كيف تتحكمون بالأطفال

عندنا بالبيت عيال أختي ساكنين معانا بالبيت مع أمهم ومزعجين ويخربون ترتيب كل شي كل هذا أنا متغاضية عنه

بس وين المشكلة إذا زارنا أحد تسلطوا لعب وصراخ مع كل ضيف أزعاج غير يعني إذا شافوا الناس تهبلوا وزاد نشاطهم ولا يحلالهم اللعب الا بوسط الجلسة

أقولكم شلون أصغر واحد فيهم إذا شاف أحد جانا قام يجيب ألعابه لعبة لعبة وتصير كل الجلسة ألعاب وإذا برجعهم يبكي ويجيبهم والكبير رغم إن عمره 10 يخلي جلسة أخواني الشباب إلي مثله ويدخل بين الحريم ويقعد يسولف معاهم ومرات تجيه حالة يلعب مع الأطفال إلي أصغر منه عند الحريم وأزعاج وصراخ ويلاحقون بعض هياط

وأختهم نفسهم أزعاج وصراخ لدرجة مانسمع الضيوف وش يقولون ولا أرتاح والجو كذا
مهما أغرينها بأشياء تحبها هي وأخوانها مافيه أمل منهم هذا غير عيال أخوي إلي بيجونا بالأجازة بس وضعهم يختلف شوي لأنهم تقريبا كبار شوي وأمهم تروح لأهلها وتخليهم عندنا طول الأجازة بحجة أنهم يبونا يبونا على عيني وراسي بس شوفوا لا جاوو وش يسوون واحد منهم يقلب البيت فوق تحت ودايم يشتغل وأكثر شي يكسر الأغراض أما أخته إذا شافت حرمة جات قالت لأعيال أختي روحوا قولوا لها وقولوا لها وعيال أختي يجون ويقولون أي شي هي تلقنهم وياليت تلقنهم شي حلو لا تبيهم يتهاوشون مع الضيوف ومرة خلتهم يتهاوشون مع صديقة أمي يعني شغلها من تحت لتحت هي ماتطلع بالصورة حتى تخليهم يزعجوني وأنا مرات أسمعها تحرضهم علي ورغم إني أسمعها تنكر هالشي

وعلى فكرة ترى عيال أختي عايشيين بوضع مستقر يعني مافيه شي ييأثر على نفسيتهم عشان يسوون كل هذا نوديهم ألعاب نشتري لهم ألعاب نعلمهم بهدووء بس مافيه أي فااايدة وعيال أخوي مادري عنهم موعايشيين عندنا عايشيين بمنطقة ثانية

ملاحظة :عيال أختي أمهم جربت معاهم كل شي مانفع حتى الضرب وتزعل لما أعصب تقول قولي لي وأنا أتصرف لو بالضرب بس أنت لا تضربينهم وتقولهم أحترموا خالتكم وأنا خلاص صرت أقول لأمهم بس مافيه فايدة أبدا أبدا أمهم مو قادرة تسيطر عليهم وعيال أخوي أصلا أمهم ماتسأل عنهم تنزلهم وتمشي ماتدري عنهم

أنا الزمن رماهم علي بس أبي أتقرب منهم أبي يطيعوني أبي يلعبون بأدب بالوقت المناسب والمكان المناسب مو يلعبون وسط الضيوف !!!!!!!!!! مابي أعاملهم بعصبية وضرب بس قولوا لي شلون ؟؟ أنا مابي أهاوشهم بس أبي يحترمون الضيوف ولا يزعجون ؟
أنتم كيف تسيطرون على الأطفال وتخلونهم مؤدبين؟