كيف تتصرفين بمصروف البيت التصرف الصحيح

انا نفس الحالة مع ابو الشباب بس بعد ماصج انضغطنا هل الشهر قررنا ان هاي اخر شهر نوصل لهل الحالة ..
شوفي انا اروح الجمعية اول الشهر واشتري تموين للشهر كامل
بس يخرب علي العصاير والماي ..
وعندج البترول هاي صرفيه بروحها ..
معاش الخدامة والسايق
واغراض بنتي من حليب وحفاضات
اللي يخرب .. المطاعم وريلي الله يهداه من النوع اللي دايما يشتري بدون حساب

قلنا هل الشهر باذن الله بنحط ظرف حق كل شغلة ولا نصرف ريال زيادة عليه ..
وبنشوف شيصير لاني فعلا تمللت من الضغط المادي

نفس المعاناه بس خلاص على الشهر الجاي كل شي له حد مااااراح نسرف بشي ونخلي شي


بنسوي ميزانيه مرتبه بس ياليت تعطوننا افكار

اي والله نبي افكار

ضعي احتياجات البيت بقائمه وبجانبها المبلغ المتوقع
ولاتنسي

اقتطعي من الراتب مبلغ معين دائم يكون للطوارئ وقت الزنقات حتى لو بسيط ينفع واذا جا نهاية الشهر ومااحتجتيه لاتصرفيه اتركيه في صندوق الطوارئ وجمعي كل شهر فيه

كنت بنزل موضوع عن الميزانييييييييه

سويت بحث وحصلت مواضيع قديمه

بس كل ميزانيه تختلف من بيت لبيت على حسب عدد الاسره وعلى حسب الراتب



انا مشكلتي مشكله مع الراتب ماني قادره اوفر كم الف لصيفيه كلللللللللللللللللل سنه ننزنق بالصيفيه ونتسلف

ملييييييييت ودي احتفظ بمبلغ لي

انا يوم كنت عند زوجي كنت اوفر بس يوم جيت عند اهلي صرت اصررررررررررف صرف

لاني استحي احد يطلني وارفض وادفع قطيه لمصروف البيت وادفع لامي ولابوي وللشغاله طبعا كلها قطيات لان اخواني وخواتي بعد يدفعون

مع هذا ماحنا قادرين نلحق

فواتير التلفونات والجوالات ومصاريف المدارس وأكل البيت

طلعات للاسواق قليييييييله والمطاعم ناااااااااااااااااااااااااااادرا

بس سبحان الله نحس ان البركه ممحوقه

اووووووول خطوه في التنظيم

1- بديت اتصدق يوميا بريال حتى يتبارك الراتب

2- سويت ميزانيه خاصه فيني وبراتبي

3- اتفقت انا واخوي نمسك ميزانية البيت ونوزعها توزيع جيد

طبعا كل هالافكار لسى ماتطبقت لاننا ننتظر الراتب


بسسسسسسسسسسسسس فيه مشكله

الحمدلله والشكر عائلتنا كبيره وفيه ناس مقتنعين بفكره الاقتصاد والتوفير

وفيه ناس لااااااااااااااااااااا مايبون يبخلون على انفسهم وفكرتهم أدفع مافي الجيب يأتيك مافي الغيب وخاصه اللي ماعندهم رواتب
وجالسين بالبيت وصايره مشكله بسبب سالفة الميزانيه وليش البخل والتقتر ،،، ماهم حاسين بغلاء الاسعار

من جد ازمه التوفير اذا مافيه ناس يساعددونك