كيف تتصرفين اذا ام زوجك تتكلم عنك من وراك؟!

كيف تتصرفين اذا سمعتي ام زوجك تتكلم عنك من وراك مع بناتها بالرغم انك في حالك وتتجنبي الاحتكاك فيهم بسبب مشاكلهم كافيه خيرك وشرك عنهم لكن ماسلمتي منهم .. تقول صار لها فترة مقاطعتني ولاتدخل علي وماسويت لها شيء وشوفيها داهيه تبي تنفع نفسها كل يوم تداوم ويرجعون بناتها من المدرسة وهي ماقد رجعت ومتعبه ولدي روحه ورجعه ماتخلص الا وهو عند الباب ينتظرها وفوق ذا تأخذ مكافاءة من دراستها وتسأل بنتها هي ماهي منتسبه وهي تداوم كل يوم قالت لا ماهي منتسبه دامها تداوم كل يوم اكيد شكلها منتظمه قالت بنتها ومن يرجع بناتها من المدرسة قالت الأم مأجر عليهم باص خاص قالت بنتها معناته ماجره حتى هي على نفسها مع سواق خاص .. لان قبل يومين شافتني انزل من سواق تتصل على ولدها تقوله من هذا اللي وداها ؟ ومره اتصلت على ولدها تهاوشه وصوتها طالع من الجوال تقول له انت تعنيت ورحت لها ليش ماتخليها ترجع مع الباص وهو صرفها وقفل مايبي ادري بسوالف أمه !!
الغريب بالأمر انها كانت تنصح بنتها تكمل دراستها وتحرص عليها تداوم وتستانس اذا وداها زوجها بس مع بنات الناس العكس ماتبي لهم الخير .. وقبل اسبوعين وداني مشوار ورجعنا انا طلعت شقتي وهو دخل عندها الا اسمع صوتها طالع وتهاوش هو مايخبرني بشيء عن أمه ويرقع لها بس تصرفاتها واضحه .. وإذا قابلتني تمثل الحب ولا كأن شيء صار ؟!😳وش الحل برأيكم كيف أتصرف مو اول مره ولا ثاني مره دائم اسمعها تتكلم من وراي وبوجهي تمثل البرائه؟!😨 ومره رحت اعزيها بأختها قامت تسولف بسالفة وحده انها كانت تعامل ام زوجها بقسوة وتضربها ومن هالكلام وتحلف انها مو هي سوت بعمتها كذا وتلتفت علي قدام الحريم قالت الظاهر ان فلانه بتسوي معي كذا تقصدني ؟؟ هذا وانا جايه عزا اختها اسوي الواجب تتعمد تحرجني قدام الكل ليش هالحركات حزت بخاطري حركتها ذي مهما أكون طيبه معها مستحيل يبان بعينها
هل أقاطعها ولا اسوي نفسي مادري عن كلامها من وراي ؟!