كيف انقل الصور من الكاميرا الى الكامبيوتر

المفروض يكون مع الكاميرا توصيلة للكمبيوتر
تشبكينها في الكميرا و في الكمبيوتر في نفس المكان اللي تدخلين فيه الفلاش إذا عندج ---->يالله عالمثال
والكميرا لازم تكون شغالة
بعدين تلقائي بيشتغل وياج عارض الصور والفاكسات أو ممكن يظهرلج نفس هذي النافذة
وتختارين اللي مظلل


و اذا ما ظهر اللي قتلج عليه ببساطة ممكن تروحين سطح المكتب وتضغطين على صورة الكميرا اللي بتكون موجودة و بتظهرلج كل الصور اللي في الكاميرا وتسويلهم نسخ و لصق عادي مثل أي صورة ----> و بالنسبة لي أفضل هالطريقة

اذا ما فهمتي ممكن أشرح مرة ثانية ----> من زين الشرح عاد

يعطيك العافية

مشكوره آنسه ابداع شرحك واضح ما شاء الله
وسويت الطريقه الثانيه بس ما طلعت الصور ليه مدري
تراي ميح في الكمبيوتر ما اعرف فيه ولا شي اللهم اكتب وارد بس وحابه اتعلم دامني فاضيه الين الله يردنا بالسلامه لديرتنا
واذا انتي بتصبرين علي فجزاك الله خير
شكلك تورطتي

لا مو مشكلة

انزين جربي الطريقة الثالثة أكيد بتنفع
أو اضغطي على صورة المجلد اللي مكتوب علي open folder to view files
يوم تطلع لج الصورة اللي فوق