السلام عليكم
عندك مكياج واجد مسبب زحمة وقلق؟ او
عندك مكياج تحبيه بس من زحمة الشغلات ماتشوفينه؟
الموضوع عن: كيف تتخلصين من علب المكياج وتنقلين مكياجك لعلبة واحدة...
كله من افكاري ( باستثناء استخدام جهاز الشعر والشريحة المغناطيسية, الفكرة جبتها من النت), في شغلات ثانية البنات استخدموها راح اذكرها بالموضوع...
العدة الي "ممكن" تستخدميها موجوده بالصورة (كبريها) والي هي:
(1) علبة مكياج قديمة ماتبين المكياج الي فيها... المهم بالعلبة ان الجزء الي فيه المكياج تنشال...
ممكن كبديل تستخدمي علبة الوان خشبية مثلا, او علبة هندسة بلاستيك!! انا شفت البنات يستخدمون علب الـ DVD ! يعني استخدمي اي علبة تحبي تستخديمها وماله داعي الخساير! المهم تتقفل لاجل الغبرة...
(2) آلة حادة شوي (بس مو سكين!!) مثل الـملقط الصغير (الي انا استخدمت حق الاظافر الي يشيل الجلد الي عالظفر- كسرت حقي على فكرة, اذا حريصة عليه لا تستخدميه)...
-- جهاز سيراميك حق الشعر... لا تستخدمين البخار ابد!!
(3) انا استخدمت شريحة مغناطيسية شريتها من النت...(راح اذكر السبب تحت)
ممكن بدالها تستخدمين الصمغ المسدس (او مسدس الصمغ مدري وش اسمه :huh: )... الصمغ العادي حق الورق ماراح ينفع, ضعيف ومابيثبت عليه المكياج...
(4) انا استخدمت جهاز تدفئة يذوب الصمغ الموجود بعلبة المكياج ... اذا استخدمت علبة الوان معدنية او بلاستك ماراح تحتاجين هالجزئية... ايضا ممكن تستخدمي بخار الماء حتى يذوبه (بس لا تحطينه داخل الميكرويف او الفرن لان البلاستك حق علبة المكياج راح يذوب!!)
(4 أ و ب) نسيت اصور القفازات الشتوية لاجل ماتحرقين ايدك ... ضروري تستخدمينهم مايسوى عليك تحرقين ايدك....... ومقص!
********
انا حطيت علبة المكياج فوق التدفئة ونسيته ههه... ولما جيت لقيته ذايب ماتعبني...
(5) شيلي المكياج بالملقط الي معاك بخفة زي الي بالصورة... ماتبين تكسرين المكياج الي فيه لانه راح يبهذلك ويبي له كنس وتنظيف!
*********
انا مانظفت الصمغ الي موجود لاني بحط عليه شريحة المغناطيس... اذا مابتحطين شيء فوقه (مثلا: جلاد) فـ الماء والصابون بيشيلونه...
(7 و 8) خذي قياسات العلبة وقصي الشريحة المغناطيسية (او الجلاد) حتى تغطي الجزء السفلي من العلبة...
(9) شلت اللزقة البيضاء ... و(10) الشكل النهائي حق العلبة!
*********
وبكذا خلصنا من علبة المكياج....... الان كيف ننقل المكياج للعبة؟
(11 و 12) خذي الملقط ودخليه بين الجزئين الي بالصورة الاسود والفضي, وافصليهم عن بعض... بعض العلب ماراح يكون فيه جزئين... بيكون بس جزء واحد... ممكن تتخطي هالنقطة...
*********
(13) البسي قفازاتك و شغلي جهاز السيراميك حق الشعر وحطي ورقة بيضاء عليها وفوقها المكياج... لا تحطيه مباشرة لان البلاستك راح يذوب, وماتبينه يذوب على السيراميك حقك (البنات الي شفت ماحطوا ورقة, نظفوا السيراميك بعد كذا, وانا مالي خلق تنظيف هع)...
المدة بالنسبة لجهازي كان بس 30 لـ 45 ثانية... بيعتمد على حرارة جهازك... احسبي المدة صح لانك ماتبين تشيلين الشادو من الجهاز قبل مايكون ذاب الصمغ.. غير كذا ممكن ينكسر الشادو لو حاولت تفكينه والصمغ باقي قوي!!)
(14) المكياج راح يكون مرة ساخن والبلاستك الي حوله لين من الحرارة, لا تشيلينه بايدك!! خذي الملقط واضغطي عالجزء "الاســــود" لا تجين ناحية الشادو عشان ماينكسر... راح يلين مع ضغطك بسهولة (اذا مالان معناها مو جاهز رجعيه عالسيراميك)... دخلي الملقط تحت المكياج وبشويش رفعية.... وخليه على جنب يبرد شوي
*********
(15) ارجعي للعلب الي شلتيها وسخنيها بس شــــــوي عشان تقدري تشيلي الورقة الي تحت الي فيها اسم الشادو حقك (اذا ماتبينها انت حره, بس انا عارفة اني برجع للاسماء عشان اشتري نفس اللون مرة ثانية اذا عاجبني)...
(16) شيلي اللزقة بالملقط... وحطيها وراء الشادو الي توك شلتيه... (او حطيه تحت العلبة من وراء اذا ناوية تستخدمي الصمغ لاجل تلزقين الشادو بالعلبة, بحيث تلزقين الشادو ويكون اسمه مباشره وراء العلبة حتى ماتخربطين الاسماء ببعض!!)...
(17) للاسف بعض الشادوز كانوا بعلب ألمنيوم ماتلزق بالمغناطيس, فاضطريت اقص جزء من المغناطيس والزقه اسفل الشادو واحط اسم الشدو فوقه... وبعضهم لزقوا من غير...
بتسألون ليه شريحة مغناطيسية؟ لاني لو صمغت المكياج ماراح اقدر انقل المكياج لعلب ثانية اصغر حجما... ساعات لما نروح حفلات, المكياج مايثبت و يبي له اضافات فتاخذين معك الشادوز الي استخدمت... المغناطيس طريقة نظيفة جدا لنقل المكياج... بنفس الوقت اقدر اعيد ترتيبهم اذا صار عندي اكثر من علبة...
وهذا الشكل النهائي!
وهذي العلب الي تخلصت منها... حاليا بس.... المشروع لسه ماخلص هههههه
الي تستفيد من الموضوع ياريت تدعي لي انجح :( , والله ينولها الي في بالها
ما شاء الله
فكرة رائـــــــعة وسهلة تخفف من زحمة الادراج
مجهود رائع يستحق الشكر
فى انتظار جديدك