اذا ما انت ساكنة معاهم لا تروحين الا مرة بالاسبوع ولا تطولين ومهما قالت او همزت او لمزت حطي نفسك ما شفتي شيء ولا سمعتي
اذا ساكنه معاهم اشغلي نفسك بالبيت والترتيب واجلسي بغرفتك اكثر الوقت خاصة اذا زوجك مو فيه

طنشي كانك ما سمعتي شي وابتسمي دائما سوي اللي يرضي زوجك واللي تشوفينه الواجب تجاهها بس لاتردين ولا تبينين اي زعل بتمل من تصرفاتها وتدور على غيرك تطفشه

من تجربتي المريره مع ام زوجي انصحك لا تردين عليها لان مصيرك بتندمين حتى لو هي تستاهل ضميرك الصاحي مابيخليك بحالك

وكمان لاتضعفين وتهينين كرامتك قدامها وتتوددين لها بالغصب وتذلين نفسك عشان بس تحبك , حثي ولدها على برها لكن انتي خليك من بعيد لبعيد

ام زوجك مو امك عشان يكون رضاها اكبر همك , دامها مو راضيه فيك ولا تحبك خلاص خلك بحالك وهي بحالها واهتمي بزوجك وعلاقتك فيه

اذا شقتك مستقله قللي زياراتك لها ولاتآخذين وتعطين معها الا اذا هي محترمتك ومقدره وجودك اذا ماقدرت اطلعي لشقتك واتركيها شهر شهرين لحد ماتنسين وتطيب نفسك

واذا بنفس البيت مقابلتها اشغلي نفسك باي شيء او هوايه تبدعين فيها وجهزي غرفتك بكل اللي تجتاجينه

ومتى ماحسيتي ان الشيطان بدأ لعبته روحي لغرفتك وقفلي على نفسك ولا تطلعين الا متى ماروقتي

بعضهم ماينفع معهم الا التطنيش والتهميش عشان تعرف تعامل بنات الناس وتحاسب عالكلمه قبل ترميها , ام زوجي الحمدالله هذي رابع سنه وبدت تعقل وتخف معي

لانها مالقت من ورى هالمشاكل الا قعدتها لحالها وملل ذبحها مااحد مرتاح بالجلسه معاها وضاع عمرها وهي تدور مشاكل بيني وبين ولدها

واهم نقطه وبداية نهاية هالمشاكل وسر التخفيف من التوتر مع ام الزوج

انك تشتغلين على زوجك وتحثينه على برها لان اغلب هالمشاكل ماتجي الا من الغيره , خليه يطلعها ويمشيها وعلميه وش الاماكن اللي تحبها

اذا طبخت قولي لها ولدك دايم يمدح طبخك , وحاولي ماتتقربين لزوجك او تطيحون الميانه بوجودها

واذا صرتوا ثلاثتكم سوا خلوها دايما الاولى بكل شيء

اهم شي عند زوجك بيني انتي المسكينه اللى تحبينها
الله يعينك اذا زوجك ابن حلال وطيب معك معليش تحملي لجل عين تكرم مدينة
صدقيني بتقلب زوجك عليك
اذا انتي في شقة او جناح او حتى غرفة انشغلي في نفسك ياختي النت ماخلى شي تسلى ولا تنسي العبادة
اذا ام الله يباركلك في عيالك انشغلي فيهم وربيهم احسن تربيه
وهي لاتزورينها الا فين وفين وابو نص ساعة وتكوني ساكته كيف حالك ايش اخباركم وبس خليها هي اللى تتكلم مو انت
ماعجبك كلامها لا تردي اذن من طين واذن من عجين
وجمعات هيا فيها لا تروحي اشتري راحتك مدام بتنكد عليك عند الناس

كلامي ماراح يعجب اللى يقولوا حبيها وداريها اللى يده في النار مو زي اللى يده في المويا
فيه ناس ماتنعطي وجه وضررهم كبير علينا فمابالك اذا كانت ام شريك حياتك بلحظة تقلبه عليك
حسبي الله ونعم الوكيل

انا ام زوجي مافي مثلها ابد بالدنيا..
انسانه فظيييعه بكل معنى الكلمة... والي سوته فسنس خلاني اكرهها ومافي مجال ابدا ارجع احبها او اتودد لها..