كيف تتعاملين مع اخوات الزوج الي كذا

الأسرة والمجتمع

السلام عليكم ورحمة الله وبركاته
بدخل بالموضوع بدون اي مقدمات
واتمنى من الحكيمات يجيبون لي حل
انا احترم اهل زوجي وهم بعد يحترموني
ام زوجي عسل على قشطه تجنن وتحبني مره
لاني اعتبرها مثل امي واحترمها
اوجبهم بجميع مناسباتهم واهديهم اغلى الهدايا وافخمها واعزمهم في بيتي كل بين فتره وفتره
لاكن اخوات زوجي 4 فجأه تغيرو علي
ولايحبون يقعدون عندي اذا جيتهم
واذا عزمتهم يعتذرون مايجوني ماعدا ام زوجي تجي
ويسوون حفلات ومناسبات ولا يعزموني
وكل سلفاتي معزومين
واذا جيتهم وكانو سلفاتي فيه يسولفون فقط مع سلفاتي
تغيرو مره مره علي
حاولت المح لهم بعرف ايش فيهم تغيرو مااستفدت ولا شي
اخر شي شكيت لسلفتي الكبيره حرمه كبيره
قالت انا اعرف ايش فيهم وهم قالولي
قالو ذي تكشخ وتلبس ذهب من الى ولجوال دايم اخر اصدار
نحسها افقرت اخونا وفوق ذا نحسها تبي تسوي علينا الكشيخه الواو وبصراحه محد فاضي يلبس ويكشخ لها كل ماجت


انا جتني صدمه يابنات وقهر مايعلم فيه الا الله
مع ان شكلي عادي جداً جداً لدرجة ملامحي ورب العزه اقرب لشين
سمراء وحبوب ومشاكل كثيره
حتى يوم اكشخ والبس والله بستر على شكلي
مو معقوله بشره عدمانه وملابس مبهذله
الى الان ازورهم وهم متكبرين علي كرهت الجيه لهم
لدرجة اذا رحت لهم ماافك عبايتي
وش تنصحوني اخواتي يقولو لاتروحي الا اذا عزموك واذا رحتي لاتفكين عبايتك
6
1K

يلزم عليك تسجيل الدخول أولًا لكتابة تعليق.

تسجيل دخول

غـــيمة
غـــيمة
( اوجبهم بجميع مناسباتهم واهديهم اغلى الهدايا وافخمها واعزمهم في بيتي كل بين فتره وفتره )


هذا السبب 👆قبل تقولها لك البنت يمكن جمعاتهم بسيطه وهداياهم رمزيه لما تجيبي هدايا مكلفه مو الكل قادر وحتي لو قادرين عندهم اشياء أهم
بعدين كثرة العزايم تجيب الملل وحتى المشاكل خففي روحات لهم خليهم يشتاقون لك والهدايا لاتكلفين على نفسك وخليها بالمناسبات المهمه
اما الملابس البسي اللي يعجبك ولا تهتمي لاحد
Liali678
Liali678
( اوجبهم بجميع مناسباتهم واهديهم اغلى الهدايا وافخمها واعزمهم في بيتي كل بين فتره وفتره ) هذا السبب 👆قبل تقولها لك البنت يمكن جمعاتهم بسيطه وهداياهم رمزيه لما تجيبي هدايا مكلفه مو الكل قادر وحتي لو قادرين عندهم اشياء أهم بعدين كثرة العزايم تجيب الملل وحتى المشاكل خففي روحات لهم خليهم يشتاقون لك والهدايا لاتكلفين على نفسك وخليها بالمناسبات المهمه اما الملابس البسي اللي يعجبك ولا تهتمي لاحد
( اوجبهم بجميع مناسباتهم واهديهم اغلى الهدايا وافخمها واعزمهم في بيتي كل بين فتره وفتره ) هذا...
الله يسعدك
فعلاً كلامك مقنع
أولادي أغلى ماعندي
لاتصدقي اي شي ينقالك
يعني دا ابدا مو سيب مفنع يخليهم يقاطعوك
وكلهم ال٤
ايش دخلهم في لبسك ومشترياتك
وكان بدل ماتسألي سلفتك
تسألي ام زوجك
ولا اسألي زوجك
قوليله اخواتك اشبهم مقاطعيني لايكون زعلانين من شي انا مااعرفه
غلآ الكون
غلآ الكون
اول شي واهم شي لاتاخذي بكلام سلفتك ابدا يمكن الموضوع غير انا ماقول لك تكذب يمكن فاهمه غلط ومو هذا السبب الرئيسي
ثاني شي ياقلبي لا اكشخي وانبسطي وولا عليك هم اللي يفشلون
لاتستحي وولا شي خذي راحتك وخليك زي مانتي حتى لو طلع الكلام صح وناقدينك صدقيني والله انهم بداخلهم يتمنون يصيرون زيك
اللي عليك الحين لاتكلمينهم ولا شي
جو المزاجيه هذا ماينفع تطنننننيششش ولاتسالي عنهم اصلا اذا مو موجودين عليك بام زوجك وخلاص

ان سالتي بتباني بموقف ضعييف وبايخ 
لايهمك السبب وليه وماليه شوفي اللي ظاهر لك
اللي يقدرك قدريه اللي مايقدرك لاتعتبرينه شي
مو كل من زعل من نفسه رحنا ندور وراه بالطقاق ماوقفت عليهم خليييك زي مانتي

لو هم يعزونك جووك وشرحوا لك اللي مضايقهم لكن حركات الاحزاب اغبنيهم وبيني انك مو داريه عنهم اصلا
وردة نوڤمبر
وردة نوڤمبر
يمكن احد فتن عليك او نقل عنك كلام مو صحيح انا حصل معي كذا ظنون سيئه وحسد لكن ربي فوق