كيف اواجه سلفتي

السلام عليكم بنات.
هذي اول مشاركة لي في هذا المنتدى
الموضوع هو عن سلفتي طقت ولدي. انا وسلفتي ساكنين في بيت ام زوجي وكل وحدة عندها قسمها الخاص والي يفصل بينا الصالة بس. انا عندي ولد واحد الله يحفظه عمره سنة ونص هادي ياعمري عليه ويمشي يكتشف البيت وطبعا انا دايما معا ماخليه بروحه وماعندنا شغالة بس وحدة تخدم خالتي ( ام زوجي ) سلفتي اهي راس المشاكل والبلى في البيت والله يابنات حاقدة علي وتتكلم من ورا ظهري وماعرف ليش تسوي كذا. ومرة انا وزوجي رادين البيت وشوي ندخل دارنا وله اهي طالعة من القسم وانصدمت وتقول كنت ادور على مقص يعني كأنه البيت مافي مقص. اهي عندها بنت اصغر من ولدي بشوي وحليوة كله تلعب مع ولدي في الصالة تحت رقابتنا. الطامة صارت امس الظهر كنت مع ولدي في الغرفة وقلت باخليه يلعب في الصالة فتحت له الباب بس يودته شوي علشان افتح الدرايش ولدي غافلني وطلع من الغرفة بدون ما ادري والله يابنات ماخذلي اله بس عشرين ثانية ماوعيت اله اسمع صياح ولدي 😢 قلبي نقزني لانه مايصيح مني والطريج اكيد شي عوره من صوته بان مسكين. ورحت عليه وله اهو طالع من عندها ماسك يده ويصيح اقولها اشفيه يصيح تقول مادري يمكن طاح وشفته وله يده حمرررة باين قارصته في يده وكلمته قلت له حبيبي من سوالك كذا يقول دودو يعني يعور لانه لسه صغير مايتكلم قلت حق سلفتي ترا باين قرصة وهي تكذب تقول لا طاح كيف طاح ويده تصير كذا يعني ماطاح على راسه او رجله علشان تشككني اصلا مافي غيرها في الغرفة وبنتها نايمة. واليوم ريلي عصب علي انا وقالي انا غلطانة لاني مانتبهت له وقلت له انا 24 ساعة معاه وماتركه اللهم بس امس قدر الله وقلت له سلفتي خبيثة وانت تدري واهي استغلت انه ولدي صغير مايتكلم ومن ورا ظهري فحطت حرتها عليه.
اسفة يابنات اني طولت عليكم بس والله من قهري على ولدي حياتي اليوم اروشه شفت مكان قرصتها صار ازرق كسر خاطري اكيد عورته وكسر الله يدها . شاورو علي اكلم ام زوجي عن السالفة عشان تشرشحها بس المشكلة ما عندي دليل اكيد بتلف في الكلام وتنكر او اني اقاطعها في اليمعة مع ام زوجي عشان تعرف اني داريةبسوالفها .
وجزاكم الله خير.