مرحبا بنات حواء..
وش اخباركم ؟
ابي آخذ رايكم بموضوع..
انا موظفة ولله الحمد بعد صبر سنين .. من اول يوم لي مارتحت لزميلة معاي بالقسم .. بس قلت انتظر والايام بتبين لي نوعية هالبنت.. مرت شهور الحين وبصراحة اكتشفت ان احساسي بمحله
البنت هذي اتكالية .. تحاول انها تخلي شغلها علي .. تدور ورى مصلحتها اذا تبي شي قالت فديتك وياعمري وحبيبتي ووووو واذا ماتبي شي ولاااا كأني اصلا موجودة معاها .. وخاطري مرة اسألها بشي ترد علي على طول اجاباتها مادري ماعرف يمكن سألي غيري ..... الخ، ودايما تبين للمديرة انها هي اللي تعلمني وتفهمني ..حتى بين فترة والثانية تتكلم مع اللي معاها بصوت هاااااادي .. وانا اشوف هذي الحركة جداً غلط لأنها تجرح باقي الموجودين بنفس الغرفة..بالمختصرحركاتها بصراحة موحلوة .. المهم انا الحمد لله مسالمة وماأحب المشاكل كنت افوّت لها اقول ماله داعي اسوي مشاكل وبيني وبينها صرت امر كل يوم وأسلم عليها واذا بطلع اقول لها مع السلامة انا مابي اكره الشغل لاني مثل ماقلت لكم صبرت سنين على ماتوظفت .. حاولت اتأقلم عالموضوع لأن مافي حل ثاني ..
أمس بصراحة كنت على مكتبي اشتغل .. .. هيه كانت هناك تسولف مع زميلتها...وسمعتها تتكلم .. بصراحة انا مافهمت شنو كانت تقول بالضبط بس لما حسوا اني جاية سكتت مرة وحدة.. انا بصراحة شكيت انها تتكلم علي بس مش متأكدة ..أولاً لأنها كانت تتكلم بصوت هااادي وثانيًا ليش سكتت مرة وحدة .. المهم: تعوذت من ابليس مع اني بصراحة ماستبعد منها هالحركات بس قلت ان بعض الظن اثم يمكن ماكانت تتكلم عني .. اويمكن تتكلم عني بس كانت تتكلم بشي زين..رحت اليوم الشغل وتفاجأت تدرون ليش؟
أولا: كل يوم توصل الشغل بعدي وتقول سلام وخلاص .. اليوم وصلت الشغل ومرّت على مكتبي وتسّلم علي ..
ثانيا: طلبت منها شي في الشغل مديرتي سألتني عنه تقول لي انتي تآمرين أمر وماطلبتي شي ومتى تبينه ؟؟؟؟
ثالثًأ : تقول لي ليش اليوم ماتاكلين معانا؟مع انها ولا مرة عزمتني على شي كانوا دايما يخلون الأكل بدون حتى كلمة تفضلي
على فكرة هذي أشياء أول مرة تصير من اشتغلت .. ماعمرها سوّت معاي كذا قبل .. بس أنا بصراحة حاسّة نفسي مش قادرة اكلمها يعني حتى هي تكلمني وانا عيني عالأوراق واكتب مش قادرة حتى أطالعها والله غصب عني .. يعني باختصار أنا ماأذيتها بشي ولا واجهتها بس بصراحة عاملتها ولا كأنها موجودة معاي بغرفة وحدة .. والحركات اللي سوتها اليوم خلتني أشك أكثرمن متى وهي تهتم وتسأل ؟؟
بعد شوي اجت وكلمتني تقول لي .. فيكي شي .. قلت لها لا.. تقول لي احسك اليوم متغيرة .. قلت لها لا مافيني شي .. مع العلم اني احيانا اروح الشغل مريضة مش قادرة حتى افتح عيني ماكانت تسألني اذا محتاجة شي ولا حتى تقول سلامات..
بصراحة انا مابي اقول لها على اللي شاكة فيه وأنا مش متأكدة لانها يمكن تقول اني شكاكة وعادي جداً انها تروح وتخبر الكل .. قلت لها مافيني شي تقول لي أحسك اليوم غير .ز قلت لها انا عادي مافيني شي .. ولما سألتني شفيني بصراحة شكيت أكثر ..
