كيف بتتصرفي في هيك موقف؟؟

السلام عليكن و رحمة الله وبركاته

أهلين وسهلين ومرحبتين ومية السلامة والله بالغاليات

كيف حالكن أخواتي؟؟

عندي سؤال اذا ممكن ياريت تجاوبوني يا صاحبات الخبرة...

إذا صار موقف بين زوجك ووالدته.... يعني موقف هوه حس أنو والدته غلطت عليه مثلا ً بس الحمد لله ضل ساكت ما حكا شي بحكم انها والدته....

المهم انزعج كتير واجا يشكيلك؟ صار وصار وصار و عيطت علي و صيحت علي متل الولد الصغير الخ الخ

انت شو بتجاوبي؟ بتوقفي بصف مين..... بتدافعي عن موقف والدته ولا بتوقفي بصفه انو مظلوم وما كان لازم تسوي هيك....

أنا قلتلو... معلش بتضل والدتك وبتمون عليك ورضاها اغلى شي في الدنيا ويمكن هي شايفتك ابنها ما خطرلها انو يعني انك تحس بالاهانة.. يعني رضيتو خففت عنو بس ما علقت على تصرف مرة عمي... قلت ما دخلني بعدين بتضل والدته.... غلطت ولا ما غلطت شو أنا بدي أصير أعلم مرة عمي شلون تتعامل مع أبنها؟؟!!

ترى زوجي بموووت في والدته يعني كتيرصحبة معها.... وانا بموووت فيها والله انسانة قمة ماشاء الله عليها لذلك ما حبيت أحكي شي ((من مبدأ أرضيه بس)) يقوم يضل الحكي راسخ في عقله وبعدين يقول اي مرتي حكت هيك على امي معناها وما معناها... والله بموت فيها بحسها متل أمي مابدي يأخد عني فكرة لا سمح الله


الله يجزيكم الخير تصرفي كان صحيح؟

وجزاكن الله كل خير

أم محمد :24: :26: