اي ماشاء الله في عيال ينامون من غير هزهزه وقلق اصلن انتي تعودينه على الهزهزه حتى ينام وتلقين لااارادي رجلك اشتغلت تهز وانتي ماتحسين

عودي طفلك على فراشه وسريره صدقيني لو تسافرين ولا تنامين برا البيت تحسين بالفرق ان ولدك تعود على شي وهذا الاحسن

خلي له فراشه وسريره ووقت النوم حطيه فيها وعطيه رضاعته واذا كان ياخذ لهايه حطيها بفمه ويروح في النوم

اذا ماكان متعود من البدايه كذا راح يتعبك شوي تحملي معاه وطنشيه اذا قعد يصيح ويصارخ مره على مره يعرف انه بينام لوحده

وخليه عندك بالغرفه مو لازم غرفه لحاله حده يكبر ويفهم ان شاء الله وقتها خذيه غرفه لوحده


ووالاخت الي تقول ان الولد لازم ينام بحضن امه وكذا

مااختلف معاك حلو هالشي وكل ام تتمناه بس بالاخير من يتعب والله لاتقدرين تقومين تشتغلين ولاتفضين لنفسك ولا للبيت على طوووووول طاااير فيك يبيك عنده صح ولا لا....؟؟؟؟؟

حتى لو بتخرجين مكان وبتخلينه عند اهلك مايرضى وانواع البكي كله ليه خلاص تعلق فيك لانه طول الوقت بحضنك ناهيك عن الشيل الي كل ماون ونه بعض الامهات شالت ولدها تبي تفتك من صياحه

التعب هذا كله على راس مين...؟ على راسك والله انتي الي خلفتي وانتي الي عودتيه على كذا

والله يحمي عيالنا من كل شر يارب

وليه الحسد ليه ماتخلين هذي الفترة متعة لك ولطفلك

تصدقي انا كنت مخططة بولدي الاول انه ينام لوحده من الولادة وغرفته كانت جاهزة
وماكنت عندي اي مشاكل ومرتاحة
اول كان ينام عادي بسريره ولا يطلبني او يصيح
لاني كنت منظمة رضعاته ادخله وقت الرضعة واشيله بحضني واخلية كم دقيقة بعد مايشرب الحليب اتنعم بشعره وبشرته وريحته ولانه غلط انك تسدحيه مباشر بعد الحليب

بس بعد ماتم السنة من عمره اجريت له عملية جراحية
تعالي شوفيه كيف يقطع القلب لانه كان ممنوع ينشال لمدة اسبوع من السرير وزيدي على كذا كل شوي داخلة ممرضة تعطيه ابرة او دكتور يكشف وكان يصيح يطلبني اشيله وانا ماانفذ طلبه لانه خطر عليه

وانتي عارفة بهذا السن الطفل يخاف من الغرب فما بالك غرب ياذونه وجته مثل الحالة النفسية صار يخاف يبعد عني دقيقة حتى النوم صار يفز من نومه ويصيح بشكل هستيري وما يهدا الا اذا شافني انا وابوه عنده
حتى اهلي والخادمة اللي متعود عليهم رفضهم واذا كنا بمكان مزدحم مثل سوق او ملاهي يضايق ويصيح حتى نركب السيارة

والدكتور بعد ماشكيت له الوضع لانه صار يخوف و مقلق
نصحنا انه ينام بجنبنا انا وابوه لانه يمكن لاقدر الله تحصله مضاعفات نفسية بسبب اصرارنا انه ينام بسريره وهو خايف
وصار ينام بالنص بيني وبين ابوه والا الان وماعندي استعداد اني اخليه لوحده هذي الفترة ومتى ماكبر وتم السنتين وشوي وصار يفهم اعوده على انه يكون بغرفة لوحده
الان العملية لها ست شهور والحمدلله صارت نفسيتة احسن ورجعت ثقته بنفسه وبدأ يتقبل الناس والغرب بشكل احسن

لكن والله ماتتخيلي السعادة اللي عايشينها اذا رنت الساعة وقت الفجر هو اول واحد يصحى يروح للساعة ويقفلها ويجلس يصحي ابوه ويبوسه وبعدها يبدا فيني يلعب بشعري وضحكته انه وسطنا واعطيعه حليبه ويرجع ينام لوحده بسريرنا وحنا نصحى
ونفسيته جدا متاثر بالوضع صار مرح ونادر بكائه وابوه صارت علاقته معه قوية وحلوة لدرجة اذا مرض ولدنا ابوه يصر انه ينام بحضنه

واذا بتسالي كيف بتصير العلاقة بيني وبين زوجي حنا خصصنا غرفته لنا حطينا فيها سرير وجلسة نسهر فيها حتى وقت النوم
ووقت النوم نرجع ننام بغرفتنا و بسريرنا اللي ولدنا متوعد ينام فيه ومبسوطين على هذا الوضع

قصيت قصة حياتي لكن ابيك تعرفي ان حضن الام والاب بالنسبة للطفل جنة فا لاتحرمي طفلك جنته

