زي ما هو موضح بالعنوان
بنات تعبت منه نفسيا
قفطته وهو يكلم ومركب سماعة يحسبني م اسمع .. الا وضحكات البنت واصله لعندي .. انا من النوع اللي مقدر امسك نفسي ع طول اخذ موقف وازعل والمشكلة هو يزعل معي ويمشي تقولي انا اللي غلطت مب هو ..

وبسبب هالموقف بعد اربع ايام وبعد ماتلف لي اعصابي ولدت ولادة مبكرة وولدي المسكين هو اللي ماكلها ويعاني من مستشفى لمستشفى وعمليات وانا لي اكثر مو سبوعين ما شفته

المهم كنت ابكي كثير واقول لزوجي انه السبب وشكيت لابو زوجي وقالي انه رح يرجع يربيه وطبعا ما قصر مع ولده الله يجزاه الخير

زوجي بطل يمسك جواله عندي حتى انه علمني كود جواله

المهم وهو نايم دخلت للمحادثات ما لقيت بنات اكيد ماسحهم ههه . دخلت محادثة واحد من اصحابه السوالف شكثرها رحت لفوق كانو يتكلمو عن بنتين يعرفوهم

طلعت من المحادثة وتذكرت صورنا الرومنسية اللي خذيناها اول زواجنا ههه .. طبعا هو يخلي الصور ذي في برنامج خاص يطلب كود .. المهم جربت الكود حق الجوال اللي معلمني ودخلني .. فجأة الاقي صور بنت ههه مو وحدة بس لا .. لها اكثر من صورة المهم نزلت تحت اتابع صورنا الرومنسية وقاعده اقارن من احلى هه

فجاة دخل علي زوجي يتحسس جواله قلت معي وسحب مني قالي في صور مب كويسة هنا من قلك تدخلي (انا توني م نزلت تحت) سالته بهدوء من البنت قالي الحين تعبان اذا صرت كويس برد عليك ونام .. وجا وقت دوامه طلع بسرعه بحجة انه متاخر .. وارسل لي بالجوال انه راح في امان الله قلت تو انا ابيك بسالفة من هي البنت قال لا وصلت رح افهمك كل شيئ ... واليوم اتصل يتطمن رجعت سالته من البنت قال الحين مشغول اذا فضيت بتصل هههه

صرت اكره زوجي كره مب طبيعي بعد ما صار لولدي كذا وصرت ادعي عليه كثير لحد يقولي ادعيله بالهداية لا ابيه يحس في اللي حس به ولدي فيني قهر وحزن ما يعلم به الا ربي

المشكلة في محادثات مع خويه تدل انه كان يكلم بنات في التاريخ اللي كنت بالمستشفى مع ولدي شهر ونص واحنا نعاني وهو يكلم ههه حسبي الله

صرت ما اطيقه خلاص ابي فرقاه كل ما جت الفكرة ف بالي اتذكر امي هي من النوع الي تحزن بقوة خاصة اني بنتها الوحيدة دايما تفكيرها وبالها علي