الحين زوجي اذا قال بتزوج ثانيه وقلت طلقني قال لا ماهوحب فيني لكن حسد مايبغاني اخذ حريتي في الروحه والجيه يموت قهر يحب يسيطر علي طيب تزوجت وش ابغى فيني يعني انا بستمتع وانبسط واقهرك وانت خليكي جالسه عندي تحت السيطره حسبي الله عليه الله يقهره ويريحني منه

والله ما ادري عن ردت فعلي بس احنا انتشر هالفتره عندنا كذا واحد هو وزوجته سمن على عسل فجاءه يتزوج وش السبب ماااافيه سبب صراحه
الحمدلله الله لا يجعلنا نمر في هالموقف ياااارب لكن انا اهم ماعلي نفسيتي ونفسية اطفالي وماراح ابدي نفسيتي عليهم اكيد ولا راح اخليها (( الثانية )) تستمتع فيه خلنا نكون واقعيين بس الاهم عندي يعطيني حريتي ويخليني اعيش على كيفي صبرت على فترات طويله وجاء الوقت اللي ارفه فيه عن نفسي وعن اطفالي المهم نفسيتي ونفسيتهم ولايعيشيون حياة مشتته وغيرهم بقرررريح
وبالعكس اللي تقول اتنازل عن حقوقي لا ياقلبي هذا يخليها تستانس ومممن بعضهم تقوله وش تبي فيها صرف على الفاضي ماتبيك وانتوا تحسبينه مهتم واللي تقول كذا حاله طلقوا ترى ماحبوهم الرجل اذا ماحب زوجته مستحيل يكمل لو بينهم مليون طفل يا يطلق او يتزوج

اول شيء شيء يحزن المرأة الأولى انه يتزوج عليها والسبب اكيد الزوجة الثانية راح تاخذه من الأولى وها الشيء يجرح مرة .

الشيء الثاني ممكن بعض الرجال ما يعدلون بين زوجاتهم وهذا الشيء اللي راح تحسه الأولى وراح يكون في نقص اهتمام سواء بأمور الأطفال او المنزل لو وجدوا .

ثانيا في ناس ما تتحمل تعبش مع ضرة وفي ناس تتحمل عشان اولادها فكل امرأة وحكمة عقلها .

-------------------------------------------------------------------------------------------------------------------------------------------------------------------------------------------------

نجي للرجال المفهوم المرأة تتفاهم معه ايش سبب رغبته بالزواج من ثانية والسبب عشان تعرف الخلل اللي فيها وتصلحه .

ولازم اي امرأة تعتني ببشرتها وشعرها وتغير مظهرها من بين كل فتره وماتجلس على روتين واحد .

----------------------------------------------------------------------------------------------------------------------------------------------------------------------------------------------

الموقف اللي صار بأذكره حقيقي وصار من سنتين

بنتين بالجامعة يدرسون مع بعض وحدة قالت للثانيه خليني ازورك بيبتكم ونذاكر مع بعض واباء البنتين يعرفون بعض .

البنت رقم 2 اللي جات معها رقم 1 تذاكر صار بينها وبين ابو البنت نظرات والبنت رقم 2 ابوها تزوج على امها من مين ؟؟؟ من البنت رقم 1 اللي هي صديقتها بالجامعة وعمر ابو البنت 45 سنة وتزوج وحدة ام 22 سنة بعمر ابوها .

وزوجها ابوها له مرت الأيام الأم ما تحملت يمشي الثانيه وسفر والأولى كان ضاغط عليها من ايام زمان بالمصروف وما يمشيها وانها مملة والخ ....)) عندها 3 اولاد والبنت واحدة وتطلقت امها وردوا لبيت جدهم وعاشوا عنده البنت طبيبة حاليا والآولاد موظفين والأم كملت دراستها وتوظفت وتطلقت منه وتزوجت والله اكرمها باللي أحسن منه .




الزوجه الثانية اللي خذها وصاحبة بنته طيرت فلوسه وسفر وكتب البيت والسيارة بأسمها طلبت منه الطلاق ما طلقها عرف قيمة الأولى وعاد حياته بالأجار حاليا كلها وبدأ من الصفر ورجع يبقى يرجع زوجته الأولى وانقهر يوم عرف انها تزوجت ثاني شاف زوجته بالمجمع مع رجال ثاني وخانقها بالمجمع قالتله هذا زوجي اشتبقى انت ؟؟

وانقهر يوم عرف انه زوجته تزوجت والحين هو ندمان كل مرة يرسل ناس لزوجته عشان يرجعونهم وامها تقول خلاص هو كان مبين على حقيقته وصار ماضي بالنسبة لها وهي ما راح ترجع له لآنها تزوجت الأحسن منه





-------------------------------------------------------------------------------------------------------------------------------------------------------------------------------------------------------------------------------------------

والله زمان كنت ابكي واسوي البحر طحين واحط شروط عشان لايفكر
الان رغم الصعوبه بس عادي حتعامل معاه على انه ابو اولادي بس ويعيش حياته واعيش حياتي والله معاناا

تزوج علي بس مأثر في بالعكس من صالحي
لأن مافي تكافؤ بيننا لا بالطبع ولا بالعمر
اول متزوج قالي الحين مبي منكم شي
وطنشته وعشت مبسوطه مع عيالي اسولف معهم واضحك ونطلع ومصر وف عيالي أخذه
وزوجته ماهمتني مابينا علاقات
اذا قالتها صدفة سلمت عليها زي أي وحده
واستمريت كذا وصار يجري ورأي مكانه تزوج وانا زي ماكنت ماشيه ع طريقتي