كيف اوفق بين بيتي وعملي ... موضوع للنقاش

مع اني ماني مجربه بس قيد سمعت لتجارب اللي حولي
وصدقيني مارتاحو بحياتهم الا لمن نظمو وقتهم
حطي لك جدول للبيت للتنظيف
يومياً واسبوعياً
والله يعينك

الله يوفقك نظمي وقتك وحطي لك برنامج عشان تكوني مرتاحه

رو- النعناع و براقة الجنوب الف شكر على المرور
كان ودي اقرا تجارب وين الباقين

التوفيق بين البيت والعمل يحتاج الى جهد منج
وايضا يتطلب منج الصبر والحكمة
ولازم في تضحيات راح اتقدمينها في سبيل بيتج وعيالج وريلج ومنها النوم
راح اقولج تحارب ناس انا شفتها للعلم اني مب متزوجه ولا جربت هاي التجربة

اولا طبخ الغدا حاولي تطبخين الغدا الفليل عشان لما ترجعين من الدوام يكون الاكل جاهز بس اتسخنينه
وحطي لج جدول ان شو بتطبخين وهذا يعتمد ع الاكل الي متعودين تاكلونه
ثاني شي تنظيم الوقت راح بسهل عليج المهمة
يعني خلي يوم للتنظيف البيت ويوم لغسل الحمامات وهذا يعتمد ع مدى نظافة افراد العايلة ف البيت واستغلي الفرصه هاي بان عيالج يسوون شي ف البيت يعني اذا كانو شوي كبار ويفهمون بانهم يرتبون فراشهم وغرفتهم ويحافظون ع نظافة البيت وحملي عيالج جزء من المسؤولية بان الي يوصخ ينظف مكانه
وخلي يوم للغسيل ويوم للكوي ونبهي عيالج بان ما يوصخون لبسهم وان كل شوي يبدلون لبسهم عشان ماتتعبين وخلي عيالج يساعدونج في نشر الغسيل حتى لو كانو صغار والله انهم يتعلمون حتى لو سن ثلاث سنوات والله يفهمون وبالعكس راح يتعلمون ع النظام والترتيب ويقدرون الجهد لان يعرفون انه تعب
وع المغرب ابدي اتسوين العشا ولو يكون شي خفيف يكون اريح لج وحاولي ان نظام الرقاد للعيال مايخترب
واذا ساعدوج كافئيهم

طبعا راح اتنشين شوي من وقت الي الفير وماظن ان راح ترقدين اذا العيال كانو مدرسه لان لازم اجهزين الفطور اما اذا هم اجازة راح تزقدين شوي وقبل ما تطلعين بنص ساعه تنشين اتسوين لج ولريلج فطور ع السريع وبعدها ترجعين من الدوام تتغدين لان اصلا انتي مجهزه الغدا وبعدها اتريحين اتنشين تغسلين المواعين وع حسب الجدول الي حطيتيه اتسوين تنظيف او غسيل وبعدها وقت للعيال والزوج او طلعة وبعدين العشا وترقدين


والسموووحة

نظمي وقتك وكل شي ان شاءالله يكون تمام