كيف تتعاملي مع حموله ماتستحي ,,وانت اخلاقك ماتسمح تعامليهم بقلة ادب ابغى الحل؟؟؟؟؟؟

السلام عليكم ياحوائيات حبيت تشاركوني مشاعري وتنصحوني وش اسوي وطبعا احب اللي عندها خبره تنصحني ابدخل بالموضوع وش احساسك اذا ام زوجك تمدح وحده عندزوجك وتوصف شكلها وجسمها واخلاقهاوبياضها وشعرها ييعني مفاتنهاوانت جالسه اوحتى من وراك والمشكله انها تقول لبناتها يابناتي لاتمدحون وحده عندازواجكم وهي ماتتكلم عن احدقدام زوجها مع العلم انها موعجوز وزجها شباب بس تحب تمدح البنات عندزوجي وزوجي ارحمه ماوده بكذه لانه يعرف ان هالموضوع يزعجني مولاني فاقده الثقه بنفسي لا لانها تنصح بناتها وهي تسويه قدام زوجي موشي يقهر واحب احيطكم علم اني ثقتي بنفسي مالها حدودبشخصيتي واخلاقي اما جمالي ومواصفاتي حكايه ثانيه لاني والحمدلله جميله جدا ليه جدا لان مجتمعي اللي انا فيه اعتبر اجمل وحده وبترشيح الجميع مافي احد بمواصفاتي وزوجي بعد حلو وحياتي حلوه لاتقولون تغار من مين تغار من حياة وسعادة ولدها اللي ابيه منكم تنصحوني اذا تكرر الموضوع وش اسوي لان ااكدلكم راح يتتكرر تدرون انا صابره عاى هالحال خمس سنين واخرمرررررررررررره قمت تركت المجلس وطلعت العب ولدي بالحوش وبعدين رجعت وسويت اني ولاشي حصل بس مقرره المره الجايه اكلمها بالموضوع وازيدكم من الشعر بيت وحتى خواته نفس الوضع يعني ودي المره الجايه اعطيهم اياها في وجيهم وافشلهم؟؟؟؟؟؟؟؟ وش رايكم ؟وفيه بعدموضوع ثاني ان البنات اذا اجتمعنا يجلسون في المجلس ويسولفون بصوت واطي واحيانا مع خالتي؟؟؟امانه موشي يقهرررررررررررروقلة احترام وقله حياء في الشخص مع العلم اني جدا محترمه معهم وطيبه وشكل هذا الشي اللي مخليهم يتمادون صح؟؟؟؟؟؟؟؟امانه بنات ابغى نصايحكم وارائكم وهل حصل معك هالموقف وكيف تعاملتي معه؟