ولا تتاثري كثير بكتب التربية
والله بيجيك يوم تندمي على عدم نومه بحضنك وتشتاقي لهذيك الايام لما يكبر ويستقل عنك
والله اني وابوه ندمانين على السنة اللي نام فيها ولدنا بغرفتة لوحدة بعيد عن حضننا

أماني الشرق الله يسعدك ... مشكلته ما يتقبل اللهاية الا تاااااااااااااااادرا

لبنانية ربي يعييييييينك ويعينا .. والله ولدي مايصيح بس الا يصرخ صراااخ لما يبغى ينام أو يمل وهو يلعب ويبغاك تشيلينه ربي يحفظهم ويهديهم

الأمل الأخير
صدقتي والله ..صحيح ان هذي الطريقة تدمر الرابط بين الأم وطفلها الوسطيه حلوه يمكن انتي بالغتي شوي
انا مادودي ان ولدي يرضع لوحده واني ما اشيله ابد لا .. بس ابغاه يجلس يلعب لوحده واذا جاه النوم ينام لوحده بدون ما اشيله
الله يخلي لك ولدك ويشفيه يارب


لحن السعادة
والله هذا اللي اسويه لأن ماعندي حل الا هو انتظره يدخل في العميق بعدين احطه على السرير واذا ماسويت كذا ياويلي منه... بس انا ابغاه يتعلم ينام لوحده مش عارفه كيف
واللي تقولي تعود .. يعني كيف المفروض اسوي هل من اول يوم ولاده ارضعه واخليه على سريره يبكي لين ينام ؟؟
انا خوفوني من كثرة بكي الطفل انها ممكن تسبب فتق في السره والله احترت معاه

ام عبودي ا
لله يرفع قدرك في الدنيا والآخره

جرح الورد ..
ما شاء الله تبارك الله الله يخلي لك بناتك بس لو تذكرين طريقتك ومتى بدأتي تعودينهم وكيف بالتفصيييل أكون شاااااااكره لك
لأن بصراحه مافيه احد من أهالينا ينوم طفله بالطريقه هذي فأقدر أسأله

أبيكم في سالفه ..
والله حاجه حلوه الله يثيبك عليها يارب ان شاء الله اكون مثلك

اسمهان توفيق
الله يرفع قدرك في الدنيا والآخره

طموحه
تحلى أيامك يارب

جمانه
ههههه من ناحيه انها تكسر الظهر فهي تكسر الظهر بس الله لا يحرمنا الأجر
بس ولدي يا جمانه حتى لو نام على صدري مجرد ما احطه على سريره يبكي الا اذا كان داخل في العميق


karmin
هههه الله يحفظهم ويخليهم لك احنا وش متعبنا غير الدلع والحنان الزايد

انسانه
والله صادقه في كل كلمه قلتيها وانا معاك وسؤالي كيف الحين اعوده ينام لوحده
اذا تركته على سريره بيجلس يبكي ويصارخ ؟طيب كم الوقت اللي اسمح فيه بالبكي 10 دقايق .. ربع ساعه ؟؟كمم
وما يكون فيه ضرر عليه اذا خليته يبكي كثير ؟؟
ياليت تجاوبوني اكون شاكره لكم ولكم دعواتي

whisper-women-sa
اول شي الحمدلله على سلامة طفلك.. والله قصتك واسلوبك حلو ما شاء الله عليك
بصراحه حيرتيني بس والله مالي نيه اخليه ينام في غرفه لوحده ما يطاوعني قلبي
بس يمكن اذا كمل سنه او سنتين أفكر
انا كل اللي ابيه انه لما يكون مرتاح وشبعان ينام لوحده مو شرط انه بحضني
ولدي الله يحفظه حتى لما يكون صاحي يمل وهو يلعب وحده يبغاني على طول الاعبه وهذا الشي صعب علي لأن وراي اشغالي

ما شاء الله تبارك الله .. الله يديـــــــم عليكم السعـــاده يــارب .. تكفين بوسي لي ولدك والله حبيته وش حليله ربي يخليه لك ويحفظه من كل شر
وفكرتك انك خليتي لكم الغرفه الثانيه فكره حلوه عجبتني احتمال اسويها مستقبلا اذا كبر الولد
الله يجزاك ويجزا كل وحده ردت علي كل خيـــــــر

والأمهات اللي يخلون أطفالهم ينامون لوحدهم لا يبخلون علينا بتجاربهم :p

بأقرأ الموضوع وانا كلي امل اني القى حل لمشكلة بنتي عمرها 6 اشهر ماتنام غير وهي تنهز في رجلى والله رجلى راحة وركبتي تألمني اصحى من النوم وانا نفسي انام تاني حياتي جحيم والسبب النوم ساعدوني وادعو لبنتي الله يهديها على الرغم اني ربيت قبلها اختها بس ما كانت زيها دي البنت عقدتني الله يهديها ويصلحها

صادقه ولدي عشان ما رضي يرضع مني كان مريحني ينام لوحده اما بنتي ترضع ما شاء الله وهبلتني