كيف تتعاملين مع اللي تغار منك

السلام عليكم ورحمة الله وبركاتة

اول شيء بالنسبة لي اشوف الغيرة مرض ما عليش الواحد يقول ما شاء الله تبارك الله +الله يحفظها +الله يخليها مب يغار !

ثاني شيء والله يا اختي نصيحة خلك رسمية مع الكل رسمية ثم رسمية ثم رسمية اذا تجاوزنا الخطوط الحمراء خلاص ما ارجع العلاقة مثل اول

ثالث شيء الناس فيهم الزين وفيهم الشين بس اذا شفت وحده تغار مني ابعد عنها مره معليش كرامتي فوق كل شيء ✋🏻

رابع شيء الي تتجاهلك لا تتكلمين معها نفس الشيء الي تهينك ابتعدي عنها ولا بالعكس قولي اللهم رد كيدها في نحرها وافضل ان الله طلعها على حقيقتها والله خيره لك ابتعدي

خامس شيء انا عن نفسي اشوف الي رسميه والي محافظة على اسرار بيتها ولا تتكلم مع الحريم الا بمواضيع عامة افضل وخلك كذا انا الصراحة كذا علاقتي مع الناس ومع الحريم بشكل عام

الله يصلح حال المسلمين والمسلمات
لا اله الا الله محمد رسول الله😘

هذي مو غيره.. هذي حقوده..
عامليها برسمية شديدة وتحاشيها قد ما تقدرين..
مو غصب تحبك ولاهو لازم تبوسك وتحضن اطفالك..
دامها تهمشك همشيها واحقريها.. ولا كأنها هنا

انا طبعي اقعد على الحبه ونص مدري عنك انت

يعني تغار ازيد افحسها محد قالها حسي بالنقص
بالناقص سلامها لعيالي ولو راحو لها اقول لا ياماما تعالو لاتسلمو فيها كورونا🤓 سلمو نظر ياماما
واذا الكل مدح وهي ذمت اقولها اسم عليك اما انتي واضحك واقهقه بعد والشي اللي يقهرها مني ازيدفيه وابهره واملحه بعد لين تنجلط ونفتك 🤓🤓
اذا جت تسالني والا حسيت انها بتبدا تكلمتي بسرعه اقطع كلمتها واكلم اي وحده واقول شخباركم وعلومكم واعطيهم اخر اخبار القرارات مع كورونا واخلي ذيك هي والكنبه واحد
وبس 🤓🤓

اطنشها واسحب عليها واريح راسي وخلها تكمل تنضغط مني وش لي بالمرضى 😌

هي والجدار واحد 😂