انا عن نفسي اضطر اني اراضيه و اتوقع لو ماراضيته راح ازيد الطين بلةةة

انا استغربت من شي واحد .. تبوسين القدم عشان يرضى عنك!!!!

هو الغلطان ومع هذا تعتذرين ولا بعد تبوسين قدمه !!!!!!!!!!!!!!!!!!!!!!!!!!!!!!!!!!

شكل زوجك تعود على ان كل مايزعل مصيرك بترجعين له وتعتذرين .. مااعرف ولكن انا اؤمن بان الوحدة تقدر تغير زوجها لو تبي هالشي ..

المهم انتي اشكي لله هذا الهم .. لان الصراحة هو هم والواحد مايقدر يعيش مع انسان نكد وعلى كل شي مد بوزة وزعل وحتى لو هو غلطان .. ولذلك ادعي الله واشتكي له طبع زوجك .. وادعية بان يغيره ويحسن خلقه ..

والله يعينج ياااااااااااااارب ويفرج همج

فمان الله

عزيزتي مسلمه ابوس القدم هذا مصطلح للتعبير عن شدة الاسف لكن ما اسويها
ومن ناحية تعود .........فعلا لانه للاسف كانو يقولون زوجك اذا زعل لا تراددين وراضيه هذا جنتك ونارك بس هالعمايل حولته لنار شابه على طول
خطأ الوحده تراضيه اذا ما كانت غلطانه بس بعد ايش؟؟
حبيبتي اذكري الله ....تخيلي من عشر سنين زواج ولا مرة اعتذر لي او خذا بخاطري بذمتك هذي عيشه انا انثى ابي اتدلل عليه معقول لهالدرجه كامل عمرة ما غلط؟؟؟؟
وبالنسبة لي ما اقاطعه هو اللي يقاطعني اكلمه ما يرد اسأله ما يجاوب

لاحول ولاقوة الا بالله ..

الله يعينج من قللللللللللب حبيبتي ويلين قلب زوجج ويخليه يحبببببببج من كل قلبه وهو الي يجي يراضيج .. انه على كل شيء قدير اللهم امين ..

والله دعيت لج من كل قلبي .. لانه صج شيء لا يطاق ..

انزين حبيبتي ماحاولتي انج مثلا في الاوقات الي تكونون عادي يعني مش متزاعلين ( والله يبعد الزعل والهم والحزن عنكم يارب ) انج تكلمينه .. يعني اتقولين له ليش اتسوي معاي جذي .. وانا بعد احب اني اشوفك تراضيني واتغلي عليك احيانا .. يعني حاولي انج تكلمينه وتلينين قلبه .. ماتدرين سبحان الله ..

ولكن قبل لتكلمينة .. توكلي على الله .. يعني وانتي رايحة تكلمينة وتبدين معاه حطي في بالج ان الله معاج .. يعني قولي يارب ساعدني وخلي كل همج على الله .. وكوني انتي بس سبب من الاسباب عشان هالشي يصير ..

يعني مثلا انا في الجامعة ادرس .. ويوم اروح للدكتور عشان مشروع التخرج كان يعقدني واطلع من عنده احس الدمعة من عيني وطفشانة .. ومن بديت اتوكل على الله .. يعني قبل لادخل عنده اغمض عيني واقول ربي معاي وتوكلت عليك يارب سهل علي ودبر لي امري فاني لااحسن التدبير .. والله العظيم يصير طييييييييييييييييييب الدكتور ويشرح لي وافهم واطلع وانا مستانسة !!!! وهذا مثل بسيط طبعا لايقارن مع ماتمرين فيه ..

فتوكلي على الله .. وكلمية يعني لاتقولين كلمته ومافاد .. كلميه هالمره بس ماراح تكونين بروحج بيكون ربج معاج وانتي الصراحة بعد تعتبرين مظلومة لان ظلم ان الواحد يعتذر على شي هو ماغلط عليه وكل مره على هالحاله .. وراح تشوفين المعجزات ان شاءالله ..

وطبعا ماوصيج بالاستغفار والدعاء الاعتماد على الله فقط .. والله يااختي بتغير حياتج كلها .. وانا اظمن لج هالشي .. لان الله عند ظن العبد به .. فاذا احسنتي الظن وقلتي ربي ماراح يتركني وراح يفرج همي .. راح يكون عند ظنج ..

والله المستعان ..

واعذريني على الاطالة ولكن حبيت اساعدج بكل الي اقدر عليه .. =)

فما ن الله حبوبة

الله يهديه لك بس حاولي تجمدين قلبك شوي لان على هالحاله بتتعبين معه وبعتذارك له تثبتين له انك غلطانه حتى لو انتي ماغلطتي والله يعينك عليه