كيف تتعاملون مع الانسانه اللي تغار منك وخصوصا اذا كانت قريبتك مره ؟؟؟

أحاول أكسبها صديقة ومأزيد الغيرة عندها بتلميحات ولا كلام لا بالعكس أمدحها في محاسنها مثل والله اليوم مكياجك ناعم اليوم ماشاء الله ملابسك أنيقة من وين أشتريتيها وإذا عملت طبخه حتى لوكانت عاديه ومكررة أقل شي أقول الله يعطيك العافيه وإذا مرة مرة ماينفع معها أحاول أعطيها هدية بسيطة للمحبة تهادوا تحابوا ومن يدري يمكن غيرتها تنقلب العكس وتصير محبة وألفة بيننا
أهم شي أبعد عن كل تصرف أو عمل معنوي أو حسي يشعل الغيرة عندها وإذا كنت متأكدة أنها تغار مني لشخصي فقط ابع عن المقرنه بيني وبينها

ربة بيت ..كيف تحذفينها من حياتك وهي قريبتك مره ..
محايده ..المشكله ان غيرتها مايحتاج احد يثيرها غايره 24ساعه..
مثلا ..وحده مدحت اكله سويتيها تقوم هي تنط وتقول ايه هذي اللي اخذتي وصفتها مني ..تبي تكون هي الفاهمه والافضل ..اذا شافت عندك شي زين لايمكن تمدحه ...تحاول بالمزح انها تنتقدك وتبين انها هي الفاهمه ودايما تدق بالكلام الجارح وتقول انها تمزح ...اذا احد بيسألك عن اي شي مثلا شنطه اي شبي .. تقوم تغير السالفه وتبين ان الشي اللي عندك عادي ..
المشكله يطلع منها اشياء كثيره تضايقني مع كذا فيها (ايجابيات) بس ماقدر اتركها لانها قريبه وصديقه من سنوات :(:(:(

نفس الكلام ولاكانهاااااااا موجوده صح قريبه بس عادى ماكانى اشوفها والله نفعت معاى بالمره
وارتحت منها ومن تعليقاتها

هلا فشوووله

حبيبتي الغيره طبع .. والطبع صعب يتخلص صاحبه منه في يوم وليله او حتى سنوات , وللأسف صاحبها ينكر بإن هذي الخصله البغيضه موجوده فيه ويقول أنا طبيعي مثلي مثلكم ..

الحل اسفهيها لكن لا تحقرينها .. فيه فرق عشان ما يزود الكره بينكن .. حقها عليك إذا شفتيها تسلمين عليها وبسسسسسسسس .. انتهينا

ولا تدققين بكلامها وشي اكيد أن الناس اللي حواليها يشوفون ويعرفون ها الطبع فيها لذلك ماعليك حرج من كلامها و طنشييييييييييي حتى لو هي اختك بنت امك وابوك , يعني لا رضاها راح يدخلك الجنه ولا سخطها عليك راح يدخلك النار ( الله يجيرنا منها وكل مسلم )

وبعدين انتي تقولين إذا شافت شي زين عندك ماتمدحه ؟؟ يا شيخه عن ابوها ما مدحت , إنتي مو بإنتظار ها الشي منها وانتي عارفه نفسيتها المسكينه .. لا تنتظرين اي شي منها لا كلمه طيبه ولا شكر .. اتركيها عايمه .. و إذا نطت بسالفه اكتفي بابتسامه واسكتي , ترى الخصران يقطع المصران

المشكلة مش هنا حبيبتي
المشكلة في الي تغار منك وتقلدك في كل شي تسوينه وتشتري كل شي انتي تشترينه
وفي الاخر تنشر للناس انك انتي الي تغاري منها وتقلديها !!!!! :42: :22: