او بعد وممكن نفس اليوم يكون بعد تنظيف الغرف
واهم شي اجيب منشفه لتلميع المغاسل والصنابير بعد غسيل الحمامات
وبخري بيتك وتمتعي بالنظافه
اذا راح يجوني ضيوف اجيب منشفه صغيره أحط شووي داوني ومويه شووي بس وامسح الكنب كذا مسح خفيف على الطاير اهم شي الريحه تمسك
هذا الشغل الاسبوعي اما اليومي عندي ترتيب غرفتي ادا غبرت امسح وحمامي كل يوم غسيل او شطف عندي علبه حاطه فيها تايد وكلور واسفنج بعلبه وكل ما حسيته توسخ نظفت وانا واقفه بسرعه
اكنس البيت هذا الشغل اليومي طبعا غير الطبخ والمواعين والمطبخ اخلص مواعين وامسح كل شي من برا والبوتوغاز وامسح الارضيه بممسحه خاااصه بالمطبخ وكل فتره اغسل الارضيه غسيل غالبا فبداية الأسبوع او اذا الطبخة كانت كلها قلي


بخصوص الطبخ جيبي كتاب أطباق النخبه الجزء الاول مره روعه يجنن يخليك سنعه كذا حتى لو الوصفات معروفه بس اهم شي متقنه ولذيذه وممكن بعدين تجيبي الجزء الثاني منه فيه ابداعات اكثر بس انصحك بالاول يجننن