تسلمين ياعمري كلامك لحاله دافع قوي لتقدمي بالحياه بعيد عن تحطيمه وتكسيره مجاديفي
وبالفعل الشخص المحطم يحاول يصغر من الى حوله خاصه ان كانت الانثى


والرجل بشكل عام شخص حاقد على الانثى ويحب يراها الضعيفه التي لا تستغني عنه بتاتا

كانك تتكلمين عني اتزوجت وكنت غبيه وعلى نياتي واللي فقلبي على لساني وصريحه بقوه
النتيجه كل الناس كرهوني
وسلفتي عكسي من تحت لتحت ياانها كادت لي كيد من يوم ملكتها هي واخواتها يطالعون لي بكره كاني طبينتها وانا كنت احاول اننا نصير صاحبات
وانا كنت اعاملها على نياتي واحزن عليها لان زوجها مره مهملها والله يابنات كنت اعاملها كانها اختي وكنت على نياتي معاها بس احس كارهتني واحسها تغار مني لاني احلا منها واحاول ابرد غيرتها واعاملها زي اختي واساعدها انها تتقرب من زوجها مع ان زوجها يكرهني كره لانه يكره اخواتي لانه خطب مرتين من عندنا ورفضنا ودايم يكره زوجي فيني
وايش اخر شي صار قالت عني اني افرق بينهم وغيرانه لانهم مبسوطين وهما استغفر الله مشاكلهم قد شعر راسهم
وسبت امي واخواتي وانا لاني ماحملت اهلها دايم يجيبون سيره حملي عند ام زوجي ونفسهم يفتكون مني شايفيني طبينه بنتهم استغفرالله
ويقولون نزوج بنتنا لزوجي الحمد الله والشكر لهذي الدرجه الحقد والامراض النفسيه والله جاتني فتره اتمنيت ان زوجي يتزوجها ويطلقني عشان يعرف انه كان فنعمه
عاد انا من بعدها كرهت هذي الانسانه
وزوجي من بعد المشاكل اللي بينا كرهني لاني ماهمني فاكبر كبير لوانجنيت انجنيت هو مااخذ حقي منهم ماعنده شخصيه قاهرني مااحسه سند من جد طاح من عيني وهي زوجها يدافع عنها ويوم اني شفت كذا جزات معروفي فيها تسوي كذا وزوجي ساكت لاخوه واخوه يدافع عن حرمته انا مت قهر انا ماعندي غير اخ واحد ضعيف شخصيه وابوي مو داري عننا بصراحه فبيت اهلي اتعلمت اخذ حقي بايدي ومااستنى احد
ولعنت ابو خير اخوه وحرمته سبيتهم سب بس زوجي كرهني لاني صريحه واللي فقلبي على لساني وزوجها حاطها فعيونه لانها من تحت لتحت
ومن جد قررت اتغير بس ماني قادره طبعي اللي فقلبي على لساني
اختي اتغيري ترى الطيبه ماتنفع فهالزمن

الله يسخر في قلبه لك ويحنن في قلبه

شوفي موضوعك شوي يباله جهد منك

أولا لا تفقدي الثقه بنفسك

ثانيا مهما قال لا تردين عليه اسكتي واذا بتقومين لمكان ثاني احسن

واذا قالك ليه تسفهيني قوليله انا انسانه لي احترامي وما جيت من بيت ابوي هنا عشان انهان

بس لا تكبرينها وانهي النقاش يعني لا تكثرين كلام اتركي المكان الي هو فيه

بعدين اشغلي نفسك بشي غيره يعني اقري كتاب وانشغلي بالقرايه وقت هو جالس

اذا سئل عن شي جاوبي مختصر مفيد لا تكثرين كلام ابد خليكي صامته

اقري مجلات خلي المجلات حولك حتي لو طفشانه سوي نفسك تقرين

اذا مره خلاص زهقتي اتفرجي تلفزيون

لا تقولين انا فيني كل العيوب واشياء من هذا القبيل انتي تخلينه يثق بانك غبيه وفيكي عيوب الدنيا

اذا قال عليكي اي شي من هذا القبيل قوليله انا واثقه اني ذكيه ما احتاج لوجهة نظر ثانيه

ودايما كرري هذي العبارات في نفسك

انشغلي بأمور البيت يعني الترتيب والتنظيف ووقت الراحه اقعدي اقري اي شي

اهم نقطه ومربط الفرس طول الوقت خليكي على سنقة عشره يعني حتي وقت الطبخ خليكي لابسه لبس حلوا

ولا تنسي العطر والمكياج والشعر

لا تقولي تعبانه ابدا ابدا ابدا

يعني ما تحطين الغدا الا وانتي لابسه احسن لبس وحاطه احسن عطر واحسن مكياج

اجل ايش فايدة الملابس بالدواليب تدفيها وبس

غيري بشكلك مره طويل مره قصير وهكذا

لا تقولين ما ني مقصره بس اكيد فيه احسن

اهم شي لا تلزقين بوجهه عشان ما يقعد ينقد فيكي ولا تخلينه اكبر همك

بس اثبتي على كذا بتشوفين كيف بيتغير مع الوقت بس يحتاج صبر

لا تحصبينه من اول يوم بيجي يركض وراكي لا يمكن السالفه تطول ولا تفقدين الامل ولا تقولين تعبت

انتي داخله بتحدي عشان تثبتيله غلط نظريتك وانتي قدها وقدود وهو زوجك مالك عنه غناه ابد

ولا تنسين اوقات اجابة الدعاء ربي يسخره لكي ولا تفرطين في فرظ من فروظ ربك عشان ربي يرحمك ويعينك

حبيبتي انا مريت بنفس تجربتك والحمد لله ربي وفقني لطريقه الي من صالحي
اسمعي قصتي وجربي اان شاء الله تنفعك
انا تزوجت ولد عمي وفي بدايه زواجنا كان يعاملني مثل حركات زوجك واكثر حتى قدام اهله مايستحي وصابني احباط وفقدت ثقتي بنفسي وكرهته حتى مرات يقول تعلمي من اخواتي ويناديهم يقول علموها مع العلم اني ذكييه بشهادتة اهله قبل الناس ومرت الايام وحال زوجي من الاسوء الى الاسوء فجربت طريقة اني اقابل السيئه بالحسنه اذا فادت كان بها واذا مافادت اخذ اجر من ربي
فكنت اذا سبني اقول له الله يسامحك واسوي الي يبي واطلع من الجلسه الى هو فيها ومرات الله يهديك حتى قدام اهله وسبحان مغير الاحوال تغير بشكل ماتتوقعينه ودايم يقول سامحيني على اخطائي القديمه مع العلم اني نسيتها ويحاول يرضيني باي طريقه ومن حبه لي صار الله يهديه يمدحني عند اهله حتى صارو يغارون مني وياخذ راي قبل اي احد والحمد لله هذي نعمه من ربي الي هداني له الطريق
وانتي الله يسخر لك زوجك ويصلح حالكم
ولاتنسين الدعاء والصدقه