كيف تتعلمو اللغة الانجليزيه بدون وجع راس؟لايفوتكم
ازعجونا في اللغه وهي سهله بس المشكله في المعلمة، فقعت روسنا بالقواعد والفاعل والمنصوب والناصب والحرامي
لكن انا جيتكم وبعلمكم بدون وجع راس يالله نبدأ:
افرضي واحده ضربتك على مصعبك بقوه وش بتقولي : اي اي اي ,,,,, لاتسوي نفسك ذكيه وتقولي اح ,,لأن الضربه قويه لازم اي اي اي ,,,,
i = معنها = انا
هل تحبي جبنة بوك= لاحظي بوك بس نوع فاخر بوك= book = كتاب
هل تحبي الكت كات= لاحظي كات بس نوع بناتي فاخر
كات=cat =قط
هل تحبي شاي= لاحظي شاي
shy = خجول <<<<<< يعني تقدري تقولي
i'mshy <<<<<<<<< انا خجوله
وانتي واقفه تطالعين المرايه ,,,, فار مر ,,, تحت رجولك ماذا يحدث,,,, بتصير مشاكل كبيره ,,, ليش كذا ؟
فار مر ,,,, معنها مزارع
; farmer <<<< مزارع
من مايعرف الرئيس الامريكي ( بوش )
-بوش = push = يدفع
_يعني = يدف =
وتلاحضونها على الأبواب
يعني تقدري تقولي= ادفع الباب او دف الباب = push the door = بوش ذا دور
كلمه ثانيه:واحده تقولك: كيل تفاح تصيري قويه_ كيل برتقال _كيل موز
لاحظي كيل ) كيل = تعني = يقتل او اقتل = kill= اقتلني
= كيل مي = kill meا
و= اقتله = كيل هيم= kill him
كلمه ثانيه:
وحده تطق الباب وش تقولي: اكيد تقولي ( مين) مين مين مين
mean = مين = تعني = معنى = او قصد =
كأنكي تسئلي وش معنى كلامك او وش قصدك
مثال:
تسئلي وحده وش قصدك ؟ what do you mean = وات دو يو مين
كلمه ثانيه:
وعلى فكره كلمة = com الي تشفونها في الرابط = تعني = شركه =
وهي اختصار كلمة = company
تسمعون البزر يقول الى امه : ماما يالله قوه البيت = قوه قوه = ياقليب قليبوه
المهم واضح معنها لكم :
go = قو = قوه
يالله نروح= let us go = ليتس قوه
كف = فيه وحده ما جاها كف على وجها ؟ انا بصراحه تصفقت لين دخت
كف= معنها = كحه
. كف = cough
تقدري تقولي= i have cough = اي هاف كف = انا عندي كحه او سعال
مذر كير = من مافيه من البنات مايعرف مذر كير = طبعا = هذي ماركه تهتم بملابس الأطفال او اسم
محلات تهتم بملابس الأطفال تشفونها دائما بلأسواق ( دعايه مجانيه ) يالله بسيطه ,المهم
مذر كير= عباره عن كلمتين دائما النساء
ينطقونها ومايدرون انهم يتحدثون الأنجليزيه بطلاقه , نقسم الكلمتين
مذر = ام +ماما +امي= الي تبون تسمونها= مثال /
هذه امي = this is my mother = ذس از ماي مذر
كير= عنايه= او اهتمام او يهتم او يحرص= care = كير = مثال/ انا اهتم فيك = i care about you = اي كير اباوت يو
انا اهتم = i care = اي كير
باوار هورس = مشروب الطاقه المعروف موجود في السوبرماركت = لو تلاحظون عليه رسمة حصان
هورس = حصان = horse
باوار= قوه =power
ركزوا معي في تركيب الجمله = انا عندي حصان = i have horse =
لاحظوا = i have = متكرره
, i have = انا عندي
يعني حطيها في بداية الجمله وحطي اي شي عندك
= مثال / سياره + كتاب + اي شي = i have a car = انا عندي سياره
الرئيس الأمريكي السابق ( بيل كلينتون )
بيل + bill = فاتورة
= يعني وانتي في المطعم تبين الفاتوره تقولي
= عطني الفاتوره = give me the bill = قيف مي ذا بيل
او تقولي = بيل بليز = فاتوره لو سمحت = اهم شي تدبري عمرك
بلوتوث = واواواواو
bluetooth
معروفه مايبي لها طقة عصاة
بس اللي كثيرين مايعرفونه انه وش معنها
؟بلوتوث تعني = الناب الأزرق = او لو حبيتوا نقول الضرس الأزرق ماشي,
, بلو= blue = ازرق
توث= tooth =الناب او الضرس
هذا الحرف وشلون تنطقونه ( T ) = تي صح = تي ,تي , تي= معنها = شاهي = t ea = تي
سيف = سيف معروف اذا بغى اخوك يرقص في العرضه مع الشيوخ لازم يجيب معه سيف وينتبه لايخبطه الي جمبه
سيف= save = يحفظ او يحمي او ينقذ = يعني تقدري تقولي: احمني او انقذني = save me او احفظ المعلومات = save it او احفظ الصوره =save the picture = سيف ذا بيكتشر
فار = مخلوق نذل يصعب مسكه الا اذا جبتي له قطو لأن القطو رجال ومايخاف اما نحن النساء الله يخلف علينا والله ننحاش وتوصل اننا ننقل من الحي كله ونترك له البيت ملعون الوالدين
فار= far = معنها = بعيد = تقدري تقولي = انتي بعيده مره = u are so far = يو ار سو ( فار) = so = تعني جدا ,مثل very
يعني تقدري تقولي= u are very far =يو ار فيري فار = على كيفكم
ني = اللحم ني او الدجاج مو مستوي ني
ني= knee = معنها = ركبه
بس ماعليكم من حرف الكاف في بداية الكلمه ماينطق =k nee = تنطق = ني
كان = ( كان) ياما( كان) في قديم الزمان تركيه وا م كشه , بس ( كان ) فيه ام القنازع وخربت عليهم
كان = CAN = يستطيع او يقدر = انا استطيع = I CAN
ممكن يكون معنها اسم بمعنى = علبه او صفيحه = يعني علبة البيبسي تسمى كان لأن فيه فرق بين العلبه والقزازه
طيب وش رايكم كسبت التحدي ولا لا؟
موضوع اعجبني ونقلته لكم
فيه نوع من الطراااااافه
وحبيت تشاركوني
اتمنى لكم متعة القراءه
a
18
2K
يلزم عليك تسجيل الدخول أولًا لكتابة تعليق.
رتاج1
•
مشكوره
PARIS
•
موووضوع روووعة وخطيييييييييييييييييييييييييييييير
ياريت تنزلين لنا كلمات زيادة بنفس الطرافة وتكتبين الجزء الثاني تعلم الانجليزي من غير وجع راس...
ومشكووووره يالغلا
ياريت تنزلين لنا كلمات زيادة بنفس الطرافة وتكتبين الجزء الثاني تعلم الانجليزي من غير وجع راس...
ومشكووووره يالغلا
الصفحة الأخيرة