** كيف تتعاملين مع بنت شريرة وحقودة **

مرحبا بنات

ودي اطرح موضوع وايد متعبني وابي اعرف افضل طريقة فيه


لو فيه بنت مثلا زميلتك او وحده قريبتك ولازم لازم تحتكين فيها يعني مافي مجال تبعدين بأي طريقة

لكن اخلاق هالبنت وصفاتها الشخصية كالتالي

1- تغار منك وغيرتها تنقلب حقد وتشوف انتي احسن منها بكل شي لو تضحكين حتى غارت وقالت ياحظها مستانسة
2- حسوووووووووودة وحسدها مايوفر فوق الحسد عينها حارة
3- شريرة ودها تموتين ولا تصير فيك مصيبة
4- تحش فيك وتحاول تشوه سمعتك
5- اذا كلمتك تكلمك كأنك حشرة واسلوبها واطي ويدل على القهر والغيره
6- تشوفك تصد وتعطيك ظهرها او تناظر من فوق لتحت واذا سلمتي ماردت


وشخصيتها تشوف نفسها انها ملاك وطيبة وكل الناس تحقد عليها وكل الناس حاسدتها وكلامها كله شكاوي مع انها بخير ونعمة من كل النواحي

المشكلة انك ماتقدرين تستخدمين معها نفس الاسلوب طيبتك واخلاقك ماتسمح تردين عليها بحقارة نفس ماتسوي وكل ماتشوفينها تحاولين ترضينها بابتسامة وسلام ومايثمر فيها

وفوق هذا عاونتيها لين وقفت على رجولها واسيتيها في شكاويها اللي ماتخلص اهديتيها الغالي وهي عمرها مافكرت تهديك شي
ماتجيبين سيرتها عند احد وتحافظين على سمعتها
على كثر ماتحقد ماتتصرفين بسوء اخلاق وفوق هذا ابتسامة وتكتمين في نفسك

شنو الحل مع هالنوعيه من البشر ؟