اسعد الله مسائكم وصباحكم اخواتي
كل عام وانتم بخير
عندي بعض الخطوات الي بتساعد كل وحده تبني لها شخصيه
من الواقع الي نعيشه ونشوفه شفت وجربت
شفت ان الوحده المرحه والي دمها خفيف يحبونها الناس جداااااا ويحرصون عليها
ولايكتمل المجلس الابحضورها
وجربت اني اصير ثقل زياده عن الزوم وقالو دمها ثقيل وملوله واذا غبتي عادي ولايسئلون
يعني خفه الدم لازم تصير في حدود والاتجرح الناس
وحذاري من الوحده الي تتمادى
الوحده اذا صارت مرحه وصاحبه نكته تراها نعمه وهبه من الله
ومو اي وحده تقدر تصير كذا
مثلا زوجه اخوي مرحه بس تجرح جدا امو بمعنى اصح تحاول تصير نكوته
يعني تعلق على الشخص نفسه وتحاكي الواحد اول مايدخل قبل حتى يسلم واذا طلعنا لاستراحه
تامر خلق الله انتي قومي انتي حطي واحنا نسكت مانحب نصير معها في خصومات للعلم انها جدا ممله يعني يازينها ساكته
وزجه اخوي الثانيه دايم ساكته كلمه ورد غطاها يعني جد ثقل مره ولالها دخل في احد
زوجه اخوي الثالثه ياربي عليها جامعه كل صفات الثنتين
تقولين كيف يعني خفه دم وحسن خلق وتفاجئنا كل طله في الاستراحه بحركه
مره معها مجموعه الغاز والي تعرف اللغز تعطيها هديه خفيفه وحلوه
ومره تجيب لنا مواقف رومانسيه قارتيها من احدى المنتديات وحذ ياضحك
ومره تقولنا نكت بعد ماخذتها من النت وخذ ياضحك
ورمه تعلق على مواقف حصلت لها مع زوجها اواحد من عيالها من غير انها تنقص من رجوله زوجها والا من شخصيه اولادها
واذا حصل موقف جاد تشوفين فيها الراي السديد والامر الحكيم
واذا صار فيه طلعه لاستراحه والاشي تلاقينها كل شي تقوم به وتشارك الباقي وتعرف كيف يشاركونها بادب واحترام
كمان عندها روح المداعبه حتى مع الاطفال مثلا في الاعياد تجمع قطه الطلعات وتخلي مبلغ بسيط تفرح الاطفال فيه مثلا فقاعات الصابون
بالونات حلويات كور ه للاولاد وتلاوين للبنات
ومره تسوي حركه للبنات الي اعمارهم 17و16تسوي لهم مسابقات خفيفه وتهديهم هدايا رمزيه مثلا كيس صغير وحلو تحط فيه مناكير وحلق مع اسواره وسلسال وقطعه حلاوه وتعالو شوفو البنات مره فرحانين
واحياننا تقدم لهم الحلى وتصب لهم القهوه ينحرجون وياخذون منها الدله يعني روحها مرحه جدا
حتى اذا صار حوار ومجادله بينها وبين احد تعرف تقنعه بدون جرح وبدون زعل يعني ووجهها يبتسم
وعندها قدره على الرد مثلا
معليش بنات اتركم عشاني مشغوله الحين اذا عجبكم موضوعي اكمل بس عشان ابروح اعيد على امي اكمل بعد 3ساعات
غمامه @ghmamh
محررة فضية
يلزم عليك تسجيل الدخول أولًا لكتابة تعليق.
tutah
•
مشكورة على الموضوع وسلمي على الوالدة
يجنن موضوعك كملي ننتظررررررررررررررررررررررررررررررررررررررررررررررررررررررررررررررررررررررررررررك
تصدقين ابي اكون ها الشخصيه من زمان ياليت نتعلم منك والله جد اتكلم الله يجزاكي خير تعالي كملي
اي والله اكثر صفه لاحظتها في الناس المحبوبين يكونوا مرحين
حتى الزوجه المرحه يحبها زوجها
والناس تشتاق لجلستها
عاد سبحان الله بعض الناس مرح بطبعه تقلب المواقف مرح حتى لو كان موقف عادي
اما اللي مسويه ثقل تحسيها تكتم الجلسه معها
عن نفسي احب المتفائله والمرحه و استثقل اللي ماتحب تشارك في الجمعات او السواليف ولا تحب تشارك باي مجهود
مافيها اي معنى للحياه الا عيون ترااااااقب ههههه
صراحه موضوعك حلو فضفضت باللي عندي
الصفحة الأخيرة