بنات حواء
انا ابي رايكم بمشكلتي
انا بصراحة مابي أظلم البنت وفي نفس الوقت آخذ اثم ( ان بعض الظن اثم ) بس في نفس الوقت احس ان كل الأشياء اللي صارت تبين انها كانت تقصدني بالكلام
واللي يخليني اشك اكثر شو سبب تغير معاملتها معاي اليوم بالذات؟
ابي رايكم .. حتى لو كنت غلطانة بشي قولوا لي .. وكيف المفروض اني اتعامل معاها؟
وياريت ماتقولون لي واجهيها لان يلو واجهتها وهي غلطانة او هي على حق نفس النتيجة .. اعرف اسلوبها بتسوّي روحها زعلانة وبتتكلم علي عند باقي الزميلات ..وفي نفس الوقت مافي شي يثبت انو انا على حق ولا شي يثبت انها كانت تتكلم علي
واب اعرف رايكم .. بغض النظر عن الموقف اللي صار .. بنت بالمواصفات اللي قلت لكم عليها شلون المفروض يكون التعامل معاها ؟؟ لأني حتى لو نسيت اللي صار تظل اطباعها ماتعجبني .. شو الطريقة الصحيحة للتعامل مع بنت مثلها في مجال العمل؟؟
ساعدوني بآرائكم
ايرلندا @ayrlnda
عضوة جديدة
يلزم عليك تسجيل الدخول أولًا لكتابة تعليق.
هلا ..
شوفي ياقلبي انا مااشوف اي مشكله في موضوعك انتي اعطيتي الموضوع اكبر من حجمه.. يااختي اي انسانه في عملها انا من رأيي الشخصي انها تكون جاده في عملها وفي علاقاتها مع زميلاتهاوتكون العلاقه محدوده يعني في حدود العمل..
زميلتك هذي مااشوف انها سوت شئ يستدعي منك كل هذا القلق عادي كانت تسولف مع زميلتها وبعدين حاولت تتقرب منك واستغربت انك ماتطالعين فيها سألتك ليه متغيره.. بس هذا كل مافي الأمر..
وشوفي عزيزتي انتي قومي بعملك على اكمل وجه تعاملي مع زميلاتك بحدود العمل اذا احد كلمك ويبي يتقرب منك تكلمي معاه بمنتهى الأخلاق والذوق وايضا بحدود.. وخلاص ..
عسى الله يوفقك يارب. :)
شوفي ياقلبي انا مااشوف اي مشكله في موضوعك انتي اعطيتي الموضوع اكبر من حجمه.. يااختي اي انسانه في عملها انا من رأيي الشخصي انها تكون جاده في عملها وفي علاقاتها مع زميلاتهاوتكون العلاقه محدوده يعني في حدود العمل..
زميلتك هذي مااشوف انها سوت شئ يستدعي منك كل هذا القلق عادي كانت تسولف مع زميلتها وبعدين حاولت تتقرب منك واستغربت انك ماتطالعين فيها سألتك ليه متغيره.. بس هذا كل مافي الأمر..
وشوفي عزيزتي انتي قومي بعملك على اكمل وجه تعاملي مع زميلاتك بحدود العمل اذا احد كلمك ويبي يتقرب منك تكلمي معاه بمنتهى الأخلاق والذوق وايضا بحدود.. وخلاص ..
عسى الله يوفقك يارب. :)
جيفـارا :
ممكن سؤال اختي انتي موظفة بنك؟ممكن سؤال اختي انتي موظفة بنك؟
لاتهمك ولا شي صيري معاها رسميه وبس عشان ما تتعبين وخير يا طير شفتيهم يتساسرون هذا من رداهم والاحسن تتجاهلينها بالمره بس على قد الشغل مع سلام ورد السلام وابتسامه وبترتاحين
ارجوا انك ماتزعلين من كلامي
ارجوا انك ماتزعلين من كلامي
الصفحة الأخيرة
ياختي لاتدرين بالك عليها ولاتركزين عليها خليها تولي يعني عامليها بالي يرضي ضميرك وخلي بينكم رسميات
واتوقع ماراح تحتكون كثييير لان علاقتكم عمل وبس بعدين من كلامك عنها ذكرتيني ببنات المدارس
وياختي انتي خلصي شغلك وبس ماعليك من شغلها
لاتستغلك بها النقطه