السلام عليكم
حبيت افيدكم بتجربتي مع ختان ولدي
شوفت استفسارات كثير واجوبه اكثر ومحيرهـ جدا
يعني يوم انا كنت محتاجه احد يساعدني دخلت وسألت ودورت وبصراحه الاجوبة توجع الراس اكثر مما يفيد
وفي النهايه عشت التجربه وشوفت بنفسي والحمدلله كانت سهاله :icon28:
المهم اول حاجه واهم حاجه ان البيبي يتختن او يتطهر وهو صغغير يعني
اذا وزن البيبي اول ماينولد اكثر من 2 كيلو ونص الافضل في المستشفى
من اول يوم وخلصنا
والله افضل شي وهو مايحس ... مو مره مايحس
بس يعني اهون من لما يكون عمره 3 اسابيع او اكثر
وغير كذا هما يهتمون فيه وبجرحه ولا سمح الله ازا صار اي شي الطبيب موجود
يعني انصح كل وحده تولد بالسلامه والبيبي يكون صبي ومتعافي الحمدلله يعني مافي اي مرض لا سمح الله
انها تخليهم يعملولو الختان في المستشفى ومن اول يوم
نجي للإتأخروا عن الختان اكثر من اسبوع نفس حالتي يعني
والله ان ضايقن صدري وشلت همه وبس ابكي وقلبي يعورني :(
اذا كان طعم الفيتامين دال لما اعطيه يبكي ويصرخ منه اجل كيف شق وجرح :09:كيف بيتحمل
وجلست احاتي وادعي ربي يهون عليا وعليه هذاك اليوم
ومن الصباح رحنا المشفى وولدي عمرهـ كان تقريبا 3 اسابيع
وطبعا دخل مع ابوه انا مادخلت وياقلبي يصيييييييييييييييييييح
وانااا قلبي يتقطع والله ندمانه اني ماطهرتو اول ماتولد
ماشالله بنت عمي ولدت ومن نفس اليوم اخوها اخد ولدها ونزل للدكتور طهروه وطلع ومابه شي
بس وجهو منعفس زعلان :42:
لكن مابكي ولا صاح وهو الدكتور يقول كل ماكان صغير افضل
طولتها وهي قصيرهـ هذا كله عشان اقنعكم انكم تختنون اولادكم بدري
نجي للإجراءات اللي بتسوينها بعد الختان
طبعا الختان الحين مو زي زمان في انواع في العادي اللي بالمشرط بس والله ماعرف ايش يسووون لكن هذا اللي سمعته من زوجي
وفي الحلقه وهي اسهل
وبعضهم يخدرون البيبي بس مو تخدير ابرررر لااااا احذرو من ابر التخدير حرام صغير مايتحمل
في تخدير كريم موضعي يدهنون بيه موضع الختان ويخلونه ساعه وبعدين يشتغلون
انا ولدي كان ختانه عادي مو حلقه وبعد عراك طويل وصياااااح :icon33:خلصو ولفوه بشاش طبعا انا صحت اكثر من ولدي :44:
جينا لمرحلة العلاج واللي يكثر الاسئله عنها وشو اعطيله وشو ادهن به وشو ألبسه وشو اغيرله
الادوات المطلوبه مويا دافيه وفازلين وزيت زيتون بسسسسسسسسسسسسسس
هذا ياطويلات العمر اول شي تسوونه بعد الختان تستني 24 ساعه كامله يعني يوم كامل وتفكين الشاش
ولما تجي تفكينه تستخدمي زيت زيتون<<<<<<<<<<<<<<<< بالاحمر العريض
عشان اوضح بس ان
استخدام زيت الزيتون بس عشان يسهل فك الشاش ومايوجع البيبي
وكل اللي يقولون انه يسرع االعلاج ويشفي الجرح ومن هالكلام غلط
لانه بالعقل يعني زيت لا انجرحتي في يدك حطي زيت كل يوم وشوفي ... ماراح يطيب الجرح ح يفضل رطب وياخذ وقت اطول عشان يلتأم
واساس التآم الجروح الهوا ينشفها ويتكتل الدم ويطيب الجرح طبعا هالكلام عالاجراح السطحيه موب جرح عميق اكيد يبيله علاج
المهم اللي بقوله انه لا تستخدمين زيت الزيتون ولا السمسم ولا النارجين كلها زيوت وترطب الجرح
وغير كذا ان ممكن لا سمح الله تجرثم الجرح وتدخلين في حرب اخرى .. كفايه عليك الختان
طيب والي يقولك مويا وملح ... خااااااااااااافي الله يرحم والديك وش هالقلب ايش تحسين فيه
اجل فيك جرح ويحرقك جيبيلك موية بحر ولا مويا وملح ودخلي ايدك المجروحه فيهم .. بتتحملييين ؟؟؟؟
والله ان بلاقيك في السقف ولا فوق الستاير ناطه من الوجع والحرقه
كيف بيبي يقدر يتحمل
حرام يعني قبل لا تسوين شي لولدك قيسي هالشي على نفسك يصير ولا مايصير
اذن الزيوت والمويا والملح حطي عليهم اكس ولا تقربيهم في ختان البيبي
الحل زي ماقلت زيت زيوت بس عشان تفكين الشاش تاني يوم
وجيبي مويا دافيه من غير اي اضافات وغسلي الجرح بشويش وعلى مهلك :(
وجيبيلك منشفه او هذي مفارش التغيير حقت البيبي وخليها تحت البيبي
وبعد ماتفكي الشاش وتغسلين موضع الختان خليه من غير بامبرز يتهوى الجرح وان شالله بقدرة ربنا ومن بعدهأ الهوا يلتأم الجرح
وطبعا لازم تاخذيلك دش دافي من ولدك الله يحيمه اكيد فهمتيني :42:
المهم اول ماتشوفين انو بيعملها اكرمك الله غطيها بالبامبرز يعني خلي البول يرجع عالجرح
لان سبحان الله هذا هو علاجه
وخلاااص ومن بكره بتشوفيه الجرح التأم وخف الاحمرار وصدقيني بإذن ربنا اليوم الثالث ولدك مافيه الا العافيه
بس خل عنك الخرابيط والوصفات
نصيحه بس
وقت الختان المنطقه حساسه وعرضه لأي التهابات فأهتمي وغيري البامبرز اول بأول
ولما تجي تغيريه حوطي فازلين على نفس البامبرز مو الجرح
لا البامبرز من جوا ادهنيها فازلين بغزاره بس عشان لا يلصق الجرح في البامبرز
وبس
وسلامتكم
شوفتو كيف الامر هين ومايحتاج شي
لو استخدمتو الزيوت بيضل اسبوع
ومويا ملح بتسمعين صياح وبكا
ان شالله اكون افدتكم
والله يهون على كل ام والله انه وجع قلب الحمدلله بس :(
وفي النهايه هذا الكلام من تجربتي مع ولدي
والحمدلله يومين بالزبط ولدي طاب وكل شي عال العال :icon28:
ويومين مو بعد الختان
لا يعني نفس يوم الختان واليوم التاني لما فكيت الشاش وغسلته وهويته
بدأ الاحمرار يخف والجرح يطيب وكل مااغيرله البامبرز اشوف التحسن الحمدلله
بنانا99 @bnana99
عضوة جديدة
يلزم عليك تسجيل الدخول أولًا لكتابة تعليق.
الصفحة الأخيرة
ماقصرتي