حيااكم الله في موضوعي المتواضع هذا طبعا داايم اشاركم بس ماعمري نزلت لكم صور لبيتي ..
لكن بنزل هالصور المليئه بالوساخه ههههه<<<<<<< بس نظفناها وانا اختكم
بصراحه مروحه الشفط تبع المطبخ والمكيف مره متعبات ومقرفات انا المكيف مرتفع وقريب من مروحه الشفط فمرررره يتعبني كل هرين تقريبا غير عملية تنظيف وتفريك لانه يجمع دهون وغبار ..
عاد هو مرتفع ولجيت انظفه غير اطلع له فوق <<< الاخت تبي المكيف ينزل لها تحت ..ههههه :hahaha: بس قصدي فوق الدروج مو بسلم ..
طبعا هذا بيكون غير التنظيف مع بداية كل شتاء وصيف ..
المهم سوينا عملية التنظيف وبرويكم الصور وكيف نظفته بس ترا ايديني وربي تملعن او تمصعن او تفكفكن اختاري الكلمه المناسبه ...
هذا المكيف قبل ..(لو تلاحظون اني ماتذكرت اصوره لكم الا بعد بداية التنظيف قلت منظفين منظفين وش ورانا الا نصور)
وهذي بالنسبه لمنظفاتي اللي استخدمتهم .. استخدمة بام تبع الدهون+ ليفه خشنه + ليفه ناعمه ..وانا اقول لو بتحطون كلوركس وفيري بيغنيكم عن البام واهله ..
طبعا بالبدايه رشيت على الدهون لين خليتها تلين شوي ثم حطيت على صرت احط على الليفه الخشنه من بام وافرك فرك فرك المهم بعد كذا جبت لكم الاسفنجه وصرت اقطع منها قطع وافرك بها البخوش او الدخوش او الجحور او الفتحات اللي بالمكيف .. وهذي الصوره ..
المهم بعد ما خلصت تنظيف الفتحات رجعت بللت المنشفه مويه + كلوركس + شوي فيري ورحت مسحه المكيف ثم رجعت غسلت المنشفه بماء ورحت مسحت المكيف بالمرحله الاخيره ..
بعد كذا طبعا ما ننساش صفاية المكيف من جوا طلعتها ونظفتها ورشيت عليها عطور مكون من ( ماء + شوي ديتول + لينور ) هذا العطور الخاص مسويته برشاش مويه واستخدمه في التعطير والتنظيف ..
بس للاسف نسيت اصورها لكم الصفايه ..
طبعا بعد ماتنشف نرجعها لمكانها .. وهذا شكل المكيف بالاخير ...ولله الحمد والفضل ..
قولي ماشاء الله معليش ادري انكم بتسوون احسن واحلى مني بس التبريك حلو وصى عليه الرسول صلى الله عليه وسلم ...
اخيرا //
ودي انصحكم نصيحه لا تتركي الدهون تلعب بحسبتك وتجتمع على قلبك وراسك وتغثك وانتي منتي داريه لها..
كل نهاية شهر سوي تشييك وتنظيف للكل مشان ما تتلبك وتجتمع بهالشكل هذا ..
وانا طبعا بنصح نفسي قبلكم بس بحكم الشغل الكثير والبزورا الوحده احيان ما تفضى وتصير ما تلتفت لهذي الاشياء وماتدري الا وهي فجأه طابه في مستنقع الوساخه داخل المنزل هههه امزح معكم بس فجأه تلاقي شي مقرف وبهالمنظر البشع موجود بداخل بيتك .. وممكن تكوني مو منتبهه له ومنشغله عنه لكن لو جوك ضيوف وشافو مثل هالمنظر بينسو والله كل النظافه اللي بيتك والريحه الطيبه والزين ومايحطو ببالهم الا هالمنظر هذا اذا ماتكلمو فيه ..
عاد الله الله بالردود الزينه والتشجيع مشان انزل لكم مواضيع مثلها وزود ..
مشكلة مروحة الشفط مشكلة هههههههه