هلاعيون سعد

انا اشوف امي وخالاتي كذا يتبادلون الملابس..من باب الميانه يعني

اذا شي غالي ومالبس الا قليل حسافه صراحه خصوصا البزران يكبرون بسرعه ولايحللون اللبس..

شوفي انتي نقي الزيين لاتقولين ذوقي غير...لانك من الاساس مو مقتنعه انك تلبسين بنتك لبس ملبوس..

اكيد فيه شي زين لو قطعه وحده قطعتين ...والباقي وديه جمعيه والاجر لك ولها.

ممكن انتي تجمعين لها لبس مع قطعه من اللي عطتك ... تلبسينها قدامها<< من باب الذوق..

اتركي فكرة ماابي البس بنتي شي ملبوس انتي اكبر من ذا الكلام^_^

مرحبا:

أول حاجة مشكورة كل الشكر لمن دخلت موضوعي و خاصة اللي ردوا علي ...

و خلوني أبدا الرد على كل مشاركة:

amera-1995

(اهلا أختي
بالنسبة لي
الموضوع عااادي جدا
وهذا من باب الموده والميانة
واحنا كذا خواتي يلبسون اعيالهم من بعض
كذلك حريم أخواني يلبسون منا ونلبس منهم عااادي
شوفي الموضوع من زاويه واسعه )

تسلمين يا قلبي على المشاركة ، ماشاء الله عليك ياليتني كذا بس و الله ما أقدر خاصة ان بنتي كبيرة وهي نفسها تتحسس من الموضوع ، يعني صحيح أنا و خواتي و حتى جارتي نتبادل بعض الملابس بس لما كانوا عيالي صغار يعني مواليد هذا عادي بس بنتي الحين كبيرة بسم الله عليها ( 11 سنة و داخل على 12 ) يعني تفهم و تحس خاصة ان علاقتها شوي فيها غيرة من بنت عمتها ،، يعني مشكلتي بنتي اتمنى تكوني فهمتي علي...

مهرة:

(شوفي حبيبتي يمكن أخت زوجك موقصدها شي وهذا باين من كلامك
بس لو أنت مو حابه هالشيء ممكن إنك تاخذي الملابس وتعطيها حق حد ثاني محتاجها وبكذا ما راح تنحرجين من أخت زوجك وما راح تلبسين بنتك ملابس بنتها وما في داعي تقوليلها شيء علشان ما تنحرج منك )

هلا حبيبتي ، أكيد أخت زوجي مو قصدها أي حاجة و هذا متأكدة منه 100 % لانها تحب زوجي و عيالي مرة و هي أطيب خواتها ماشاء الله عليها و انا بعد أحبها..

و انا في المرات اللي قبل أسوي كذا أرسل الملابس للجمعية ، بس أبغى حل نهائي بحيت تبطل ترسل أي حاجة بس ما أبغى أجرحها لانها غالية علي مع العلم أنها جريئة و صريحة معنا جدا بس أنا اللي أستحي منها..


الوتد الدامي:

( ياشيخه مادام الحرمه نيتها زينه خلاص عادي اخذيها بحسن نيه )

لا ياقلبي لا تفهميني غلط ، زي ما قلت من قبل مشكلتي بنتي صارت كبيرة و تتحسس من هالموضوع ، و أبدا ما فكرت بحاجة سيئة من ناحيتها بالعكس أنا أحبها و أغليها من حبها لزوجي و عيالي و حب زوجي لها ، و هي مهوب مرة أو أثنين لا أكثر من مرة ...


سوسو أم ثوثو:

( انا حاسه فيك .. بس شينه تقولين لها انتي خلي الرفض من زوجك .. هذي المره عديها وعطيها المبره او ارفعيها عندك ومع نهاية الموسم رجعيها لها وقولي خلي عيالك الجايين يستفيدون منها.)

هلا حبيبتي ، تسلمين يارب بس زي ما قلت من قبل زوجي مو راضي يتدخل لانه في مرة من قبل قلت له لا تأخذ ملابس مرة ثاني ، و هالمرة قال ليأنه ينحرج بصراحة أه يقولها زوجتي ما تحب تأخذ من أحد ..
ياقلبي هاذي مو المرة الاولى يمكن خامس مرة و كلها أوديها للجمعية ، أما أني أقول لها خليها لعيالك الجايين هاذي صعبة و قوية شوي و انا زي ما قلت ما أبغاها تتضايق مني لاتها غالية علينا.

و على فكرة أسمك حلو مشكورة ...

