انتبهي على ولدك وانتبهي منها على نفسك . حتى ام زوجك لاتدخلينها بالموضوع لان انا مجربه وبالاخير محد وقف معي بس الناس تتشفى فيك وفيها .
وهي تجاهليها ولاتعطينها وحتى بنتها لاتدخل عندك
وبالنسبه للي يقولون مستحيل تقرص انا ما ادري عنها هي لكن سلفتين اعرفهم معرفه شخصيه وعيالهم صغار تضاربوا وقامت ام واحد منهم عضت يد اللي ضرب ولدها قدام امه وكانوا عماتهم وحدتهم موجودين لا استحت ولا انتخت . الله يعينك ويرزقك بالبيت المستقل

السلام عليكم اختي lights 2

انا تزوجت قبلها بسنة،،
انا ماعرف اذا اهي تكرهه او مجرد مسألة غيرة نفس ماقلو الاخوات عشان عندي ولد وهي بنت بس اهي دايما تقارن بين بنتها وولدي جدام ام زوجي تتفاخر ببنتها في انها تنطق كلمات احسن من ولدي ، انا اهني ماسكت قلت لها كل طفل له قدراته الخاصة وتختلف عن الثاني،،
اي انا ماخليه بروحه وإذا بيلعب مع بنتها يكونون في الصالة ولا يدش عندها، ، بس صار الي صار.

الصراحة من اللي شايفته ان انتي اللي تغارين منها وتقارنين بينكم انا تزوجت اول انا عندي ولد وهي بنت ومستقعدتلها اكيد هي خربت كيكتي اكيد هي بتاذيني افضل واريح حل لك ولسلامتك النفسيه تطلعون ببيت خاص مافيه حل غيره واضح ان التفاهم بينكم صفر وجالسه تنتظرين عليها الزله على طول حكيتي زوجك واهلك وهو لسى مافيه دليل وتفكرين تحكين ام زوجك وكل هذا لسى بدون إثبات طيب لو طلعت مظلومة؟ اقدر اتخيلها بعالم حواء جالسه تشتكي منك 😂😂 اتقي الله بنفسك واضغطي على زوجك يطلعكم لو استمريتي كذا نفسيتك بتتعب كثير

لو منك فتحت عيني عليها وقلت اخر مره تقربين ولدي ولا بتشوفين شي مايخصك
واذا بتطلعين قفلي داوك مو تخلينها تهيت فيها

مساكم الله بالخير بناتوتسلمون على كل ردودكم ومن شاركتني في همي 😘😘😘
وانا ياخوات ماعندي بعد الله الا انتو الي احين مع دخولي في المنتدى حسيت عندي اخوات اقدر افضفض وياهم حتى لو اختلافنا ،، الاخوات بعد يختلفون بس نبقى نحب بعض ومانبي اله الخير حق بعض.
والله لايحطكم انشالله في موقفي الي صار لانه صعبة على قلب الام ،، والله يحفظ عيالنا
انا حاولت ارد على بعض تعليقاتكم بس يطلع لي تنبيه من الإدارة اني تجاوزت الحد الاقصى للمشاركات مع انه طافت 24ساعة بس مو فاهمة 😜 فقلت بارد عليكم اهني في هذي المشاركة.
اختي ضحكة سرور وي خرعتيني صج هههههه عاد سلفتي تعطي ولدي دوا، جان باسوي فيها جريمة . بس لا تحاتين اغراض ولدي الخاصة في قسمي في رف خاص وبخصوص حليبه واكله احطها في ثلاجة صغيرة عندنا في الغرفة.
اختي نيلوفر الله يسامحج،، انا اغير عليها ليش 😳😳 وحدة من الاخوات سألتني من عرس قبل ورديت عليها اني انا اول حببتي يعني قلت الصج وبنتها انا وايد اموت عليها لانها حبوبة وترتاح تلعب مع ولدي لانه بيت ام زوجي مافي غيري انا وسلفتي وام زوجي واحب ولدي يلعب مع طفل في سنه بس سلفتي الله يهديها لازم تتريق عليه وتعاب فيه على تأخره في الكلام يعني اهي تجني على نفسها .
وسالفة الكيك 😂 يعني بنات فانيلا وين يكون في ملح وانا بروحي سويته ولاحطيت قطرة ملح والله كشفها لي وانا نازلة عند المطبخ وهي ماسكة علبة ملح واصفر ويها عقب ماشافتني وتقولي كنت ارشه على صحن الرز اللبن ! وياليتني شفت الثلاجة اذا فيها صج الرز اللبن.
بس بالأمانة بنات انا قلت حق ريلي يكلم أخوه عن السالفة بس رد علي سوالف الحريم لاتدخلونا فيها😳 ، واليوم اختي الكبيرة يات عندي في العصر اهي نفسها اختي الي يات عندي امس ووريتها يد ولدي بدون ماقول شي قالت هذي قرصة،، احين اليوم تقولي لازم تخبرين ام ريلج وله تره انا باخبرها لاتسكتين عن حقج قلت لها معليه بس شاقول ياخيتي اهي اكيد بتنكر وبتقول يتحسبون على. بس ضغطت علي فقلت خير انشالله انا باتصرف .
شاوروني بنات شاسوي ،، اتوكل على الله وامشي على كلام اختي وله اطنش واخليها في قلبي ؟ ردو علي تكفون لانه حوبة ولدي مابي افرط فيها