الرسالة الأصلية كتبت بواسطة بــوح »
وليش منكدة حالك انتي بعد انبسطتي واطلعي وفرفشي او كلمي وحدة من صاحباتك تجيك وانتي طفشاااانة


واذا زوجك قابليه بإبتسامة حلوة ووجه كالقمر



يا بنات كافي تنكدون على ازواجكم عيشوا حياتكم انتو اللي تجيبون لنفسكم المشاكل صدقوني كثر المشاكل تخلي زوجك يملك ويدور على وحده ثانية تبسطه او يفضل ربعه عليك ..


انتي وشطارتك تقدرين بعقلك تنسينه كل ربعه و24 معاك بالبيت وما يطلع كل شي يعتمد على اسلوبك

الله يكون في عونا يا الحريم

اختي لا تنظرين لي بهذي النظرة مو لأني للحين ما تزوجت ماعرف شي وكيف اتعامل مع زوجي او احل مشكلة غيري

بالعكس يا اختي الدراسة والثقافة الشخصية ومشاكل الاخرين هي اكبر مدرسة في هذه الحياة مو شرط ان اتزوج عشان او انقرص وبعدها اتعلم و اعرف كيف هو تفكير الازواج وليش يترك بيته وما يستانس الا عند اصحابه ...


ابحثي عن الاشياء اللي زوجك شايفها في اصحابه ويفضل جلسة اصحابه على جلسته بالبيت والحكي معاك وبما انك ما شاء الله 12 سنة متزوجة اكيد تعرفين كيف تفكير زوجك ...


وصدقيني ترى الرجال ما يحبون المرأة النكدية والدليل على ذلك يا اختي اكثر مشاكل القسم هذا والقسم الاجتماعي سببها النكد والزعل من الاشياء الصغيرة والتافهه...


الزوج بمجرد انه يحس انه من دخوله البيت لين طلوعه ما يلقى غير الزعل يمل زوجته ويدور على غيرها .. انا ما احط اللوم عليك وما الومك واقولك انتي السبب بالعكس شعورك هذا طبيعي ولكن حاولي قدر الامكان تكسبين زوجك بصفك .... :30:


لازم انتي بعد تطلعي وتبتعدي شوي عن اجواء البيت لأن الروتين ملل وشيء قاتل جدا .. تعودي يكون يوم محدد تطلعين فيه بيت اهلك .. يوم محدد تطلعون مع العيال تمشيه .. يوم تروحين بيت اهله .. خواته .. اخوانه ... الجيران .. جددي شوي بحياتكم وان طلع طلعي انتي معاه راح بيت صاحبه روحي زوي زوجة صاحبه ... لا تقعدين بين 4 جدران حبيسه الملل والزهق ..


وبالنسبة لعلاقتك الزوجيه مع زوجك انتي اكيد عارفة شنو المطلوب منك من هذي الناحية ما اقدر ابدي رايي :D



شوفي مصيبة غيرك من باقي الزوجات اللي زوجها خاينها مع اختها واللي زوجها تزوج عليها واللي زوجها يسافر ومايدري عنها وسألي نفسك هل زوجك لما يجي البيت يكون مستانس ؟؟ يرتاح بالجلسة بالبيت ؟؟ والجواب عندك شوفي وش ناقصه وصارحيه وحاولي انك تسعديه وتحسسينه كأنه طفل ... من قال ان الرجال اذا حسسيته كأن طفلك ودللتيه يعاند اكثر .. بالعكس طبيعة الرجل مثل الطفل يبي دايما يكون مدلل .. مدلع .. يحس بقيمته عند زوجته مثل الطفل وصدقيني يمكن اللي يسويه هذا يبي يختبرك ويشوف معزته عندك او ان وقتك كله للعيال وبس :angry: وحطي ببالك ترى الرجال يغار حتى من عياله




اتمنى ان كلامي ما زعلك او ضايقك مني ابد انتي طلبتي المشورة والنصيحة وانا هدفي هنا مو اني اتفلسف او اوجع راسك بحكيي.. مشكلتك جدا بسيطة جدا يمكن تشوفينها اكبر تعرفين ليش لانك تنظرين لزوجك من زاوية وحدة بس


وصدقيني لولا اني حاسة فيك وبهمك ما تعبت حالي ورديت عليك كان اكتفيت بالمرور على مشاركتك مرور الكرام واقول انا وش خصني .. لكن المشكلة بسيطة وحلها بيدك صحيح ان زوجك يمكن يكون هو الغلطان ولكن الرجال متى ماشاف الراحة ببيته لزق فيه 24 ساعة والله اعرف حريم وبنات متزوجات يتمنون عكسك يبون ازواجهم يطلعون ويريحوهم من القعدة عندهم ليل نهار اعرف وحدة زوجها ما يطلع ابد وان حب يغير جلس عند التلفزيون وشغل على الاخبار هههههههه والله اتكلم جد :D



الله يسخر زوجك لك ويصير مثل ما يقولون خاتم بإصبعك امييييين يارب في هذي الساعات الفضيلة والمباركة من الفجر

والسموحة اختي طولت عليك :)

انا مع الاخت اروان في رايها لاني احسه احسن اسلوب يهجد الرجال ويهدي اعصابك والله يعطيكم العافيه

احس بشعورج..انا مثلك اتضايق بس ما احسسه بأي شي لما يرجع يحصلني مبسوطه اكون استناااااه و اقعد اشوف فلم و احيان امثل إني نايمه :30: و اول ما يدش اهم شي عندي انه يشوفه... هى الإبتساااامه :) حبيبتي لا تزعلين معظم الأزوااااج يتأخرون انتي بس حطي بين عيونك كل الأشياء الحلوه إللي يسويهاا و لا تدققين على الأشياء الثانيه..و الله يسعدكم و يبعد عنكم الشيطاان.. :39: