(( كيف انوم بنتي لوحدها وعمرها لسا .... ))

لا يا حبيبتي هي بعدها صغيره

واكيد هي ترضع وتقوم بالليل يعني هذا عذاب لك ولها

وما عندها احد اكبر منها حتى تنومينها معاه صعب جداً

أنا أشوف سنها مناسب جدا.. ولكن حاولي تكون الغرفة اللي بتنومين فيها بنتك قريبة من غرفتك .. وحطي في غرفتها جهاز المكرفون علشان تسمعينها أذا بكت ..

وأول كم يوم نامي عندها..
و بعدين سمي واقري عليها لين تنام وبعدين روحي لغرفتك..

و ترا كل ما كبر الطفل تصعب تغيير طباعه.

اعتقد ان احسن سن لفصل الطفل عن الام سن ست شهور ، ها الي سويته حق عيالي .. بنتي الحين عمرها سنتين و للحين تنام بروحها ما في اي مشاكل .. لكن اخوها الي اكبر منها غلطت معاه غلطه يوم كان عمره سنه ، سافر ابوه و خليته ينام على سريري .. و من يومها مش راضي يفكني .. الا قبل ثلاث شهور نقلته مع اخته
يعني سنه ما شاء الله تفهم شوي شو معناة انها تنفصل عنج ، فما ادري اذا بتصير لج شوية صعوبه او لا
حطيها في سريرها و اقريلها قرآن و قصه .. طبعا بعد ما تسوون روتين النوم تبعكم .. و بعدين طفي النور و قوليلها تصبحين على خير ، اشوفك بعد شوي -هاي الجمله اطمنهم- و تسكرين الباب .. طبعا بتبكي ساعه يمكن بس انتي قوي قلبك و طنشي .. و كل ليله طبقي ها الكلام ، و بتلاحظين ان كمية البكاء كل ليله تقل عن الي قبلها
المسأله بسيطه بس يبغيلها شوية صبر

انا ولدي اليوم كمل سنه وشهر بس ما فكرت اني احطة بروحة قلبي ما يطاوعني وغير ها اهو يرضع فما ادري شو احسن اعلمة الحين ولا لما يكون عمرة سنه ونص

صحبتي تحط علياها لوحدهم بعد الاربعين على طول بس انا احسن مره صغيره بعد الاربعين لكن سن بنتك جدا مناسب وانشاالله انا حسوي لولدي كذا كمان اذا ماكان اصغر