أم خزامي:

( شوفي يا حبيبتي انا مثلك ما احب البس عيالي من بعد احد يعني ملابس ملبوسه
وكنت اعاني هالمشكله مع اختي مع انها من حسن نيه والملابس لبنتها ماركات واحلى منها مافيه وبصراحه من اول مره قلت لها انا بنتي دولابها ما ينصك من كثر الملابس وين اوديهم عطيهم احد يحتاجهم اكثر مني
ومره مع السوالف قلت ان زوجي ما يحب هالحركه وانا ما احب البس عيالي بعد احد

ويا اختي ترى هذا من حقك ما فيها شي افتحي معها الموضوع وبيني لها رايك خليها تعطيهم ناس محتاجين )

هلا ياقلبي تسلمين يارب على المشاركة ،لو أختي مو مشكلة بس هاذي أخت زوجي أنا فكرت أكلمها بس وشلون أفتح معها الموضوع بصراحة أستحي و أنا ما أحب أحد يشيل علي أبدا خاصة أنه علاقتي مع حمولتي فيها رسمية شوي و أحسب ألف حساب قبل ما أطلع أي كلام قدامهم ...


الابتسامة:

( الموضوع سهل وما يحتاج الحماس الزايد والمشاكل بينك وبين زوجك
خذيها واذا ما بغيتي تلبسينها بنتك تصدقي بها واخت زوجك من غلاكم ارسلت لكم
متحسفه بالملابس انها تروح لغيركم ولو ان حالة الملابس سيئه كان ما ارسلتها00 )

لا ياقلبي لا حماس زايد و لا مشاكل مع زوجي ، بس هالموضوع تكرر أكثر من مرة و أبغى أنهيه ، و انا ما قلت وش أسوي بالملابس لانه في كل مرة أرسلها للجمعيات ، و أبدا ما شككت في نية أخت زوجي هي تحبنا و أحنا نحبها ، و الملابس مو سيئة أبدا بالعكس غالية و بعضها جديد ، و مشكلتي زي ما قلت من قبل و أكرر بنتي تتضايق من الموضوع هاذى لانه فيه غيرة شوي تعرفون البنات في مثل هالعمر و بنت عمتها تتضايق من بنتي و ما تحب تجلس معها و تحاول انها تضحك عليها في أي موقف وشلون عاد اذا بنتي لبست ملابسها خاصة ان البنت هاذي هي اللي تختار ملابسها و دلوعة شوي الله يخليها لاهلها لانها الوحيدة من بين أولاد ،، فهمتي علي و صدقيني الموضوع مو سهل لانه ابغى حل بحيث ما يتضايق مني زوجي و لا أخته , و في نفس الوقت ما تتضايق بنتي..

برونا:

هلا حبيبتي ، و تسلمين يارب على الدعوة الحلوة زيك...

هاذ اللي أنا أسويه أرسل الملابس للجمعية في كل مرة ، بس زي ما قلت أبغى الموضوع هذا ينتهي مرة ، يعني بصراحة أتضايق لما أشوف زوجي داخل علي بكيس ملابس من أخته حتى بنتي تعرف انه من عمتها و تتضايق و تقول لي: انا يا ماما ما أبغى ألبس ملابس .... ليش عمتي ترسلها قولي لها ما أبغاها...



و مشكورة مرة ثانية لكل منردت علي...

السلام عليكم
حي الله عيون سعد الله يهون عليك الحمل ويفرح نضرتك بالصحه والسلامه .................الموضوع اولا واخيرا يرجعلك ..............ولاتدخلين الرجال بالموضوع لان ترى اذافكرتي زين ترى مايستاهل انك ضيقين صدرك وانتي حامل عشان خلاقين تراكي بحاجه لصحتك..............والسموحه..........

تصدقي فيها....وأناأسوي كذااذا جتني هدايا وما اعجبتني ومره سألني زوجي عن صندل جايبته اخته لولدي فقلت :اووووه ذكرتي رفعته ونسيته...ومرت الايام ولما سألني مره ثانيه قلت اني ارسلته لانه ماناسب........

دقي عليها وقولي تسمحين اعطي الملابس للجمعية أو اذا كنتي تعرفين احد بحاجة لها بكذا هي بتفهم انك ما تبغينهم واذا سألتك عن السبب عادي قولي لها البنت مليانة أو ماترضى تلبس من احد يعني باسلوب مهذب وانتي برضو اكيد بيكون عندك حاجة زايده عن حاجتك ملابس او عبايات او شنط تصدقي فيها وقولي لها انا من اصلي عندي اشياء بطلعها واذا سمحتي لي بطلع ملابس بنتك معهم

او ممكن تصير هي عارفة ناس بياخذونها فتسترجعها منك