كيف انوم بنتي(اقتراحاتكم)

بدري جدا انك تنوميها لوحدها صغيره مره والبيبي في العمر دا ماينام نوم متواصل انسي كل ساعتين يصحى يبكي استني لين تكمل 9 شهور بعدها يبدأ نومها يطول وينتظم 

وعليكم السلام ورحمة الله وبركاته .

مهما حاولتي ماراح ينتظم نومها حاليا صعب .. لان معدتها لسى صغيرة تشبع بسرعه وتفرغ بسرعه .. خصوصا تقولي معها اسهال .

لكن كلما كبرت اكثر كلما تحسن نومها .. بعد الشهر الرابع يكون الوضع اريح .

تصير صحوتهم كل 3 ساعات .. ثم تزيد تدريجي لين يصير مره بالليل ومرة بالضحى او حولها .

جربي تفرشي مفرش النوم وتنوميها على بطنها .. بشرط تكون الارض قاسية مو على فرش لين جدا حتى ماتختنق لاسمح الله وتقدر تلف وجهها يمين ويسار بكل حريه .

يصير نومهم اعمق لانهم يضغطو على بطنهم .. يمكن معها غازات مخليتها عصبيه شوي وماترتاح خصوصا بالليل لانها تزيد في الليل .

ممكن تخليها تنام معكم بالغرفه مافي مشكلة ابدا .. لكن خلوها تنام بسريرها مو معكم بسريركم .

واسحبي من صدرك حليب بالنهار واجمعيه لها في الرضاعه وخليها بالثلاجه .. اذا جا وقت الليل عطيها اياه حتى تضمني انها شبعت وتنام بشكل افضل .

حاولي تعالجي مشكلة الاسهال .. ابتعدي عن المأكولات الحاره واللي بهاراتها كثير .. كثري سوائل وحليب وسلطة ومويه واتركي الشاهي والمنبهات والقهوة او خففي منها كثير .

وعطيها ماء غريب او شاهي الاطفال الخاص بالغازات .. وشربيها مويه وشاهي مخفف بماء وسكر بنسبه بسيطه حتى تتقبله او نعناع او مهروس التمر ..

وفي النهار سمي بالله وشيلي ملابسها ودهني جسمها زيت زيتون دافي .. واقري عليها وانتي تدهنيها .

لاتخليها تعتمد على صدرك بس وحاولي وانتي ترضعيها انك تكوني مروقه .. الاطفال سبحان الله يحسو بتوتر الام ويصيحو اكثر .

ونصيحه من تجربه قاسيه مريت بها انك تحللي حمل على الاقل مره كل شهر .. بعض الحريم الرضاعه لوحدها ماتكفي تكون مناعه لهم .

معليش كثرت الكلام لكن حبيت افيدك من تجربتي لاني من فترة قريب كنت بنفس وضعك .

موفقه .

شبعيها رضاعه وافضل شي قبل النوم عطيها اعشاب
بعدين بهالعمر ماتقدرين تتحكمين حدها٣ساعات وتصحى وتوها لاتخلينها تنام لوحدها حرام

هلا اختي لوليتا هي تنام متواصل بس الصباح كذا من عشر الين العصر طبعا تصحى مرة مرتين بس بالليل ماتنام تعبت معاها..شاكرة لك مرورك يالغلا

حرام تنيميها بغرفه لحالها وعمرها 3 شهور  خليها تنام بسريرها الخاص معكم بالغرفه